१. गुणस्तरीय उत्पादनमा मापदण्ड पूरा गरेका देशका १२ वटा उद्योगले पहिलो चरणमा ‘नेपाल टी क्वालिटी फ्रम दी हिमालयज’ ट्रेडमार्क (लोगो) प्रयोग गर्न पाउने भएका छन् । उक्त स्वीकृती पछि नेपाली अर्थाेडक्स चिया १ सय ५७ वर्षपछि आफ्नै पहिचानमा अन्र्तराष्ट्रिय बजारमा पुग्ने भएको छ । नेपाली चियाका सम्बन्धमा आएको यस खबरले नेपाली चिया उत्पादकहरुको गौरव मात्र बढाएको छैन कि सबै नेपालीमा खुसी पनि छाएको छ ।

२. नेपाल अर्थाेडक्स चिया सर्टिफिकेशन ट्रेडमार्क कार्यान्वयन निर्देशिका–२०७४ आएपछि सो अनुसार चियाको अन्तर्राष्ट्रिय गुणस्तर मापन कार्य अगाडी बढेको हो । निर्देशिका अनुसार कार्यकारी निर्देशकको संयोजकत्वमा अनुगमन, व्यवस्थापन तथा नियमन समिति गठन भएको सोही समितिले ट्रेडमार्क तयार गरी बोर्डमा पेश गरेको थियो । यसवर्ष पहिलो चरणमा देशमा ४१ उद्योगले आवेदन गरेकोमा १२ वटाले ट्रेडमार्क प्राप्त गर्न सफल भएका हुन् ।

३. ट्रेडमार्क प्राप्त गर्न चियाको अन्तिम उत्पादकले राष्ट्रिय चिया तथा कफी विकास बोर्डले तोकेको मापदण्ड पुरा गरी आवेदन दिनु पर्दछ । मापदण्डको ९९ प्रतिशत पुरा गरे पनि ट्रेडमार्क दिन नमिल्ने र २/४ महिना म्याद पछि बाँकी मापदण्ड पुरा गरी आउनेलाई अवसर दिन सकिने जनाइएको छ । मापदण्डमा गरिएको कडाईले चियाको गुणस्तर बृद्धि हुने र विश्वसनीयताले नै विश्वमा नेपाली चियाले राम्रो बजार पाउने विश्वास लिन सकिनछ ।

४. नेपालमा १ सय ५७ वर्ष अघिदेखि चिया खेती हुन थालेको भए पनि ट्रेडमार्क नपाउँदा अन्तर्राष्ट्रिय बजारमा खुला रुपमा लान समस्या थियो । ईलामको चिया विश्व प्रसिद्ध हुँदाहुँदै गुणस्तरको मापदण्डको प्रमाणपत्र नपाउँदा सस्तोमा बेच्नुपर्ने अवस्था भयो । हाम्रा उत्पादनले राम्रो मुल्य नपाउँदा नोक्सानी व्यहोर्नु प¥यो । त्यसकै कारण चिया मजदूरहरुले समेत राम्रो पारिश्रमिक समेत पाएनन् ।

५. नेपाली चियाले गुणस्तरको मापदण्ड पूरा गरी ट्रेडमार्क प्राप्त गरेपछि अन्तर्राष्ट्रिय बजारमा जाने अवसर मिलेको छ । यो अवसरको भरपूर उपयोग गरेर हामीले विदेश मुद्रा आर्जन गर्न सक्दछौ । यसबाट चिया खेतीको विस्तारका साथै रोजगार समेत बृद्धि हुनेछ । यो क्रम हाम्रा अरु कृषि उत्पादनमा पनि बढ्दै जानेछ भन्ने विश्वास लिन सकिन्छ ।