नेपालको संसदीय अभ्यासमा शेरबहादुर देउवा पाँचौं पटक प्रधानमन्त्री बन्ने सौभाग्य प्राप्त गरेका छन् । उनले २०७८ असार २९ मा प्रधानमन्त्रीको शपथ ग्रहण गरे । सबैभन्दा पहिले २०५२ सालमा पहिलो पल्ट प्रधानमन्त्री बनेपछि उनको कार्यकारी प्रमुखको यात्रा सुरु भएको थियो । त्यसपछि क्रमशः २०५८, ०६१, २०७४ मा प्रधानमन्त्री बने । केपी ओली सरकारले गत वर्ष पुस ५ मा संसद् भंग गरेसँगै सुरु भएको विभिन्न श्रृंखलापछि अन्ततः सर्वोच्च अदालतको परमादेशसँगै ओलीको पदच्यूतसँगै देउवा प्रधानमन्त्री नियुक्त भएका हुन् । विगतमा भन्दा यसपालिको सत्तारोहण भने फरक रह्यो । त्यसैले काँग्रेस सभापति समेत रहेका देशका कार्यकारी प्रमुख देउवालाई उस्तै चुनौतीको पहाड कायमै छन् ।
संविधानको धारा ७६ (५) बमोजिम प्रधानमन्त्री बनेका देउवाको पहिलो चुनौती प्रतिनिधिसभामा विश्वासको मत प्राप्त गर्नु हुनेछ । उनले ३० दिनभित्र विश्वासको मत लिनुपर्छ । प्रममा दाबी पेस गर्दा १ सय ४९ सांसदले समर्थन गरेको हस्ताक्षर थियो । जसपाको महन्थ ठाकुर पक्ष वा एमालेको माधव नेपाल पक्षले नसघाएको अवस्थामा उनी स्वतः कामचलाउ हुने छन् । संसद्मा कुल सांसदको बहुमत पुर्याउन १ सय ३६ सांसदको समर्थन आवश्यक पर्छ । बहुमत नपुगे मुलुक मध्यावधि निर्वाचनतर्फ धकेलिने छ । दलीय हिसाबले कांग्रेसका ६१, माओवादी केन्द्रका ४८ उनको पक्षमा १ सय ९ मत स्पष्ट नै छ । जसपाका उपेन्द्र यादव पक्षका १२, राजमोका १, स्वतन्त्र १ सांसदले पनि देउवालाई सघाउन सक्छन् । यस हिसाबले १ सय २३ सांसद पुगे पनि थप १३ सांसद अन्यबाट खिच्नुपर्छ । विकल्प जसपाको महन्थ ठाकुर वा एमालेको नेपाल पक्ष हुनेछ । पार्टी एकता कसरत भइरहँदा नेपाल पक्षले सघाउलान् भन्न सकिने अवस्था छैन । संसदमा साना ठूला सबै दललाई मिलाएर लैजानुपर्ने चुनौतीसँगै देश संविधानतः मध्यावधि निर्वाचनतर्फ धकेलिए अर्को चुनौती थपिनेछ ।
उता, प्रममा एमाले अध्यक्ष ओलीकै निरन्तरताको अपेक्षा गरेकी राष्ट्रपतिले काँग्रेस नेतृत्वको सरकारलाई असहयोग गर्ने सम्भावना बढी छ । यी २ संस्थाबीच भोलिका दिनमा असमझदारी बढ्ने सम्भावना रहेकोले सो चिरेर देउवा अघि बढ्नुपर्ने अर्को चुनौती खडा छ । संसदमा १ सय ४४ सांसद संख्या रहेको नेकपा एमाले बलियो प्रतिपक्षी हो । आफ्नो स्पष्ट बहुमत नभएको अवस्थामा देउवालाई आगामी दिनमा अल्पमतमा पर्ने सम्भावना छ । त्यसैले विभिन्न नीति, कानुन पास गराउन देउवालाई कठिन हुनेछ । जनताको जनादेश नभई सर्वोच्चको परमादेशबाट बालुवाटार छोड्नुपरेको बताउने केपी शर्मा ओलीले आगामी दिनमा देउवाविरुद्ध उखान तुक्का प्रहार गर्दै असहयोग गर्ने प्रवल सम्भावना छ । साथै अहिले मिले पनि कुनै परिस्थिति फेरबदल भए माओवादी केन्द्र अध्यक्ष पुष्पकमल दाहालको पनि सोच एक्कासि नफेरिएला भन्न सकिन्न ।
कोरोना महामारीबीच देशमा महँगी, भ्रष्टाचार, अनियमितता जारी कायम रहेको अवस्थामा सुशासनको प्रत्याभूति दिलाउँदै खोपको सुनिश्चित गर्नु र चुनाव देउवाका थप चुनौती छन् । साथै पार्टी महाधिवेशन तयारी रहेको अवस्थामा आफ्नो छवि सुधार्दै पार्टी सुधार्नु ७५ वर्षीय देउवाको अर्को चुनौती हो ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१