Worldlink ads

खेल क्षेत्रमा लगानी बढाऊ

सम्पादक
श्रावण ११, २०७८

अघिल्लो वर्ष नेपालमा भएको १३ औं दक्षिण एसियाली खेलकुद (साग) लक्षित गरी पोखरामा रंगशाला हतारहतारमा मर्मत गरियो । २०७२ को भूकम्पले क्षति पु¥याएको रंगशाला ढिलै भए पनि मर्मत सुरु भयो । अहिले रंगशालाको ९० प्रतिशत पूरा भएको छ । कोरोना महामारीबीच निर्माणले निरन्तरता पाउँदा निर्माण आखिरीमा पुगेको हो । रंगशालाको लागत करिब १ अर्ब २८ करोड रुपैयाँ छ । १६ हजार ५ सय दर्शक क्षमताको अन्तर्राष्ट्रिय मापदण्डको रंगशाला ४ महिनामा बनाउने लक्ष्यसहित शिलान्यास भए पनि लामो समय रंगशालाको ढाँचा तयार नहुँदा ढिलाइ भएको थियो । भारतको ग्रेट स्पोर्टस् इन्फ्रा (जिएसआई) र नेपाली कम्पनी एमए कन्स्ट्रक्सनको ज्वाइन्ट भेन्चरले रंगशालाको काम गरिरहेको छ । बजेट अभाव र कोरोना महामारी देखाउँदै यसअघि पटक पटक स्थगित हुँदै आएको रंगशालामा छाना हाल्ने काम सकिएको छ । निषेधाज्ञाकै समयमा विशेष पास बनाएर भारतीय कामदार ल्याइएको थियो । उनीहरूलाई क्वारेन्टिनमा राखेर नेगेटिभ सुनिश्चिततापछि मात्र काममा लगाइएको थियो । भिआइपी प्यारापिटमाथि जडान फेब्रिक (छाना) पानीले नबिगार्ने र ५० वर्षसम्म टिकाउ हुनेछ ।
दसैंसम्म काम सक्ने गरी कम्पनीले नाला बनाउने काम गरिरहेको छ । १६ वटा शौचालय ब्लकको फिनिसिङको काम बाँकी छ । फुटबल मैदानमा भिआइपितर्फको काम र कार्यालयदेखि चेन्जिङ रुमसम्मको कामसहित प्यारापिटतर्फ रहेका शौचालय बनाइनेछ । निर्माणका लागि आवासीय सुविधासहित हाल पनि ४० जना कामदार निरन्तर खटिएका छन् । रंगशाला बनाउन २०७५ पुस १३ मा राष्ट्रिय खेलकुद परिषद् (राखेप) सँग सम्झौता भएको थियो । ६ महिनाभित्र स्टेडियम बनाउनुपर्ने सम्झौतामा उल्लेख भए पनि २ महिना ढिलो काम सुरु भएको हो ।
त्यसो त राज्यको प्राथमिकतामा खेलकुद पर्न सकेको छैन । खेलाडी उत्पादनदेखि उनीहरुको व्यवस्थापनमा राज्यको त्यति चासो देखिँदैन । बजेट निर्माणका क्रममा पनि यो क्षेत्र पछाडि नै पर्ने गरेको छ । नीति निर्माताहरु खेलकुदको लगानी अनुत्पादक ठान्छन् होला सायद । खेलकुदले अनुशासन र स्वास्थ्यका क्षेत्रमा पुर्‍याएको योगदानको जति कदर गरे पनि पुग्दैन । तर बजेट विनियोजनका बेलामा यो क्षेत्र पछाडि र्न पारिएको हुन्छ । यसको मुख्य कारण हो, खेलकुदको महत्व बुझ्न नसक्नु । पोहोरमात्र साग भएको पोखरमा फेरि निकट समयमै नवौं राष्ट्रिय खेलकुद पनि पोखरामा हुँदै छ । पूर्वाधार निर्माणदेखि अरु धेरै बन्दोबस्तीका काम गर्नुपर्नेछ । त्यसो त पोखरा आफैं साहसिक खेल पर्यटनको केन्द्र हो । खेलमार्फत् पनि पोखरामा पर्यटक आकर्षित गर्न सकिन्छ । त्यसका लागि पहिला माहोल मिलाउने कामचाहिँ सरकारकै हो ।

Related News

सम्बन्धित समाचार

    • सद्भावपूर्ण संसद

      सम्पादक असाेज १, २०७८
      राजनीति परिवर्तनसँग गण्डकीमा सरकार फेरियो । हतारमा नीति तथा कार्यक्रम र बजेट ल्याउने बाध्यता कृष्णचन्द्र नेपाली पोखरेल नेतृत्वको सरकारको काँधमा…
    • माछापुच्छ्रे आरोहण खोलौं

      सम्पादक भाद्र २९, २०७८
      माछापुच्छ्रे हिमाल (६,९९३ मिटर) पर्वतारोहणका लागि खुला गर्ने/नगर्ने भन्नेबारे फेरि बहस सतहमा आएको छ । कोरोना अघि निकै तातेको थियो…
    • तालमुनिको जग्गा दर्ता गर्नेलाई कारबाही गर

      सम्पादक भाद्र २८, २०७८
      फेवा पूर्ण प्राकृतिक ताल होइन । बैदामको तल्लो भागमा बाँध बाँधेपछि तालको आकार लिएर फेवा फैलिएको विभिन्न अध्ययनहरुले देखाएका छन्…
    • कांग्रेस महाधिवेशन र लोकतान्त्रिक अभ्यास

      सम्पादक भाद्र २७, २०७८
      नेपाली कांग्रेसको १४ औं महाधिवेशनअन्तर्गत यतिखेर चुनावी सरगर्मी बढेको छ । तल्लो तहदेखि माथिल्लो तहसम्मै चुनावी माहोल तातेको छ ।…
    • एमसिसी विवाद छिटो टुंग्याऊ

      सम्पादक भाद्र २२, २०७८
      देशमा फेरि एक पटक अमेरिकी मिलेनियम च्यालेन्ज कर्पाेरेसन (एमसिसी) विवाद चर्केको छ । सरकार पक्षमा देखिएको छन् भने अर्काेतिर एमसिसी…

    hero news full width

    Jewellery

    sanil ads

    wordlink ads