अलमलिएको कांग्रेस

Avatar सम्पादक
वैशाख १४, २०७८

संसदमा प्रमुख प्रतिपक्षीको रुपमा रहेको नेपाली कांग्रेसले फेरि पनि प्रधानमन्त्री केपी ओलीविरुद्धमा संसदमा अविश्वासको प्रस्ताव पेस गर्न सकेन । त्यसले यसपटक पनि अविश्वास प्रस्ताव पारित हुने सुनिश्चितता नभएको भन्दै अविश्वास प्रस्ताव पेस गर्ने कार्यबाट पछि हटेको छ । माओवादी केन्द्र र जनता समाजवासी पार्टीका एक खेमा कांग्रेसले अविश्वास प्रस्ताव पेस गर्ने साहस गर्नुपर्ने बताइरहेका छन् । उता, एमालेकै माधव नेपाल पक्षधरहरुले पनि कांग्रेसलाई उस्काइरहेका छन् । त्यसले कार्णालाीमा फ्लोर क्रस गरेर आफ्नो साहस देखाएको उदाहरण पनि प्रत्यक्ष अप्रत्यक्ष वर्णन गर्ने गरेको छ । तर कांग्रेसका सभापति शेरबहादुर देउवा भने यस पटक अचम्मसँग धैर्य धारण गरेर बसेका छन् ।

सभापति देउवा सामान्य अवस्थामा पनि प्रधानमन्त्रीको दौडमा आफू भएको देखाउँदै उत्तेजित हुन्थे र ज्योतिषीले आफूलाई फेरि पनि प्रधानमन्त्री बन्नेछन् भनी भविष्यवाणी गरेको वर्णन गर्दथे । तर यसपटक यस दिशामा उनको सक्रियता देखिएन । जुन कुरा विरोधी अन्य नेताहरुले समेत उल्लेख गरेका छन् । एकातिरको स्थिति यस्तो छ भने अर्काेतिर कांग्रेस वरिष्ठ नेता रामचन्द्र पौडेल भने कांग्रेसले अविश्वासको प्रस्ताव पेस गर्नुपर्नेमा जोड दिँदै छन् । उनले सभापति देउवाले त्यो काममा सक्रियता नदेखाएको गुनासोसमेत गरेका छन् ।

विगतमा झैं यो इस्युमा पनि कांग्रेसका नेताहरु विभाजित छन् । तर अधिकांश नेताहरु माओवादी केन्द्रले सरकारलाई दिएको समर्थन फिर्ता नगरेको र जनता समाजवाद पार्टीले अझसम्म पनि त्यस विषयमा निर्णय नगरेको कुरालाई दृष्टिगत गरी अविश्वास प्रस्तावका लागि स्थिति परिपक्व नभएको भन्न थालेका छन् । जसपाका वरिष्ठ नेताहरु निरन्तर प्रधानमन्त्री ओलीको सम्पर्कमा छन् र तिनीहरुको वार्ता सफलताको नजिक पुगेको वार्ताकारहरुले बताउने गरेका छन् । यतातिर जसपाका अर्का नेताहरु डा. बाबुराम भट्टराई र उपेन्द्र यादवले त्यसरी मुख खोलेका छन् । जसले गर्दा स्थिति प्रष्ट नभएको कुरा सबैले भन्न थालेका छन् । कांग्रेसका सामु दुइटा बाटा छन् । अविश्वास प्रस्तावतिर जाने कि चुनावको लागि प्रतीक्षा गर्ने । यी दुवै महत्वपूर्ण छन् । कांग्रेसले कुनलाई प्राथमिकता दिन्छ, त्यो सबैको प्रतीक्षाको विषय भएको छ । संघमा यही अन्योल कायम रहेका बेला गण्डकी प्रदेशमा भने सरकारको नेतृत्व गर्न कांग्रेस अघि सरेको छ । तेस्रो वर्ष त्यो पनि बजेटको मुखमा आएर सरकारको नेतृत्व गर्नु पक्कै पनि सहज छैन कांग्रेसका लागि । अनि ३ वर्षसम्म प्रदेश सरकारले काम गरेर भन्न पो सजिलो थियो । अब कांग्रेसको पोल्टामा नेतृत्व आइहालेछ भने पनि उसले जसभन्दा बढी अपजस नै खेप्नुपर्ने छ ।

Related News

सम्बन्धित समाचार

    • खबरकर्म र कोरोनाको जोखिम

      Avatar सम्पादक वैशाख ३१, २०७८
      हिजोआज सामाजिक सञ्जाल खोल्नेबित्तिकै त्रासलाग्दा खबर देखिन्छन् । पहिला पहिला यति संक्रमित भए भन्ने खबरका लिंक आउँथे । ए उसलाई…
    • नयाँ सरकारका चुनौती

      Avatar सम्पादक वैशाख ३०, २०७८
      विभिन्न शंका उपशंका र आकलनबीच गण्डकी प्रदेश मुख्यमन्त्रीमा पृथ्वीसुब्बा गुरुङ पुन नियुक्त भएका छन् । प्रतिपक्षी दलहरुको दाबी रहँदा रहँदै…
    • प्राणवायुको जोहो गर

      Avatar सम्पादक वैशाख २८, २०७८
      दोस्रो लहरको कोरोनाले मुलुकलाई आक्रान्त पारिसकेको छ । दैनिक मृत्यु हुनेको संख्या बढ्दो छ । पछिल्लो २४ घन्टाको मात्र आँकडा…
    • सहमतिको विकल्प छैन

      Avatar सम्पादक वैशाख २७, २०७८
      गण्डकीको राजनीतिक घटनाक्रमले एकाएक नयाँ मोड लिएको छ । मुख्यमन्त्री पृथ्वीसुब्बा गुरुङले राजीनामा दिएपछि अनेकखाले अड्कलबाजी गर्न थालिएको छ ।…
    • आफ्नो डाक्टर आफै

      Avatar सम्पादक वैशाख २४, २०७८
      लाग्थ्यो रेडियो, टिभीमा बारम्बार बजिरहने सूचनाको औचित्य के होला ? सुनेपछि मनमनै भनिन्थ्यो जाबो हात धुन पनि यसले भन्नुपर्ने मेरो…

    hero news full width

    sanil ads

    wordlink ads

    trending post

    ट्रेन्डिङ्ग