Worldlink ads

हिमाल आरोहणमा पोखरेली टोली

Avatar सम्पादक
पौष २९, २०७७

रमणीय माछापुच्छ्रे हिमालको काखमा अवस्थित पोखरा भन्नासाथ मानिसहरुले श्वेत हिमश्रृङ्खलाहरु र फेवाताल सम्झिने गर्दछन् । पोखराको उत्तरी भागमा धेरै हिमचुचुराहरु छन् तर तिनीहरुको प्रयोग व्यावसायिकरुपमा खास भएको छैन । पोखरेलीहरु ती हिमालका धेरै नजिक भएर पनि व्यावसायिकरुपमा हिमाल आरोहणमा लागेको पाइँदैन । अहिले बल्ल हिमाल आरोहणमा पोखरेलीहरुको ध्यान गएको छ । पर्यटकीय नगरी पोखराको लागि यो एक महत्वपूर्ण कुरा हो । नेपाल पर्वतारोहण संघ गण्डकी प्रदेशको आयोजना एवं नेपाल पर्यटन बोर्डको प्रवद्र्धनमा सोमबार १० जना पर्वतारोहीको एक टोली धम्पुस पिक चढ्नेक्रममा पोखराबाट प्रस्थान गरेको छ । ६ हजार १२ मिटर उचाइको त्यो पिक आरोहण गर्न जीवनराज सापकोटाको संयोजकत्वमा सञ्चारकर्मी दीपक परियार, २ जना महिलाहरु मनु गुरुङ र हिराकुमारी मल्ल तथा अन्य आरोहीमा पर्यटक व्यावसायी सर्वश्री छिरिङ लामा शेर्मा, दीपेशबावु सुवेदी, सनकुमारी जुग्जाली, सुदीप गौतम, टासी पासाङ गुरुङ र प्रकाश वस्ताकोटी सम्मिलित छन् ।

उनीहरुलाई गण्डकी प्रदेशका मुख्यमन्त्री पृथ्वीसुब्बा गुरुङ तथा उद्योग, पर्यटन मन्त्री विकास लम्सालले राष्ट्रिय झन्डा, नेपाल पर्वतारोहण र नेपाल पर्यटन बोर्डको झन्डा हस्तान्तरण गर्दै बिदाइ गरेका थिए । तिनीहरु सोही दिन मुस्ताङको मार्फा पुगेका थिए । तिनीहरुले बेस क्याम्पमा २ दिन आधारभूत तालिममा सहभागी भएर माघ ३ गते धम्पुस पिक चढ्ने कार्यक्रम छ । पोखराबाट धौलागिरि, अन्नपूर्ण हिमाल आरोहण गर्ने विदेशी आरोहीहरु बराबर जाने गर्दछन् तर हिमाल आरोहण भन्नासाथ मासिनहरुले पूर्वतिरै सम्झन्छन् । नेपाली आरोहीहरु पनि पूर्वतिर नै लागेको देखिन्छन् । पश्चिमका हिमाल त्यसमा पनि पोखराबाट देखिने हिमाल चढ्न आफ्नै किसिमले गएको पाइँदैन । त्यस हिसाबले अहिले यो टोली नै पहिलो मान्नु पर्ने हुन्छ ।

हिमाललाई हाम्रो समृद्धि आधार मान्ने हो भने सरोकारवालाले सानातिना चुचुरा भए पनि चढ्ने प्रकृतिको विकास गर्नु पर्दछ । त्यसलाई एउटा फेसनजस्तै बनाउनु पर्दछ । हिमाल आरोहणलाई चलायमान बनाउनु पर्दछ । अध्ययन र अनुसन्धानका लागि पनि हिमाली क्षेत्र आकर्षकणको केन्द्र हो । त्यसमा अथाह निधि छिपेको हुन सक्दछ । हिमाल आरोहण हरेक दृष्टिले महत्वपूर्ण छ । पोखराबाट व्यवस्थितरुपले आयोजना गरिएको यो पहिलो आयोजना हो । यसलाई बढी प्रचारप्रसार गर्नु आवश्यक छ । साथै यसको लगत्तै दोस्रो र तेस्रो टोली पनि पढाउने व्यवस्था गरियो भने त्यसले युवामा हिमाल आरोहणप्रति अर्कै आकर्षण बढाउन सक्दछ । हामी यो टोलीको सफल आरोहणको लागि हार्दिक शुभकामना व्यक्त गर्दछौं ।

Related News

सम्बन्धित समाचार

    • कोभिडको खोप सुरु

      Avatar सम्पादक माघ १४, २०७७
      आज नेपाल र नेपालीका लागि विशेष महत्वको दिन हो । देशवासीहरु कोभिड–१९ महामारीबाट बच्ने कुनै औषधी र उपचार विधि नपाएर…
    • गुरुङ भाषाको सम्मान

      Avatar सम्पादक माघ १३, २०७७
      गुरुङ भाषाका आदिकवि हर्कबहादुर गुरुङको सालिक कहाँ राख्ने कसरी राख्ने भन्ने लामो समयदेखिको विचार–विमर्श टुङ्गाउँदै गुरुङहरुको बाहुल्य भएको जिल्ला स्याङ्जाको…
    • संवेदनशील राजनीति

      Avatar सम्पादक माघ १२, २०७७
      नेत्रविक्रम चन्द ‘विप्लव’ नेतृत्वको नेकपाले गत शनिवार आह्वान गरेको नेपाल बन्द आंशिक सफल भएको प्रक्षेपण गरिएको छ । आफ्ना २…
    • कांग्रेसको बढ्दो भूमिका

      Avatar सम्पादक माघ ११, २०७७
      सत्तारुढ नेपाल कम्युनिष्ट पार्टी दुई चिरामा विभाजित भएको छ । तीमध्ये ओली पक्ष सत्तामा आसीन छ भने अर्को पक्ष ओलीको…
    • राष्ट्रपति वाइडेनबाट अपेक्षा

      Avatar सम्पादक माघ ९, २०७७
      डेमोक्रेटिक पार्टीका नेता जो वाइडेन अमेरिकाको नयाँ राष्ट्रपति बनेका छन् । राष्ट्रपतिका रुपमा उनी ३ महिना पहिले नै निर्वाचित भएका…

    hero news full width