पोखरा ३, नदीपुर निवासी कवि तथा साहित्यकार तेजनाथ घिमिरेको शनिबार बिहान आफ्नै निवासमा निधन भयो । उनी लामो समयदेखि उच्च रक्तचाप मधुमेह र दम रोगबाट पीडित थिए । उनी पेसागत रुपमा शिक्षक थिए । उनले श्री ५ रत्न राज्यलक्ष्मी कन्या स्कुलमा प्रधानाध्यापक भएर काम गरेका थिए । उनले जुन बेला शिक्षक भएर काम गरे, त्यसबेला शिक्षकहरुका लागि महत्वपूर्ण बेला थियो । शिक्षकहरुले आफ्नो हक अधिकार र वृत्ति विकासको लागि संघर्ष गर्नु परेको थियो । त्यसबेला गठित शिक्षक संघ कास्कीका उनी संस्थापक अध्यक्ष भएर आन्दोलनमा होमिएका थिए । त्यसबेला राष्ट्रव्यापी रुपमा भएको आन्दोलनको क्रममा शिक्षकहरुको सेवा सुविधा आदि वृद्धि भएको थियो ।
बाहिर उनी कवि र साहित्यकारका रुपमा बढी चिनिन्थे । उनी छोटो मिठो कविता कोर्दथे । उनको कविता खँदिला हुन्थे । छन्दमा कविता लेख्न उनी सिपालु थिए । उनी पोखरेली युवा सांस्कृतिक परिवारका अध्यक्ष पनि भएका थिए । उनी जीवनको अन्तिम घडीसम्म पनि त्यो संस्थासँग आबद्ध रहे । संस्थाको कार्यक्रममा खास गरेर काव्य सन्ध्यामा उनी सधैं उपस्थित भएर युवाहरुलाई प्रेरणा दिन्थे । उनका देशकाल, अनावरण, कालचक्रलगायत कृति प्रकाशित छन् । साहित्यमा उनको योगदानको कदर गरेर २०३३ सालतिर हंसपुर साहित्य सम्मेलनमा गोल्डमेडल प्रदान गरिएको थियो । उनलाई कवि शिरोमणि पुरस्कार, राष्ट्रिय मुक्तक पुरस्कार पनि प्रदान गरेर सम्मान गरिएको थियो । त्यस्तै लेखक संघ केन्द्रीय समितिबाट २०७८ मा उनलाई अभिनन्दन पनि गरिएको थियो ।
पत्रकारिता क्षेत्रमा पनि उनको ठूलो योगदान रहेको छ । उनले एकताका हिमदूत पत्रिकामा पनि काम गरेका थिए । आदर्श समाज राष्ट्रिय दैनिकमा एउटा स्तम्भकारका रुपमा उनले लेख्ने गरेका थिए । आदर्श समाजमा उनले गरेको त्यो योगदानलाई आदर्श समाज परिवारले अविस्मरणीय रुपमा सम्झिरहने कुरा उल्लेख गर्न पाउँदा हामीलाई गर्वानुभूति भएको छ । स्वतन्त्र पत्रकार संघ गठनमा पनि उनको योगदान रहेको छ । उनले पत्रकारिता क्षेत्रमा गरेको योगदानको कदर गरेर उनलाई दयाशंकर पालिखे स्मृति पत्रकारिता पुरस्कारबाट पनि सम्मान गरिएको थियो । त्यस्तै उनलाई गोरखा दक्षिण बाहु, राष्ट्रिय प्रजातन्त्र सेनानी सम्मानबाट सम्मान गरिएको थियो । उनले कन्या क्याम्पसको स्थापनामा उत्तिकै योगदान दिएका थिए । त्यस्तै नारायणस्थान गुठीको संरक्षण र प्रवद्र्धनका लागि पनि उनले अथक प्रयास गरेका थिए । आफ्नो जीवनको उत्तरार्धमा उनले विन्ध्यवासिनी परिसरमा रहेका ज्येष्ठ नागरिकलाई प्रत्यक्ष शुक्रबार प्रवचन गरेर ज्येष्ठ नागरिकहरुमा राम्रो प्रभाव पारेका थिए । उनी कट्टर प्रजातन्त्रवादी थिए । स्वाभिमानी थिए र आफ्नो विचारलाई तर्क र प्रमाणको आधारमा दरिलोसँग पेस गर्न कुशल थिए । उनी स्वच्छ र स्निग्ध थिए । र चरित्रवान् बन्नुपर्दछ भन्नेमा जोड दिने गर्दथे । यस्तो सम्मानीत, योग्य, प्रतिभावान् चरित्रवान् व्यक्तिको निधन हुनु अपुरणीय क्षति हो । हामी उहाँको निधनमा गहिरो शोक प्रकट गर्दछौं, उहाँप्रति श्रद्धाञ्जली अर्पण गर्दछौं र शोकसन्तप्त परिवारजनप्रति हार्दिक समवेदना व्यक्त गर्दछौं ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१