मुलुकभर कोरोना महामारीको प्रभाव छ । यतिखेर आर्थिक गतिविधि ठप्प प्रायः छन् । सञ्चालित केही आथिक गतिविधि पनि पहिलेकै अवस्थामा चलायमान हुन सकेका छैनन् । गण्डकी प्रदेश राजधानी पोखरामा पनि जिल्लामा जारी निषेधाज्ञाका कारण आर्थिक गविविधिमा पनि प्रभाव कायमै छ । यसबाट देशकै ठूलो क्षेत्रफल ओगटेको पोखरा महानगरपालिकाको आन्तरिक राजस्व संकलन, विकासका कार्यक्रम र नियमित सेवा प्रवाहमा प्रतिकूल असर परेको महानगरपालिकाले जनाएको छ । महानगरभित्र रोजगारी, आयआर्जन र जीविकोपार्जनका अवसर निकै नै नराम्रोसँग प्रभावित भइरहेको यो अवस्थामा विकास निर्माणका प्राथामिकता र योजनामुताविक क्रियाकलाप सञ्चालनमा समेत प्रतिकूलता सिर्जना भएको छ ।
पोखरा नेपालकै प्रमुख पर्यटकीय सहर मानिन्छ । नेपाल घुम्न आउने करिब ४० प्रतिशत पर्यटक पोखरा नघुमी फर्किदैनन् । तर झण्डै २ वर्षदेखि पोखराले बाह्य पर्यटक पाउन सकेको छ्रैन । पर्यटन क्षेत्र नराम्ररी प्रभावित बन्दा आम्दानीको स्रोत घटेको छ । यहाँको पर्यटन सेवा शुल्क रोयल्टी नामको शीर्षकमा ६२ लाख रुपैयाँ राजस्व संकलन भएको जनाइएको छ । यो वर्ष २३ लाख जम्मा भएको छ । स्थानीय तह बनेपछि पोखराको आन्तरिक आम्दानीमा खासै परिवर्तन छैन । भइरहेका स्रोतको कर बढाउने बाहेक नयाँ स्रोत खोजीमा पोखराको मिहिनेत देखिँँदैन ।
पोखराले अनुत्पादक क्षेत्रमै राजस्वको प्रमुख स्रोत मानेको छ । सम्पत्ति कर, भूमि कर र बहाल कर यहाँको आम्दानीका प्रमुख स्रोत हुन् । २ वर्षयता यिनै प्रमुख शीर्षकबाटै आम्दानी उतिसारो पाइँदैन । अघिल्लो वर्ष करिब ११ करोड संकलित बहाल करबाट यो वर्ष भिटौरीसमेत जोड्दा मुस्किलले ८ करोड उठेको जनाइएको छ । भूमि तथा मालपोत कर पोहोरभन्दा अहिले बढेको छ । पोहोर करिब ८ करोड संकलन भएकोमा यो वर्ष १० करोड नाघेको छ । अघिल्लो वर्ष साढे ८ करोड सम्पत्ति कर उठाएकोमा अहिले ७ करोड जम्मा भएको छ भने यो वर्ष व्यवसाय कर ६ करोड उठेको छ ।
महानगरभित्र कति संख्यामा घर निर्माण भए ? कति भाडामा दिइएको छ ? आधिकारिक तथ्यांक छैन । भाडामा लगाउनेहरु कागज मिलाउँदै कम आम्दानी देखाउँदासमेत अनुगमन हुँदैन । उनीहरु १० तलाको घरको १ तलाको मात्र कर तिर्छन् । कर्मचारीसँगको मिलेमतोमा राजस्व छली गर्ने परिपाटी अन्त्य हुन सकेको छैन । आन्तरिक आम्दानीको ठूलो हिस्सा नदीजन्य सामग्रीको उत्खनन् अर्थात् गिट्टी बालुवा बेचेर आम्दानी गरिरहेको पोखराले गत वर्ष १२ करोड संकलन गरेकोमा यसपालि २१ करोड उठायो । महानगरकै लगानीबाट आम्दानी गर्ने स्रोत नभएकोले अनुत्पादक क्षेत्रमा कर बढाउनुपर्ने अवस्था विद्यमान छ । महानगरले ठूला करदातालाई खोजी खोजी करको दायरामा ल्याउन सक्नुपर्छ । अनि करको दायरा बढाउनुतर्फ केन्द्रित हुनुपर्छ । सबै प्रकारका कर दस्तुर तथा शुल्क वैज्ञानिक बनाउने तथा प्राविधिक त्रुटि सच्याउने प्रयास गर्नुपर्छ । सम्पत्तिको मूल्यांकन आधारमा सम्पत्ति करलाई प्रगतिशील करको रुपमा परिचालन गर्ने दिशातर्फ अघि बढ्नुपर्छ । व्यवसाय करको दायरा बिस्तार गर्न अभियान सञ्चालन गर्नुपर्छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१