१. ससंदीय छानविन समितिले रुकुम पश्चिमको चौरजाहरीमा जेठ १० गते भएको हत्या काण्ड नियोजित रुपमै भएको ठहर गरेको छ । अन्तरजातीय विवाह विवादमा भएको सो घटनामा ६ जनाको ज्यान गएको थियो । वडा अध्यक्षकै नेतृत्वमा उक्त आक्रमण भएको उल्लेख गर्दै समितिले प्रहरी प्रशासनले गरेको अनुसन्धान पनि कमजोर भएको जनाएको छ ।
२. सांसद देवेन्द्र पौडेलको नेतृत्वमा गठित ९ सदस्यीय छानविन समितिले सभामुख अग्निप्रसाद सापकोटालाई बुधबार चौरजहारी छटनाको प्रतिवेदन बुझाएको हो । जेठ २६ गतेको प्रतिनिधिसभा वैठकले छानविन समिति गठन गरेको थियो । कार्यप्रारम्भ भएको मितिले एक महिनाभित्र प्रतिवेदन पेश गर्ने कार्यादेश अनुसार नै समितिले प्रतिवेदन बुझाएको छ ।
३. जाजरकोटको भेरी नगरपालिका–४ निवासी नवराज विकले चौरजहारी नगरपालिका–८ सोती गाउँकी मल्ल थरकी युवतीलाई विहेगरी ल्याउन भनी जेठ १० गते १८ जना साथी सहित सोती गाउँमा गएकोमा आक्रमणमा परी नवराज सहित ५ जनाले ज्यान गुमाएका थिए । प्राप्त समाचार अनुसार तीन तिरबाट गाउँलेहरुले घेरिएका उनीहरु मध्ये ११ जना भेरी नदिमा हामफालेकोमा ५ जना नदी पार गर्न सफल भएको र ६ जनाको नदीमा लास भेटिएको थियो । संसदीय छानविन समितिका एक सदस्यले सो घटना जातीय भेदभावमा आधारित रहेको र नियोजित रुपमै भएको देखिएको जनाएका छन् ।
४. नेपालमा जातीय विभेदको रुपमा वेला वेलामा विभिन्न घटनाहरु भईरहेका छन् । सामूहिक हत्याकै रुपमा देखिएको चौरजहारी घटना अहिले सम्मकै ठूलो हो । तथापि यो घटनामा मारिनेमा कथित दलितमात्र होइन कथित गैरदलित पनि रहेका छन् । यसैगरी यस घटनाको विरोध सबै जातिका मानिसले गरिरहेका छन् ।
५. जातीय विभेद एउटा कुसंस्कार हो । मानिस बीचको यो भेदभावका कारण धेरै घटनाहरु हुने गरेका छन् । विभेद हटाउन कानून बनेका छन् । दण्ड सजायँ पनि भईरहेको देखिन्छ । तथापि निर्मुल हुन सकेको छैन । विभेद अन्त्यका लागि सचेतना, एकता र प्रतिबद्धताको अझै खाँचो छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
हेमराज पहारी स्मृति पुरस्कारबाट सरुभक्त पुरस्कृत
वैशाख ७, २०८१गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१