परिवर्तित परिस्थितिमा कांग्रेस

Avatar सम्पादक
फागुन २८, २०७७

नेपाली कांग्रेस संसदमा प्रमुख प्रतिपक्षको रुपमा रहेको छ । २ वर्षदेखि कांग्रेसले प्रमुख प्रतिपक्षको भूमिका निर्वाह गर्दै आएको छ । तर अहिले संसदको पुनस्र्थापना र सत्तारुढ पार्टी नेपाल कम्युनिष्ट पार्टी (नेकपा) को विघटनले अरु पार्टीहरुको भूमिकामा सिमित भएर बस्ने कि सत्ताको भूमिकामा जाने भन्ने सवालमा पार्टीमा विवाद खडा भएको छ । पार्टीका सभापति शेरबहादुर देउवा सत्ताको भ¥याङ उक्लन खुट्टा उचालेका देखिएका छन् । उनी सत्तामा जाने मात्र होइन, आफैँ प्रधानमन्त्री हुने अवसर छ कि छैन भनी नियालिरहेका छन् । तर अरुहरु भने पार्टीले प्रतिपक्षमा नै रहनु पर्नेमा जोड दिँदैछन् । केही नेताहरुले विपक्षी पार्टीहरुसँग गठबन्धन गरी सरकार गठन गर्ने सम्भावना पनि औल्याउने गरेका छन् ।

प्रतिपक्षको रुपमा रहेको कांग्रेसले सत्ताको ¥याल चुहाउनु टाढाको कुरा हो । सत्तारुढ पार्टीका नेताहरु जो प्रधानमन्त्री केपी ओलीको घोर विरोध गर्दैछन्, उनीहरुले पनि प्रधानमन्त्री ओलीको विरुद्धमा अविश्वासको प्रस्ताव ल्याउने हिम्मत गर्न सकेका छैनन् । व्यक्तिगत रुपमा उनीहरु ओलीको विरुद्धमा छन् । तर मुखले जति विरोध गरे पनि व्यवहारमा त्यति विरोधी भएका छैनन् । केही विरोधी नेताहरुको स्वर परिवर्तन भएको छ । एमाले भएकाहरुलाई आफ्नै पार्टीको सरकार भन्ने भावना पलाएको छ । अरु कतिपयलाई वामपन्थीको सरकार भन्ने मोह छ । त्यो मोहले धेरैलाई मोहित गर्दै लग्ने सम्भावना पनि उत्तिकै छ । यो सम्भावना जति बढ्छ, उति प्रधानमन्त्री ओली बलियो हुँदै जाने निश्चित छ ।

देशको यस्तो अस्थिर राजनीति भएको बेला देशीविदेशी शक्तिहरु चुप लागेर बसेका होलान् भनेर सोच्नु गलत हुन्छ । तिनीहरुले प्रत्यक्ष/अप्रत्यक्ष आफ्नो प्रयास गरिरहेका हुन्छन् । तिनीहरुको प्रयासको परिणाम तुरुन्त आउँछ भन्ने हुँदैन । त्यो परिणाम आउन केही समय लाग्न पनि सक्छ । त्यस्तो कुरा अरुले भन्दा पनि कांग्रेसले बढी सोच्नु पर्ने हुन्छ । किनभने पार्टी प्रमुख प्रतिपक्षमा छ । त्यसलाई विगतमा भएको निर्वाचनमा जनताले दिएको म्यान्डेट हो । म्यान्डेट परिवर्तन गर्नु साधारण कुरा होइन । म्यान्डेट परिवर्तन हुनै सक्दैन भन्ने छैन । परिवर्तित परिस्थिति अनुसार त्यो परिवेश हुन्छ र कहिलेकाहीँ परिवर्तन गर्नु पनि पर्दछ । तर परिवर्तित परिस्थितिको मूल्यांकन हुनु पर्दछ र त्यो सही हुनुपर्दछ । कांग्रेसले यी कुरा मनन गरेर कदम चाल्नु पर्ने देखिन्छ ।

Related News

सम्बन्धित समाचार

    • मुलुक डुबाउने खेल रोक

      Avatar सम्पादक चैत्र ३०, २०७७
      नागरिकका अधिकार स्थापित गराउने भनेर ल्याइएको संघीयतामाथि कालो बादल मडारिएको छ । नागरिकमा निराशा छाएको छ । राजनीति दलका नेताहरु…
    • वैकल्पिक सरकारका प्रस्ताव

      Avatar सम्पादक चैत्र २९, २०७७
      वैकल्पिक सरकार गठन गरी प्रधानमन्त्री केपी ओलीको सरकारलाई विस्थापित गर्नुपर्दछ भनी लामो समयदेखि कराए तापनि त्यसबारे औपचारिक वार्ता भएको थिएन…
    • सरकारको नेतृत्व गर्न कांग्रेस तयार

      Avatar सम्पादक चैत्र २३, २०७७
      नेपाली कांग्रेसले प्रधानमन्त्री केपी शर्मा ओलीको राजीनामा माग्ने र आफ्नै नेतृत्वमा सरकार गठन गर्ने निर्णय गरे लगत्तै देशको राजनीतिले अर्को…
    • देउवा र प्रचण्डको भेटघाट

      Avatar सम्पादक चैत्र १९, २०७७
      प्रधानमन्त्री केपी शर्मा ओलीलाई प्रतिगामी भनेर सबैभन्दा बढी र चर्को गरी आलोचना गर्ने माओवादी केन्द्रका अध्यक्ष पुष्पकमल दाहाल प्रचण्ड र…
    • राजनीतिमा विश्वासको संकट

      Avatar सम्पादक चैत्र ९, २०७७
      केही महिनादेखि प्रधानमन्त्री केपी ओलीको चौतर्फी विरोध भइरहेको छ । प्रतिनिधिसभा ब्यूतिएपछि नैतिकताको हिसाबले पनि प्रधानमन्त्रीले राजीनामा गर्नुपर्दछ भन्नेहरुको संख्या…

    hero news full width

    sanil ads

    wordlink ads