१. यो कुन समय हो । यसवेला कुल काम गर्न उयुक्त हुन्छ अर्थात महत्वपूर्ण कुरा के हो त्यो थाहा नपाउने मान्छे त्यो सँधै असफल हुन्छ । जसले समय बुझ्दछ र त्यस अनुरुप का मगर्दछ । उसलाई सफलतै सफलता हात लाग्दछ । त्यो सफलता उसका लागि मात्र होइन समाजका लागि पनि उपयोगी बन्दछ । पोखरामा त्यस्तो एक व्यक्ति थिए सुर्यबहादुर केसी ।

२. उनका बालसखाहरु उनीलाई सिताराम केसी भनेर चिन्दथे । पहिलोपटक वि.सं. २०४३ पोखरा नगर पञ्चालयनको प्रधानपञ्चको उमेद्वार हुँदा पनि उनको नाम सुर्यबहादुर भन्दा सिताराम धेरैका मुखमा काण्ठस्थ थियो । परम्परागत कृषि पेशा सँगै निर्माण व्यवसाय अंगालेका आफ्ना बुवा कीर्तिहादुर केसीको कार्य सम्हालेका सिताराम एक्कासी राजनीतिमा झुलिए । अघिल्लो नगरसमिति निलम्ब भएपछि भएको पोखरा नगर पञ्चालयतको निर्वाचनमा उनी प्रधानपञ्चको उमेदवरा बने ।

३. पोखरामा योग्य, बुद्धिजीवि व्यक्तिहरु अरु पनि थिए । तर यतिखेरको अवस्थामा पोखराको नेतृत्व गर्न सक्ने व्यत्तिः सिताराम नै ठहरिए । आम जनमानसको विश्वास प्राप्त गर्न सफल भएको उनले त्यो अवसर फुत्कन दिएनन् । समाजको साथ रहे केही काम गरेर पनि देखाउन सक्छु भन्ने हिम्मत साथ चुनावमा उठे जिते पनि । सबैसँग घुमिल हुन सक्ने व्यक्तित्वका उनी तत्कालीन अवस्थामा पञ्चायत इतरपक्षको पनि सहयोग लिएर काम गर्न सफल भए ।

४. उनकै पालामा पोखराको महेन्द्रपुल पक्की बन्यो । सभागृह खडा भयो । बाटो घाटो लगायतका निर्माणको लहर चल्यो । दरावरको पनि विश्वन जित्न सफल रहेका उनलाई केन्द्रको साथ मिलिरह्यो । जे काम गर्न पनि सहज भयो । २०४६ को आन्दोलमा पञ्चायतको पदाधिकारी भएपनि बहुदलीय व्यवस्थाप्रति आस्था व्यक्त गेर उनले नमूना प्रदर्शन गरे । आम जनता बहुदल चाहन्छन् भन्ने उनीहरुले बुझिसेका थिए । अरु धेरै पञ्चायतकै बखानमा लागि रहँदा उनी परिवर्तनकामी भएर अग्रसर भए ।

उनी निर्माण व्यवसायी मात्र नरहेर वरिष्ठ उद्योगपति पनि बने । रारा चाउँचाउ लगायत विभिन्न प्रतिष्ठित कम्पनी उनकै नेतृत्वमा सफल रहे । यसरी एक व्यक्ति उद्योग व्यवसाय सहित राजनीतिक सामाजिक क्षेत्रमा पनि कसरी प्रतिष्ठा कायम गर्न सक्छ भन्ने नमूना सुर्यबहादुर केसी बने । उनको यही कार्तिक १७ गते राति ६३ वर्षको उमेरमा असामयिक निधन भयो । उनको निधनले समाजले एक सयम चिन्न सक्ने होनहार व्यक्तित्व गुमाएको छ । उनको दिवंगत आत्माको चिरशान्तिको कामना गर्दै भावपूर्ण श्रद्धाञ्जली अर्पण गर्दछौं ।