नागरिकता विधेयक

Avatar सम्पादक
असार ११, २०७७

१. अहिले देशमा विदेशी महिलाले नेपाली पुरुषसँग विहे गरेपछि वैवाहिक अंगीकृत नागरिकता प्राप्त गर्ने विषयमा चर्काे बहस चलिरहेको छ । उक्त विषयमा सत्ता पक्ष र प्रतिपक्षका सांसदहरु वीच मात्र होइन विवाद सडक सम्म आइपुगेको छ । तराईका विभिन्न भागमा विरोध प्रदर्शनहरु समेत भएका छन् ।

२. प्रतिनिधिसभाको राज्य व्यवस्था तथा प्रशासन समितिले विदेशी महिलाले नेपाली पुरुषसँग नागरिकता लिन सक्ने प्रावधानको प्रस्ताव पारित गरेको छ । यसैगरि सातवर्षसम्म अंगीकृत महिलाहरुलाई आर्थिक, साँस्कृतिक र सामाजिक अधिकार प्राप्त गर्ने गरि स्थायी आवासीय परिचयपत्र दिने समेत समितिले निर्णय गरेको छ । सो प्रस्ताव पारित हुनु अघि नै सत्तारुढ नेकपाले सात वर्ष वैवाहिक अंगीकृत नागरिकता नदिने र पीआर परिचयपत्र दिने निर्णय गरेको थियो ।

३. यतिखेर नेपाली कांग्रेस र मधेश केन्द्रीत दलहरुले ७ वर्ष पछि मात्र अंगीकृत नागरिकता दिने प्रस्तावको विरोध गरिरहेका छन् । मधेशी समुदायले त यसलाई प्रमुख मुद्दा नै बनाएको छ । छिमेक मुलुकी भारतमा धेरै वैवाहिक सम्बन्ध हुने गरेका कारणबाट वैवाहिक अंगीकृत नागरिकता पाउने म्याद कम हुनुपर्ने महसुश मधेश समुदायले गरेको हुन सक्छ । तथापी यो कुरा भारतका लागि मात्र नभै सवै विदेशी मुलुकका सम्बन्धमा आएको प्रस्ताव हो ।

४. वैवाहिक अंगीकृत नागरिकता पाउन भारतमा पनि सात वर्ष नै म्याद राखिएको छ भनेर त्यो अनुरुप हाम्रोमा पनि हुनुपर्छ भन्ने छैन । तथापी यसले ल्याउने परिणामका बारेमा गम्भीर भएर सोच्नुपर्दछ । व्यवहारिक र न्यायीक पनि हुनुपर्छ । यसबारे अरु मुलुकका कानून र अनुभव पनि आधार हुन सक्छन् । नागरिकता जस्तो महत्वपूर्ण विषयलाई कसैले सीमित प्रतिष्ठासँग नदाँजी, विरोध र समर्थनको कुरा नगरि संवेदनशील बनेर सबैको साझा र राष्ट्रियताको बारे महत्व राख्ने विषयका रुपमा ग्रहण गर्नुपर्दछ ।

हाम्रो सुझाव