कीर्तिमानी आरोही

Avatar सम्पादक
माघ ५, २०७७

नेपालीहरुको जनजीवनका विभिन्न विधाहरुमा उत्कृष्ट काम गरेर नाम कमाएका छन् । नेपालीहरुले अत्यन्त जोखिमपूर्ण काम गरेर कतै अनौठो र आश्चर्यजनक काम गरी कीर्तिमान कायम गरेर विश्व रेकर्ड राख्नेहरुमा हिमाल आरोहीहरुको संख्या अधिक छ । शनिबार मात्र पनि १० जना नेपालीहरुले पाकिस्तानमा अवस्थित विश्वकै दोस्रो अग्लो ८ हजार ६ सय ११ मिटर उचाइको केटु हिमाल आरोहण गरेका छन् । केटु हिमाल आरोहण गर्न ज्यादै कठिन र खतर्नाक मानिन्छ । त्यो हिमाल चढ्ने क्रममा धेरै आरोहीहरुले ज्यानै गुमाएका छन् । त्यसरी ज्यान हत्केलामा राखेर केटु हिमाल आरोहण गर्नेहरुमा म्याग्दी जिल्लाका निर्मल पुर्जासहित डेबिट शेर्पा, मिङमा तेन्जी शेर्पा, ग्यालजेन शेर्पा, पेमाचिरी शेर्पा, दाबा पेम्बा, मिङ्माजी, दाबा तेन्जिङ शेर्पा, फिलु पेम्बा शेर्पा र शोना शेर्पा छन् । उनीहरुले अत्यन्त चिसो र धेरै हावा चलेको बेला हिमाल चढेर साहस देखाएका छन् ।

यसअघि नेपालीहरुले विश्वको सर्वोच्च शिखर सगरमाथा आरोहण गरी धेरै नै कीर्तिमान कायम गरेका छन् । कसैले धेरै पटक आरोहणको कीर्ति राखेका छन् भने छिटो चुचुरोमा पुगेर पनि नाम राखेका छन् । निर्मल पुर्जाले ८ हजार अग्ला विश्वको १४ वटा हिमाल ६ महिना ६ दिनमा आरोहण गरी कीर्ति राखेका छन् । जनजीवनका अन्य विधाहरुमा पनि उत्कृष्ट काम गरेर नाम कमाउनेहरुको संख्या धेरै छ । त्यस्ता कीर्तिमानीहरुको संख्या प्रत्येक वर्ष बढ्दो छ । तर नेपालमा राजनीति नै यस्तो विधा भयो । जसले कहिले राम्रो काम गरेको देखिएन । उनीहरुले सत्ता सञ्चालन मात्र राम्ररी नगरेका होइनन्, विरोधको स्वर र स्टाइल पनि हिजो जस्तो चियो आज पनि त्यस्तै छ । एक/दुई जनालाई छोडेर भन्ने हो भने कुनै पनि नेतालाई स्तरीय तहमा राख्न योग्य छैनन् । उनीहरु अहिले पनि निम्नस्तरमा पुगेर गालीगलौज गर्नलाई नै उत्कृष्ट भाषण सम्झने गरेका छन् । सिद्धान्त र विचार गौण भएका छन् । आदर्श भन्ने कुरा त हराइसकेको छ ।

देश र समाजको नेतृत्व गर्ने नेताहरुको यस्तो अवस्थाले गर्दा देश पछि परेको छ । राजनीति यस्तो अवस्थामा भए पनि प्रतिभावान नेपालीहरुले आफ्नो क्षमताको उत्कृष्ट प्रदर्शन र प्रयोग नयाँ नयाँ रेकर्ड राखेका छन् । त्यस्ता कीर्तिमानीहरु देश र समाजका निधि हुन् । उनीहरुले देशको नाम उज्यालो बनाउँदैछन् । यो हाम्रा लागि गौरवको विषय हो ।

Related News

सम्बन्धित समाचार

    • वार्तापछि पलाएको आशा

      Avatar सम्पादक फागुन २०, २०७७
      सरकार र नेत्रविक्रम चन्द्र (विप्लव) समूहले दुई पक्षबीच औपचारिक वार्ता गर्ने जुन सहमति गरेका छन्, त्यसलाई सबैले स्वागत गरेका छन्…
    • देशमा अन्योलको स्थिति

      Avatar सम्पादक फागुन १८, २०७७
      प्रधानमन्त्री केपी शर्मा ओली संसद विघटन गर्ने सवालमा सर्वाेच्च अदालतबाट पराजित भएको सर्वविदितै छ । पराजितपछि नैतिकता हिसाबले उनले राजीनामा…
    • कमलपोखरीमा कमल फुल्न देऊ

      Avatar सम्पादक फागुन १७, २०७७
      काठमाडौंको कमलपोखरीमा केही वर्षदेखि विवाद बढ्दै गएको छ । वरिपरि ठूल्ठूला भवन बनाएर कमलपोखरीमा पानी कम हुँदै गएको बेला २०७२…
    • योग्य व्यक्तिको अवसान

      Avatar सम्पादक फागुन १६, २०७७
      नेपालका पहिलो चार्टर्ड एकाउन्टेन्ट (सिए) का रुपमा ख्याति कमाएका कुवेर शर्माको ८१ वर्षको उमेरमा हृदयघात भई काठमाडौंमा निधन भयो ।…
    • प्रधानमन्त्रीको आपत्तिजनक अभिव्यक्ति

      Avatar सम्पादक फागुन १०, २०७७
      राजनीतिक पार्टीका नेताहरुले एकआपसमा आलोचना गर्ने गरेको धेरै भयो । तिनीहरुले त्यसरी आलोचना गर्दागर्दै एकले अर्काेलाई व्यक्तिगत लाञ्छना पनि लगाए…

    hero news full width