सहरीकरणतिर अग्रसर भएर बढिरहेको पोखरामा दिनहुँ ठूला–साना समाचार बन्ने गर्छन् । तीमध्ये केही यस्ता समाचार हुन्छन्, जसले पोखरेलीको रुचि बढाउँछन्, अनुहारमा खुसी ल्याइदिन्छन् । त्यस्तै समाचारमध्ये अहिले एउटा समाचार आएको छ, त्यो हो–पोखरा बसपार्क बन्ने । पोखराको बसपार्क बनाउने भनेर नवनिर्वाचित नगर प्रमुख धनराज आचार्य र गण्डकी प्रदेशका भौतिक पूर्वाधार, सहरी विकास तथा यातायात व्यवस्था मन्त्री कुमार खड्काले सम्बन्धित वडा ९ का नवनिर्वाचित वडाध्यक्ष दीपेन्द्र मर्सानीको उपस्थितिमा नाला निर्माण कार्य शुभारम्भ अवसरमा नगर प्रमुख आचार्यले आफूले सपथ ग्रहण गरेको ९ दिनमा बसपार्क निर्माण सुरु गरेको बताउँदै ३ वर्षभित्र बसपार्क निर्माण गर्ने कामले पूर्णता पाउने प्रतिबद्धता व्यक्त गरे ।
पोखरा बसपार्क व्यवस्थितरुपले बनाउने सपना पोखरेलीको २०३२ सालदेखिको हो । त्यो सपना साकार पार्ने भनेर त्यस बेलादेखि प्रत्येक निर्वाचनको बेला उम्मेदवारले आफ्नो घोषणापत्रमा उल्लेख गर्दै आएका छन् । हालैको स्थानीय तह निर्वाचनमा पनि घोषणापत्रमा त्यो कुरा उल्लेख थियो । हामीले पनि बराबर पार्टीहरुको र उम्मेदवारको त्यो प्रतिबद्धताबारे प्रश्न उठाएर ध्यान आकर्षित गर्दै आएका छौं । तर अहिले अकस्मात जस्तै गरी नाला खन्ने काम गरिएबाट त्यसमा पोखरेलीको ध्यान आकर्षित भएको छ । बसपार्कमा जग्गाको विवाद छ । सुकुमबासी समस्या पनि छ । बसपार्कको जग्गामा अतिक्रमण भएको छ । ती विवादको समाधान गर्न नसकेका कारणबाट पनि बसपार्क बन्न ढिलाइ भएको सम्बन्धितले बताउने गरेका छन् ।
बसपार्क बनाउने भनियो । यो निश्चय नै खुसीको कुरा हो । तर बसपार्क कस्तो बनाउने ? त्यसको नाम नक्सा सार्वजनिक गरिएको छैन । डिपिआर तयार भएको छैन । त्यसको लागि बजेट कहाँबाट कसरी आउने हो ? त्यो पनि सुनिश्चित भएको छैन । त्यो केही नभए पनि सरकारले चाहियो भने ती सबै कुराको समाधान केही महिनाभित्रै हुन सक्दछ । मुख्य कुरा इच्छाशक्तिको कुरा हो । विगतका स्थानीय सरकार यस दिशातिर किन ध्यान दिएनन्, त्यो आश्चर्य कुरा भएको छ । हामीले प्रश्न उठाउँदा पनि त्यसको कही कतैबाट प्रतिक्रिया समेत नआएको अवस्था थियो । त्यस्तो अवस्थाबाट गुज्रिरहेको बसपार्कमा अहिले नाली खनेर काम सुरु गरिएको समाचार सम्प्रेषण हुँदा त्यो समाचार चर्चित हुनु स्वभाविक हो । पोखराको मूलबजारमा अवस्थित पोखरा बसपार्कको त्यो अस्तव्यस्त अवस्थाले सिंगो पोखराको सौन्दर्यमा धब्बा लगाएको अनुभूति हुन्थ्यो । तैपनि सम्बन्धित पदाधिकारीले संवेदनशील भएर त्यसलाई आफ्नो पालामा गरिहालौं भनेर सोचेनन् । वर्तमान स्थानीय सरकारले त्यसमा तत्परता देखाएको छ । यो खुसीको विषय हो । यो कामले निरन्तरता पाओस्, हाम्रो शुभकामना छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१