यातायात व्यवसायीको दुख सुनिदेऊ

सम्पादक
असार ८, २०७८

विश्वव्यापी कोरोना महामारीले असर नपारेको क्षेत्र कुन छ र ? तर कुन क्षेत्रमा कम र बढी असर परेको छ त्यसको लेखाजोखा भने हुन जरुरी छ । आम मानिसको जनजीवन बेस्सरी प्रभावित भएको छ । धेरैका आफन्त गुमेका छन्, परिवारको सहारा टुटेको छ । कति उपचारमा भएको खर्चका कारण ऋणले थलिएका छन् । अर्कोतिर व्यवसायीलाई आफ्नै पिर छ । खासगरी यातायात व्यवसायी र पर्यटन क्षेत्र सारै थलिएको छ । पोहोर पहिलो चरणको लहर सकिएपछि यो क्षेत्र केही भए पनि बौरिएको थियो । तर फेरि दोस्रो लहरले उठ्नै नसक्ने बनाइदिएको छ । यातायात व्यवसायीहरु भन्न थालेका छन्, ‘बैंकमा चाबी बुझाउने अनि घर बस्नेभन्दा अर्को विकल्प छैन, अहिलेसम्म जे–जति दुखगरी किस्ता बुझाइयो अब सक्ने अवस्था छैन । ऋण पनि कसैले पत्याउँदैन ।’
एकातिर गाडी चल्न नपाउँदा आम्दानी गुम्छ । अनि नियमित चलाएर इन्जिनलाई चुस्त राख्नुपर्नेमा लामो समयदेखि थन्क्याएका कारण मर्मत खर्च पनि उस्तै आउँछ । महँगो ब्याट्री बिग्रन्छ । टायरमा उस्तै समस्या आउँछ र इन्जिलाई घर्षण हुनबाट जोगाउने मोबिल नै इन्जिन बिगार्ने अवस्थामा पुगेको हुन्छ । जहिले लकडाउन सुरु भयो, सबैभन्दा बढी मार सार्वजनिक गाडीका सञ्चालकलाई प¥यो । निजी गाडीहरु जोरबिजोर भए पनि चल्न पाउने नियम बनाउँदा कालो प्लेटका गाडी गुड्न प्रतिबन्ध लगाइयो । यसले यातायात व्यवसायी त प्रभावित भए नै, मध्यम र निम्न आय भएको वर्ग, जो सार्वजनिक गाडी प्रयोग गर्छन् उनीहरुलाई समस्या प¥यो ।
गाडी खरिद गर्दा बैंकबाट लिएको ऋणको साँवा–ब्याज तिर्नुपर्छ । पोहोर साल बैंकले ६ महिना किस्ताबन्दी अवधि पछाडि सारेर सुहलियत दिए पनि पुनः अवस्था उस्तै दोहोरिएयो । आर्थिक वर्ष ‘क्लोजिङ’ बेला भयो भन्दै बैंकबाट फोन आउन थालिसकेको छ । जसबाट व्यवसायीहरु आजित छन् । कोरोनाको दोस्रो लहर प्रभावमा परेको यातायात क्षेत्र कहिले सुध्रिने हो टुंगो छैन । कोरोना प्रभावित व्यवसायीका लागि सरकारले बजेटमा राहत प्याकेज त सार्वजनिक गरेको छ । तर सरकारको पुनर्कर्जा कार्यक्रमबाट यातायात व्यवसायीले लाभ लिन सकेनन् । पुनर्कर्जाभन्दा पनि बैंक तथा वित्तीय संस्थाले किस्ताबन्दी समय पछाडि धकेलेर वा छुट दिएर संघ, प्रदेश र स्थानीय सरकारले व्यवसायीको पीडामा मलम लगाउन सक्नुपर्छ । यातायात क्षेत्रमा लगानीका आकार निकै ठूलो छ । जसलाई सरकारले व्यवस्थित गर्न सकेकै छैन । जे भएको छ निजी क्षेत्रबाट भएको छ । अनि त्यो व्यवसायमा आश्रित मजदुर परिवारको हालत के भयो होला ? सोचिल्याउँदा अवस्था भयावह छ । तसर्थ व्यवसायी र त्यसमा आश्रित मजदुरका लागि सरकारले तत्काल प्रभावकारी प्याकेज घोषणा गर्न जरुरी छ ।

Related News

सम्बन्धित समाचार

  • आन्दोलनलाई उत्तेजक नबनाऊ

    सम्पादक पौष २३, २०८०
    काठमाडौंको बालकुमारीमा भएको आन्दोलनका क्रममा अछामका वीरेन्द्र शाह र दैलेखका सुजन रावतको प्रहरीको गोली लागेर ज्यान गयो । घटनाको समाचार…
  • नेपालको बिजुली भारतले किन्ने सम्झौता

    सम्पादक पौष २२, २०८०
    नेपाल–भारत संयुक्त आयोगको सातौं बैठक काठमाडौंमा सम्पन्न भयो । बैठकमा नेपालको तर्फबाट प्रतिनिधि मण्डलको नेतृत्व परराष्ट्रमन्त्री एनपी साउद र भारतीय…
  • अग्रज पत्रकार पोखरेलको निधन

    सम्पादक पौष २०, २०८०
    पुराना पुस्ताका अग्रज पत्रकार गोकुलप्रसाद पोखरेलको सोमबार काठमाडौंको त्रिभुवन विश्वविद्यालय शिक्षण अस्पतालमा उपचारका क्रममा निधन भयो । उनी लामो समयदेखि…
  • प्रमको सम्बोधनः कामभन्दा आश्वासन धेरै

    सम्पादक पौष १२, २०८०
    प्रधानमन्त्री पुष्पकमल दाहालले आफूले सरकारको नेतृत्व सम्हालेको एक वर्ष पूरा भएको अवसरमा मंगलबार राष्ट्रका नाममा सम्बोधन गरेर सरकारको काम कुराको…
  • त्रिविमा राजनीतिक भागबण्डा अन्त्य गर्ने उद्घोष

    सम्पादक पौष ४, २०८०
    विश्वविद्यालयले प्रत्येक वर्ष दीक्षान्त समारोहको आयोजना गरेर आफ्ना विद्यार्थीहरूलाई दीक्षित गर्ने गर्दछ । त्यस्तै समारोह त्रिभुवन विश्वविद्यालयले पनि गर्दै आएको…

hero news full width