१. विरोधीहरुले चौतर्फी रुपमा सरकारको विरोध गरिरहेको वेला संसदमा प्रतिपक्षको रुपमा रहेको नेपाली कांग्रेस पार्टीले पनि सडकमा उत्रेर विरोध गरको छ । हिजो नेपाली कांग्रेसले ७७ वटै जिल्लामा सडकमा नारा जुलुश गरेर सरकारको विरोध ग¥यो । यसअघि त्यसले विज्ञप्ति बक्तव्य आदि निकालेर सरकारको विरोध गर्ने गरेको थियो ।

२. तनहुँ जिल्लाको व्यास नगरपालिकामा निर्मित पुलको उद्घाटन गर्ने विषयमा कांग्रेस र नेकपाबीच विवाद भएको थियो । पुल निर्माण उपभोक्ता समितिको आग्रहमा नेपाली कांग्रेसका वरिष्ठ नेता रामचन्द्र पौडेल पुलको उद्घाटन गर्न जाँदा नेकपाका स्थानीय नेता र कार्यकर्ताहरुले विरोध जनाए । स्थानीय प्रशासनले निषेधाज्ञा जारी गरेर प्रहरीले वरिष्ट नेता पौडेललाई आफ्नो कब्जामा लिए । त्यही बेलादेखि दुई पार्टीबीच मनमुटाव बढेको भनिन्छ ।

३. त्यस अघि नेपाली कांग्रेस सरकार प्रति नरम भएको आरोप लाग्ने गरेको थियो भने कांग्रेसले त्यसलाई शालीन विरोधको संज्ञा दिने गरेको थियो । अब भने त्यस पार्टीले सडकदेखि सदनसम्म तताउने निर्णय गरेको छ ।

४. सरकारमाथि चौतर्फी आक्रमण भईरहेको छ । सडकमा एक पक्षले राजा आउ देश बचाउ भन्दै हिन्दू राष्ट्रको माग गरिरहेका छन् भने नेकपा विप्लव समुहले मान्छे हत्या गर्न शुरु गरेको छ । दक्षिण पन्थी र वामपन्थी दुवै पक्षहरु सक्रिय भएको बेला कांग्रेस पनि सरकारको विरोधमा लागेको छ ।

५. त्यति मात्र होइन, स्वयम् सत्तारुढ पार्टी नेकपाका नेताहरु आफै केही महिनादेखि प्रधानमन्त्री केपी ओलीको राजिनामा मागेर उनको विरोधमा मोर्चाबन्दी गरिरहेका छन् । प्रधानमन्त्री ओलीको विरोधमा अध्यक्ष पुष्पकमल दाहाल र वरिष्ठ नेता माधव नेपालको समूह एक भएका छन् ।

६. दुई तिहाई बहुमत प्राप्त शक्तिशाली भनिएको ओली सरकार अहिले घेरा बन्दीमा परेको छ । सरकार कमजोर र निरीह भएको छ । प्रधानमन्त्री कसरी शक्ति प्राप्त गर्न सकिएला भनी ब्यूह रचना गरिरहेको आभास भईरहेको छ । स्थिति गम्भीर छ ।

७. प्रमुख प्रतिपक्ष नेपाली कांग्रेसले यस बेला धेरै बुद्धि पु¥याउनु पर्ने अवस्थामा छ । धमिलो पानीमा माछा मार्नेहरु सलबलाईरहेको बेला स्थिति खतर्नाक हुन्छ । यस्तोबेला धेरैले धेर ताक हेरेर बसिरहेका पनि हुन सक्छन् । इतिहासमा त्यस्तो देखिएको सर्वविदित छ । यस्तो वेला विरोध गर्ने भनेर मात्र हुँदैन । विरोध सकारात्मक हुनु पर्दछ, नियन्त्रित हुनु पर्दछ र प्रतिफल दिने हुनु पर्दछ ।