Worldlink ads

एमालेको १० औं महाधिवेशन

सम्पादक
मंसिर १०, २०७८

नेकपा एमालेको १० औं महाधिवेशन आज चितवनमा भव्यताका साथ सुरु हुन गइरहेको छ । मंसिर १२ सम्म हुने महाधिवेशन भव्य बनाउन एमालेले सम्भव भएजति सबै प्रयास गरिरहेको छ । महाधिवेशनस्थलमा ‘सेल्फी’ खिच्ने ठाउँसमेत बनाएको छ । पार्टीको केही महिनापहिले भएको विधान अधिवेशनपछिको यो सबैभन्दा ठूलो जमघट हो । पार्टीले उद्घाटन समारोहमा ५ लाख मानिस उतार्ने घोषणा गरेको छ । पार्टीको लागि यो विशेष अधिवेशन हो । पार्टीका शीर्षनेता माधवकुमार नेपाल, झलनाथ खनालहरु टुक्रिएर गएपछिको महाधिवेशन भएकोले पनि यसलाई के कसरी हुन्छ पूर्ण सफल बनाउने नेता एवं कार्यकर्ताहरुको प्रयास रहेको छ ।
पूर्व प्रधानमन्त्री एवं एमाले अध्यक्ष केपी ओलीले पार्टीमा सबै एक ढिक्का भएको देखाउन सबै पदको चुनाव सहमतिबाट चुनाव गर्ने प्रयास गरेका हुन् । उनी तल्लो तहका पदमा सहमतिमा निर्वाचित गराउन सफल भएका थिए । तर केन्द्रीयस्तरमा त्यसो हुन सकेन । सुरुमा नेताहरु सबै उनको मुख ताकेर तथा आफ्नो आकांक्षालाई दबाएर राखेका थिए । तर जब पार्टी उपाध्यक्ष भीम रावलले अध्यक्ष पदको प्रत्यासी बन्ने घोषणा गरे, तब अन्य नेताहरुले पनि आफ्नो आकांक्षा व्यक्त गर्दै विभिन्न पदमा उम्मेदवार हुने घोषणा गरेका छन् । सहमतिको राजनीति तोडिएको छ । महाधिवेशन अवधिमा अरु कुनै चमत्कार भएन भने चुनाव हुने निश्चित छ । सहमति भएमा नेकपा (माओवादी केन्द्र) बाट एमालेमा आएका नेताहरुलाई व्यवस्थापन गर्न सजिलो हुने थियो भने अब त्यसमा केही गाह्रो हुने देखिन्छ । संशोधित विधानले वरिष्ठ उपाध्यक्षको व्यवस्था गरेको छ भने केन्द्रीय पदाधिकारीको संख्या १५ पु¥याएको छ । पुराना र पहिले पदाधिकारी भएकाहरु अधिवेशनको ध्यान तिनै पदमा केन्द्रित भएको छ । उनीहरु आफ्नो उम्मेदवारी घोषणा गर्नेक्रम जारी राखेका छन् । स्वतन्त्रतापूर्वक उम्मेदवार घोषणा गरे तापनि उनीहरुले अध्यक्ष ओलीको आशीर्वाद पाउन आफ्नो ध्यान उतैतिर लगाइरहेका छन् ।
पार्टीको विगत हेर्दा के देखिन्छ भने केपी ओलीको अध्यक्षतामा गठित नेपाल कम्युनिष्ट पार्टी (नेकपा) विघटन भयो । एमाले पनि विभाजित भयो । प्रधानमन्त्रीको हैसियतले उनले २÷२ पटक संसद भंग गरे । तर सर्वाेच्चले पुनस्र्थापना गर्‍यो । एमालेको सरकार गि¥यो । उनको प्रधानमन्त्री पद पनि गयो । त्यत्तिमात्र होइन, एमालेको नेतृत्वमा गठित प्रदेश सरकारहरु पनि एकपछि अर्काे गिर्दै गयो । यस किसिमले सरकारबाट बाहिरिनु राजनीतिकरुपले ठूलो हो तर अध्यक्ष ओलीको यो विशेषता रहेको छ कि उनले त्यो हारले कार्यकर्ता एवं अन्य नेताहरु निराश नहोउन् भनेर दिनहुँ उत्साहले भरिएको भाषण गर्दैछन् । कार्यकर्तालाई एक ढिक्का बनाएर लग्ने प्रयास गरिरहेका छन् । त्यसैले उनले सहमतिबाट चुनाव गर्ने÷गराउने प्रयास गरेका हुन् । त्यो प्रयास महाधिवेशन अवधिमा पनि हुन सक्छ । त्यसो भयो भने यो १० औं महाधिवेशनको त्यो एक चमत्कार मान्नु पर्ने हुन्छ । महाधिवेशनको हावा कतातिर बहन्छ भन्न सकिने अवस्था छैन तर अध्यक्षमा ओलीको जीत सुनिश्चित छ ।

Related News

सम्बन्धित समाचार

    • विवाद छिटो टुंग्याऊ

      सम्पादक पौष २६, २०७८
      भारतका प्रधानमन्त्री नरेन्द्र मोदीले हालै आफ्नो पार्टीको चुनावी भाषणको क्रममा भारत सरकारले लिपुलेका भएको बाटो चक्ल्याउने कुरा बताएपछि नेपालमा त्यसको…
    • पोखरामै मिर्गौला प्रत्यारोपण

      सम्पादक पौष २३, २०७८
      पोखरा स्वास्थ्य विज्ञान प्रतिष्ठानले चालु आर्थिक वर्षभित्र मिर्गौला प्रत्यारोपण सुरु गर्ने निर्णय भएको कुरा बाहिर आएपछि मिर्गाैला पीडित, त्यसका परिवार…
    • दाहाल अध्यक्षमा निर्विरोध

      सम्पादक पौष २१, २०७८
      माओवादी केन्द्रका अध्यक्ष पुष्पकमल दाहाल पार्टीको अध्यक्ष पदमा फेरि निर्वाचित भएका छन् । उनी पार्टीको आठौं महाधिवेशनबाट निर्विरोध भएका छन्…
    • धान किसानलाई छिटो क्षतिपूर्ति देऊ

      सम्पादक पौष १९, २०७८
      हाम्रो देश कृषि प्रधान देश हो । कृषि प्रधान देश भएकाले अधिकांश नागरिकहरु किसान छन् । तिनीहरुको आम्दानीको मुख्य स्रोत…
    • कास्की कांग्रेसको संहिता

      सम्पादक पौष १८, २०७८
      राजनीतिक पार्टीका महाधिवेशनबाट नयाँ–नयाँ पदाधिकारी र सदस्यहरु निर्वाचित भएका छन् । भर्खरै निर्वाचित ती पदाधिकारी र सदस्यहरुमा उत्साह छ, उमंग…

    hero news full width