Worldlink ads

प्रदेश प्रमुख बदलीको अन्तर्य

सम्पादक
श्रावण १३, २०७८

नेपालको संविधानले सात वटै प्रदेशमा प्रदेश प्रमुखको परिकल्पना गरेको छ । कार्यकारी अधिकार मुख्यमन्त्रीमा हुने भए पनि प्रदेश प्रमुख आलंकारिक प्रमुख रहने व्यवस्था छ । प्रदेश र प्रतिनिधिसभाको चुनावलगत्तै त्यतिबेलाका प्रधानमन्त्री शेरबहादुर देउवाले सात वटै प्रदेशमा प्रदेश प्रमुख नियुक्त गरेका थिए । राजनीतिक पृष्ठभूमि कम भएका, सामाजिक क्षेत्रमा योगदान पुर्‍याएकाहरु त्यतिबेला प्रदेश प्रमुख भएर आएका थिए । ओली सरकार गठन भएलगत्तै प्रदेश प्रमुखहरु फेरिन्छन् भन्ने थियो । तर ओलीले उनीहरुलाई तत्काल फालेनन् । पूरै कार्यकाल रहलान् भन्ने पनि थियो । बीचमा आएर प्रदेश प्रमुख फेरिए । एमाले र माओवादी मिलेर एउटै पार्टी भएकाले गण्डकी प्रदेशमा माओवादी पृष्ठभूमिका अमिक शेरचन नियुक्त भएर आए । कांग्रेसले पहिला नियुक्त गरेका बाबुराम कुँवर वरिष्ठ अधिवक्ता हुन् । सक्रिय जीवनयापन गरिरहेकाहरुलाई प्रदेश प्रमुखको पद अलि साँघुरो लाग्नु स्वाभाविक हो । प्रदेशकै प्रमुख भइसकेपछि त्यही अनुसारको मान मर्यादामा बस्नुपर्ने भएकाले असजिलो महसुस कुँवरले गरेका थिए । जुन कुरा पछि अमिक शेरचन र अहिले सीताकुमारी पौडेलले पनि व्यक्त गरेका छन् ।
अहिले आएर फेरि सरकारले लुम्बिनी र गण्डकी प्रदेशका प्रमुख परिवर्तन गरेको छ । मन्त्रिपरिषद् बैठकको सिफारिसमा राष्ट्रपति विद्यादेवी भण्डारीले गण्डकीमा पृथ्वीमान सिंह गुरुङ र लुम्बिनी प्रदेशमा अमिक शेरचनलाई प्रदेश प्रमुख नियुक्त गरेकी हुन् । मन्त्रिपरिषद्को मंगलबारको बैठकले चितवनका गुरुङलाई गण्डकीमा र शेरचनलाई लुम्बिनी प्रदेश प्रमुखमा नियुक्त गर्न राष्ट्रपतिसमक्ष सिफारिस गरेकोमा राष्ट्रपतिले नेपालको संविधानको धारा १६३ को उपधारा (२) बमोजिम नियुक्त गरेकी हुन् । यसअघि राष्ट्रपतिले मन्त्रिपरिषद्को सिफारिसमा मंगलबार नै गण्डकीका प्रदेश प्रमुख सीताकुमारी पौडेल र लुम्बिनीका प्रदेश प्रमुख धर्मनाथ यादवलाई पदमुक्त गरेकी थिइन् । लुम्बिनीमा नियुक्त शेरचन यसअघि गण्डकी प्रदेश प्रमुख थिए । केपी शर्मा ओली नेतृत्वको अघिल्लो सरकारले उनलाई हटाएर गत वैशाख २० मा सीताकुमारी पौडेललाई नियुक्त गरेको थियो । लुम्बिनीका प्रदेश प्रमुख यादव भने २०७६ कात्तिक १८ मा प्रदेश प्रमुख नियुक्त भएका थिए । पूर्व उपप्रधानमन्त्रीसमेत रहेका शेरचनलाई माओवादी केन्द्रले प्रदेश प्रमुखमा सिफारिस गरेको हो । गण्डकीमा प्रदेश प्रमुख नियुक्त गुरुङ नेपाली कांग्रेस चितवनका पूर्वसभापति हुन् ।
त्यसो त प्रदेश प्रमुख पद कार्यकारी होइन । पछिल्लो राजनीतिक घटनाक्रमले यो पदको महत्व बढाइदिएको छ । संघ र प्रदेशमा सरकार फेरबदल हुनेक्रममा राष्ट्रपति र प्रदेश प्रमुखहरुले खेलेको भूमिका सत्तामा अडिनका लागि टेको बनेको पनि देखिएकै हो । सरकारले लगेका सिफारिस तत्कालै कार्यान्वयन गर्न आफू अनुकूलको प्रदेश प्रमुख चाहियो । जुन कुरा लुम्बिनी प्रदेशबाट पनि देखिएको छ । मुख्यमन्त्री शंकर पोखरेलका पक्षमा बहुमत नहुँदानहुँदै पनि उनले सपथ खुवाउनुमा प्रदेश प्रमुखकै भूमिका महत्वपूर्ण थियो । जे भए पनि नेपालीको चाहना राजनीतिक स्थिरता र समृद्धि हो । दलहरु खिचातानीमा नउत्रिदिए हुन्थ्यो भन्ने नागरिकको चाहना हो ।

Related News

सम्बन्धित समाचार

    • सद्भावपूर्ण संसद

      सम्पादक असाेज १, २०७८
      राजनीति परिवर्तनसँग गण्डकीमा सरकार फेरियो । हतारमा नीति तथा कार्यक्रम र बजेट ल्याउने बाध्यता कृष्णचन्द्र नेपाली पोखरेल नेतृत्वको सरकारको काँधमा…
    • माछापुच्छ्रे आरोहण खोलौं

      सम्पादक भाद्र २९, २०७८
      माछापुच्छ्रे हिमाल (६,९९३ मिटर) पर्वतारोहणका लागि खुला गर्ने/नगर्ने भन्नेबारे फेरि बहस सतहमा आएको छ । कोरोना अघि निकै तातेको थियो…
    • तालमुनिको जग्गा दर्ता गर्नेलाई कारबाही गर

      सम्पादक भाद्र २८, २०७८
      फेवा पूर्ण प्राकृतिक ताल होइन । बैदामको तल्लो भागमा बाँध बाँधेपछि तालको आकार लिएर फेवा फैलिएको विभिन्न अध्ययनहरुले देखाएका छन्…
    • कांग्रेस महाधिवेशन र लोकतान्त्रिक अभ्यास

      सम्पादक भाद्र २७, २०७८
      नेपाली कांग्रेसको १४ औं महाधिवेशनअन्तर्गत यतिखेर चुनावी सरगर्मी बढेको छ । तल्लो तहदेखि माथिल्लो तहसम्मै चुनावी माहोल तातेको छ ।…
    • एमसिसी विवाद छिटो टुंग्याऊ

      सम्पादक भाद्र २२, २०७८
      देशमा फेरि एक पटक अमेरिकी मिलेनियम च्यालेन्ज कर्पाेरेसन (एमसिसी) विवाद चर्केको छ । सरकार पक्षमा देखिएको छन् भने अर्काेतिर एमसिसी…

    hero news full width

    Jewellery

    sanil ads

    wordlink ads