१. पोखरा विश्वविद्यालयमा उच्च पदाधिकारीको तत्काल नियुक्ति गर्न माग गर्दै विद्यार्थीहरुले चरणबद्ध आन्दोलन सुरु गरेका छन् । उनीहरुले जिल्ला प्रशासन कार्यालयको शुक्रबार शान्तिपूर्ण धर्ना दिए । साथै कुलपति समेत रहेका प्रधानमन्त्री र सह–कुलपति शिक्षा मन्त्रिी समक्ष प्रमुख जिल्ला अधिकारी मार्फत ज्ञापनपत्र बुझाएका थिए ।

२. पोखरा विश्व विद्यालयमा उपकुलपति, रजिष्टार, परीक्षा नियन्त्रक, डिन र निर्देशकसमेत गरी पाँच प्रमुख पदहरु रिक्त रहेका छन् । उपकुलपति र रजिष्टार पद कार्यवाहक दिइएपनि उनीहरु पनि सेवा अवधि सकिएर विदाई भएको जनाइएको छ । ती पदहरुमा पूर्णकालीन नियुक्त यथासिघ्र गर्न विद्यार्थीहरुले माग गरेका हुन् ।

३. पोखरा ढुङ्गेपाटनमा केन्द्रीय कार्यालय रहेको पोखरा विश्वविद्यालयमा स्कुल अफ विजनेस, स्कुल अफ ईन्जिनियरिङ, स्कुल अफ सोसल अफ सोसल डेभलपमेन्ट, स्कुल अफ हेल्थ एण्ड एलाइज साइन्स गरी चार संकायमा पढाई हुने गरेको छ । साथै देशका ५८ वटा कलेजहरु पोखरामा विश्वविद्यालयसँग सम्बन्धन प्राप्त छन् । उक्त विश्वविद्यालय उच्च पदाधिकारी विहीन हुँदा अध्ययन अध्यापन, परीक्षा लगायत विकास विस्तार समेत प्रभावित बनेको छ ।

४. पोखरा विश्वविद्यालय पोखरावासीको गौरब हो । यो विश्वविद्यालय स्थापनका लागि पोखराका शिक्षाप्रेमी, बुद्धिजिवी, उद्योग व्यवसायी एवम् सर्वसाधरणको ठूलो योगदान रहेको छ । प्रारम्भिक अवस्थामा जुन लक्ष्य उघेश्य र उत्साहसाथ स्थापना भएको थियो, पछिल्ला वर्षमा राजनीतिक हस्तक्षेप र भागबण्डाका कारण विभिन्न समस्याहरु देखा परेका छन् । वेला वेलामा हुने आन्दोलन र तोडफोडले अध्ययन अध्यापनमा समेत अवरोध हुने गरेको छ । अहिले आएर उच्च पदाधिकारीहरु नहूँदा प्रशासनित तथा नियमित सञ्चालनमा समेत नेतृत्व विहीनको अवस्थामा पुगेको छ । यसले सबैलाई चिन्तित बनाएको छ ।

५. सबै विकासको आधार शिक्षा मानिन्छ । विश्व विद्यालय त शिक्षा क्षेत्रको पुञ्ज नै हो । विश्वभर मान्यता राख्ने यस संस्थामा हुने कमी कमजोरीको असर ठूलो पर्दछ । तर सरकारले यस्ता संवेदनशीष्ल कुरामा पनि वेलैमा ध्यान दिएको पाइदैन । उच्च पदाधिकारीको नियुक्तीको ढिलाईले विश्व विद्यालयका विद्यार्थीहरुको भविष्यमाथि समेत खेलवाड हुदैछ । यस अवस्थामा विद्याथीृहरुले जनु माग राखेर आन्दोलन गरेका छन्, यो सकारात्मक छ र मागको सुनुवाई छिटो गरिनु पर्दछ ।