जापानका पूर्व प्रधानमन्त्रीको हत्या

सम्पादक
असार २६, २०७९

सामान्यतया शान्तिको देश भनेर चिनिएको जापानमा शुक्रबार चुनावी भाषण गरिरहेको बेला जापानका पूर्व प्रधानमन्त्री सिन्जो आवे एक जना अविवेकी जापानी नागरिक ४१ वर्षीय तेत्सुया यामागामीको सिकार भए । उनको उपचारको क्रममा अस्पतालमा निधन भयो । उनलाई किन गोली प्रहार गरिएको हो त्यसबारे केही बताएको छैन । गोली नजिकैबाट प्रहार गरिएको थियो । उनले गोली प्रहार गरिएको बन्दुक त्यो मानिसले आफ्नै घरमा बनाएको घरेलु हतियार भएको प्रहरीले जनाएको छ । प्रहरीले त्यो मानिसलाई ठाउँको ठाउँ पक्रेको छ । आफ्ना पूर्व प्रधानमन्त्रीको हत्या भएपछि जापानभर शोक व्यक्त गरिएको छ । पूर्व प्रधानमन्त्री सिन्जो आवेको निधनमा नेपालमा पनि शनिबार राष्ट्रिय शोक मनाएको थियो ।

सन् १९५४ मा जन्मिएका आवे राजनीतिक पृष्ठभूमिका थिए । उनका हजुरबुबा नोबुसुके किसिका प्रधानमन्त्री भएका थिए भने उनका बुबा सिनतारा विदेशमन्त्री भएका थिए । यस्तो परिवारमा उनको जन्म भएको थियो र उनले आजीवन लिबरल उमोक्रेरिक पार्टीका लागि काम गरे । आखिरी दिनमा पनि उनी त्यही पार्टीको लागि चुनावी भाषणमा व्यस्त थिए । उनले आधुनिक जापानी इतिहासमा धेरै कीर्ति राखेका थिए । उनी विश्वयुद्धपछिको सबभन्दा कान्छा प्रधानमन्त्री थिए । ५१ वर्षको उमेर प्रधानमन्त्री भएका उनी सबभन्दा लामो समय प्रधानमन्त्री हुने व्यक्ति पनि मानिन्छ । उनले ९ वर्ष प्रधानमन्त्रीका रुपमा जापानलाई हाँकेका थिए । उनी पहिलो पटक सन् १९९३ मा सांसद बनेका थिए । सांसद बनेको २ वर्षपछि मन्त्री भए त्यसपछि उनी प्रधानमन्त्री भएका थिए । आफ्नो स्वास्थ्य स्थितिका कारण उनले राजीनामा दिएका थिए ।

उनलाई जापानमा ठूलो सम्मानका साथ हेर्ने गरिएको छ । प्रधानमन्त्री भएपछि उनले जापानको लागि एक किसिमको नयाँ आर्थिक नीति सञ्चालन गरी उनले बजारमा माग बढाउने, त्यसैको आधारमा मूल्य वृद्धि गर्ने र उत्पादनलाई प्रवद्र्धन गर्ने अर्थ नीति सञ्चालन गरेपछि जापानको आर्थिक अवस्थामा उल्लेख्य सुधार भएको थियो । अर्को महत्वपूर्ण कार्य उनले आफ्नै सैन्य शक्ति स्थापना गरे जसले गर्दा जापानको शक्तिको छिमेकी देशहरुमा मात्र होइन, विश्वमा नै त्यो चर्चाको विषय भयो । सैन्य शक्ति आर्थिक सुधार र राजनीतिमा मात्र उनले कीर्ति राखेका होइनन्, कुटनीतिक क्षेत्रमा पनि उनले आफ्नो प्रभाव बढाउन सफल भएका थिए । जापानको लागि उनी एक महत्वपूर्ण राजनेता थिए । उनको निर्मम हत्यालाई विश्वका नेताहरुले निन्दा गरेका छन् । जापानी प्रधानमन्त्री किसिदाले हिंसाको अघि कहिल्यै नझुक्ने संकल्प गरेका छन् । प्रधानमन्त्री शेरबहादुर देउवाले गहिरो शोक वक्तव्य जारी गरेका छन् । उनी नेपालका एक असल मित्र थिए र नेपालको विकास निर्माणमा गहिरो रुचि लिएर उदारतापूर्वक सहयोग गरेका थिए । उनको निधनलाई अपूरणीय क्षति मानिएको छ ।

Related News

सम्बन्धित समाचार

  • कांग्रेस भित्र प्रधानमन्त्रीको होड

    सम्पादक मंसिर १९, २०७९
    मंसिर ४ गते सम्पन्न चुनावको परिणाम मध्ये प्रत्यक्षतर्फको मतगणना पूरा भएको छ भने समानुपातिकतर्फको गणना पनि सिद्धिने अवस्थामा छ ।…
  • पोखरा बहुमुखी क्याम्पसलाई शुभकामना

    सम्पादक मंसिर १६, २०७९
    पोखरा बहुमुखी क्याम्पस पोखरामा पृथ्वीनारायण क्याम्पसपछिको दोस्रो क्याम्पस हो भने सामुदायिक क्षेत्रमा खोलिएको यो तत्कालीन पश्चिमाञ्चलकै पहिलो क्याम्पस हो ।…
  • सरकारको स्थिरता र अस्थिरताको चर्चा

    सम्पादक मंसिर १४, २०७९
    प्रतिनिधि सभाको निर्वाचनमा कुनै एक पार्टीको बहुमत नआउने भएपछि अब बन्ने सरकार स्थिर होला कि अस्थिर होला भन्ने बहस चल्न…
  • चीनमा विरोध र्‍याली

    सम्पादक मंसिर १३, २०७९
    चीनमा सामान्यतया विरोध भनेको हुँदैन, कहींकतै विरोध भए तापनि त्यसको स्वर सुनिँदैन र त्यस्तो विरोधलाई निर्ममतापूर्वक दबाइन्छ भन्ने भएको बेला…
  • लैंगिक हिंसाविरुद्धको कार्यक्रम

    सम्पादक मंसिर १२, २०७९
    महिलाको संख्या पुरुषको भन्दा बढी छ । बढी भएकोले कतै महिलाको विषयमा उल्लेख गर्नु पर्दा आधा आकाश ढाकेर बसेका महिलाहरु…

hero news full width