कोरोनाको महामारी अझै कम हुने छाँट छैन । जतातैबाट मृत्युका खबरमात्रै आइरहेका छन् । यसैबीचमा बर्खा सुरु भइसकेको छ । मनुसुनी वर्षा सुरु हुन बाँकी नै रहँदा झरी लागिसकेको छ । डुबान, बाढी, पहिरोमात्र होइन मृत्यु पनि सुरु भइसक्यो । पहाडी र हिमाली भूभागमा पहिरो र समथर भूमभागमा डुबानको समस्या जहिल्यै हुने हो । हो हामी बर्खा रोक्न सक्दैनौं, बाढी रोक्न सक्दैनौं । तर थोरैमात्र मेहनत गरेको खण्डमा मान्छे मर्नबाट जोगाउन सकिन्छ । भौतिक क्षति जोगाउन सकिन्छ । जेठको दोस्रो सातामै आएको चक्रबातका कारण कहिले हावाहुरी, चट्याङ त कहिले लगातार वर्षा भइरहेको छ । गण्डकी प्रदेशमा पनि यसको असर परेको छ । मनाङको चामे बजारमा बाढीले क्षति पुर्यायो । तनहुँमा पहिरोले एक वृद्धाको ज्यान गुम्यो । घटना हुन्छन् । खबर आउँछन् । सरकारी निकाय यसो तातेजस्तो गर्छन् । तर यस्ता विपतका लागि खासै तयारी गरेको देखिँदैन । विपत प्रतिकार्य योजना भनेर कतै प्रायोजित रुपमा कार्यक्रम बनाइन्छन् । ती कार्यक्रममा कागजी माछा भएका छन् ।
एक तथ्यांक अनुसार नेपालमा हरेक बर्खामा बाढी, पहिरो र डुबानबाट सरदर २ सय जनाको मृत्यु हुने गरेको छ । यसैगरी २ अर्ब रुपैयाँ बराबरको धनमाल नोक्सान हुने गरेको छ । २०६८ सालयताको मात्र तथ्यांक हेर्ने हो भने पहिरो, बाढी, डुबान र पानीजन्य प्रकोपबाट मुलकभर १ हजार ६ सय ९८ जनाको मृत्यु, भएको छ । ७ सय ४२ जना बेपत्ता भएका छन् । ९ सय ३९ जना घाइते भएका छन् । ७१ हजार २ सय ७८ घरधुरी प्रभावित छन् । १८ अर्ब ३२ करोड ४७ लाख ५८ हजार २ सय २५ रुपैयाँ बराबरको धनमालमा क्षति पुगेको छ । यो कुनै निजी संस्थाले तयार पारेको तथ्यांक होइन । नेपाल सरकारको आधिकारिक निकायले तयार पारेको तथ्यांक हो । लाग्छ सरकारी निकाय यी तथ्यांक तयार पारेर बसेका छन् । केही काम गरेका छैनन् ? त्यसो भने होइन काम त केही केही भएकै छ । तर प्रभावकारी नभएको भने पक्कै हो ।
प्राकृतिक र मौसमी विपत् बर्सेनि आउँछ भन्ने थाहा छ । तर पनि सरकारले ल्याएका प्रतिकार्य योजना खै कार्यान्वयनमा आएको ? खोइ त्यसअनुसार काम भएको ? जोखिमयुक्त स्थानबाट बस्ती स्थानान्तरणका लागि सिफारिस हुन्छ । तर सरकार कानमा तेल हालेर बस्छ । असारदेखि भदौसम्मका ३ महिना मनसुनको अवधि हो । सबैभन्दा बढी क्षति यही बेलामा हुनछ । खोला नाला र नदीका किनारमा बसेका मानिस हटाउने, पहाडी क्षेत्रमा बाटो खन्दा वैज्ञानिक मापदण्ड पालना गराउनुपर्नेमा सरकार चुकेको छ । जसका कारण क्षति बढेको छ । यस्ता प्रकोपविरुद्ध लड्न अब संघ, प्रदेश र स्थानीय सरकार, निजी क्षेत्र, गैरसरकारी संघसंस्था र अन्तर्राष्ट्रिय मानवीय सहायता एजेन्सी प्रभावकारी रूपमा परिचालित हुन जरुरी छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
गण्डकी प्रदेश सभाको बैठक अनिश्चितकालका लागि स्थगित
चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१