Worldlink ads

माओवादी केन्द्रको महाधिवेशन

सम्पादक
पौष १२, २०७८

नेपाल कम्युनिस्ट पार्टी र माओवादी केन्द्रले आइतबार काठमाडौंमा आफ्नो महाधिवेशन प्रारम्भ गरेको छ । पार्टीले सुरुमा राष्ट्रिय सम्मेलन गर्ने भनिए तापनि पछि त्यसैलाई महाधिवेशनमा परिणत गरेको हो । राष्ट्रिय सम्मेलनलाई महाधिवेशनमा किन परिणत गरियो, त्यो आपैmंमा प्रश्न चिन्ह भएर खडा भएको छ । माओवादी केन्द्रले भने सम्मेलनले महाधिवेशनका सबै शर्त पूरा गरेकाले अन्तिममा त्यसलाई महाधिवेशनमा परिणत गर्ने निर्णय गरेको जनाएको छ । पार्टीको चुनाव यसपटक बहुपदीय किसिमले हुन लागेको, ती पदहरुमा आकांक्षीहरु धेरै भएको र ती आकांक्षीहरुले आफ्नो पक्षमा लविङ सुरु गरेको विदितै कुरा हो । जति पछि भयो, उति आकांक्षीहरुको प्रचारप्रसार बढ्ने र लविङ चर्को हुने भएकोले त्यसको रोकथामका लागि पछि हुने भनिएको महाधिवेशन अहिले गर्न लागेको अनुमान गरिएको छ ।
यो अधिवेशन माओवादी केन्द्रका लागि महत्वपूर्ण छ । त्यो पार्टीले केही वर्ष यता धेरै आरोह–अवरोह पार गर्दै आएको छ । कुनै बेला सबैभन्दा ठूलो पार्टीको रुपमा रहेको पार्टी अहिले त्यसको आकार खुम्चँदै गएको छ । धेरै नेताहरुले पार्टी छाडेर बाहिर गएको अवस्था छ । अध्यक्ष पुष्पकमल दाहाललाई चुनौती दिने नेताहरु सबै बाहिर गएकाले उनको विकल्पमा त्यहाँ कोही छैन । पार्टीको संरचना नै त्यस्तो छ कि उनको विरोधमा कोही उठ्नै सक्दैन । उनी निर्विकल्प अध्यक्ष हुन् । यत्तिसम्म कि उनको साथ र सहयोग अर्थात् अर्को भाषामा उनको आशीर्वाद बिना कसैले महत्वपूर्ण पदहरुमा जित्नै सक्दैनन् । पदका आकांक्षीहरुले उनको इशारा पर्खेर बसेका छन् । आकांक्षीमध्ये केहीले यसैबेला उनलाई खुसी पार्न बिर्सिसकेको प्रचण्डपथ सम्झाएका छन् र त्यसको आवश्यकताबारे बोल्न थालेका छन् । यो महिनाको सुरुदेखि नै प्रचण्डपथको आवाज सुनिन थालेको छ ।
शान्ति प्रक्रियामा आएपछि सर्वसाधारण जनताले समेत माओवादीबाट धेरै आशा अपेक्षा गरेका थिए । निर्वाचनमा पहिलो पार्टी भएर देखापरेपछि अध्यक्ष प्रचण्डले के–कसरी सरकार चलाउलान् भनी मानिसहरुले व्यग्रतापूर्वक प्रतीक्षा गरिरहेका थिए । तर उनले सकेनन् । उनको पालामा घटनाहरु अनेक भए । पार्टी फुट्ने र जुट्ने भए । तर उनी केहीमा पनि सफल भएनन् । उनले न आफ्नो क्रान्तिकारी छबि कायम राखिराख्न सके न त्यसलाई परित्याग गर्न सके । श्रमिक, किसान, मजदुर उनीबाट टाढा भए । केही धनाढ्य ठेकेदारहरु उनको नजिक पुगेर उनको बदनाम गरे । अब आउने आम चुनाव उनको लागि चुनौती भएर आउने निश्चित छ । त्यसो भएकाले पार्टीको यो महाधिवेशनमा के–कस्तो र राजनीतिक प्रस्ताव पेस गर्दछन् र संगठनलाई के–कसरी चुस्त र पूmर्तिसाथ अगाडि बढाउँछन्, त्यो जिज्ञासाको विषय भएको छ । आगामी ३/४ दिन माओवादी केन्द्रका लागि ज्यादै महत्वपूर्ण छ । पार्टी पहिलोपटक बहुपदीय पद्धतिमा जान लागेकाले कुन–कुन पदमा को को नेताहरु निर्वाचित हुन्छन् त्यो पनि महत्वपूर्ण छ । अहिले सबैको ध्यान काठमाडौंको महाधिवेशनमा केन्द्रित भएको छ ।

Related News

सम्बन्धित समाचार

    • विवाद छिटो टुंग्याऊ

      सम्पादक पौष २६, २०७८
      भारतका प्रधानमन्त्री नरेन्द्र मोदीले हालै आफ्नो पार्टीको चुनावी भाषणको क्रममा भारत सरकारले लिपुलेका भएको बाटो चक्ल्याउने कुरा बताएपछि नेपालमा त्यसको…
    • पोखरामै मिर्गौला प्रत्यारोपण

      सम्पादक पौष २३, २०७८
      पोखरा स्वास्थ्य विज्ञान प्रतिष्ठानले चालु आर्थिक वर्षभित्र मिर्गौला प्रत्यारोपण सुरु गर्ने निर्णय भएको कुरा बाहिर आएपछि मिर्गाैला पीडित, त्यसका परिवार…
    • दाहाल अध्यक्षमा निर्विरोध

      सम्पादक पौष २१, २०७८
      माओवादी केन्द्रका अध्यक्ष पुष्पकमल दाहाल पार्टीको अध्यक्ष पदमा फेरि निर्वाचित भएका छन् । उनी पार्टीको आठौं महाधिवेशनबाट निर्विरोध भएका छन्…
    • धान किसानलाई छिटो क्षतिपूर्ति देऊ

      सम्पादक पौष १९, २०७८
      हाम्रो देश कृषि प्रधान देश हो । कृषि प्रधान देश भएकाले अधिकांश नागरिकहरु किसान छन् । तिनीहरुको आम्दानीको मुख्य स्रोत…
    • कास्की कांग्रेसको संहिता

      सम्पादक पौष १८, २०७८
      राजनीतिक पार्टीका महाधिवेशनबाट नयाँ–नयाँ पदाधिकारी र सदस्यहरु निर्वाचित भएका छन् । भर्खरै निर्वाचित ती पदाधिकारी र सदस्यहरुमा उत्साह छ, उमंग…

    hero news full width