खानेपानी मन्त्री थापाले पुर्पक्षका क्रममा नक्खु कारागारमा रहेको नेत्र विक्रम चन्द नेतृत्वको प्रतिबन्धित वरिष्ठ नेता हेमन्त प्रकाश वलीलाई भेटेर कुराकानी गरेपछि त्यो कुरा चर्चाको विषय भएको छ । मन्त्री थापाले जेलमा खानेपानी र फेहोर व्यवस्थापनको समस्या रहेकोले आफू निरीक्षण गर्न गएको बताएका छन् । उनले वली आफ्नो पुरानो मिल्ने साथी भएकोले कुराकानी भएको स्वीकारेका छन् । उनले कुराकानीका क्रममा साथीलाई शान्तिवार्तामा आउन आग्रह गरेको बताएका छन् ।

सरकारले केही समय यता पूर्व माओवादीका लडाकुहरुलाई बालुवाटारमा नै बोलाएर कुराकानी गरिरहेको समाचार आईरहकेो छ । प्रधानमन्त्री केपी शर्मा ओलीले आफैले पनि त्यसमा सक्रियता देखाउदै छन् । त्इस परिप्रेक्षमा मन्त्री थापाले जेलमा गएर कुराकानी गरेको विषय संयोगवस भन्न मिल्दैन । प्रदीप ज्ञावालीले विप्लब समूहले हिंसाको राजनीति परित्याग गरे भने कुराकानी हुन सक्ने जनाएका थिए । त्यसको मतलव हुन्छ सरकार औपचारिक/अनौपचारिक वार्ता गरेर त्यो समूहलाई राजनीतिको मुलधारमा ल्याउन प्रयासरत छ । त्यसलाई अन्यथा भन्न मिल्दैन । त्इसमा पनि अहिले चुनाव नजिकिरहेको वेला त्यस किसिमको प्रयासको आफ्नै महत्व हुन्छ ।

ओली सरकारमा अहिले पूर्व आमोवादी नेताहरु पनि छन् । त्यस हिसाबले पनि सरकारले पूर्व माओवादीसँग सम्पर्क गर्न सजिलो छ । केही नेताहरु सरकारको प्रत्यक्ष सम्पर्कमा रहेको कुरा बाहिर आएको छ । पूर्व माओवादीहरुसँग त्यसरी कुरा गर्नु नराम्रो होइन । तिनीहरुमध्ये केहीले दुःख पाएका छन् । तिनीहरुलाई सरकारले वास्ता नगरेको गुनासा आइरहेका वेला सरकारले खोजिखोजि वालुवाटारमा आमन्त्रण गर्नु सकारात्मक मान्नु पर्दछ । तर पूर्व माओवादी र विप्लब समूहको हैसिय फरक छ । विप्लब समूह प्रतिबन्धित छन् । उनीहरु पनि भूमिगत बसेका छन् । उनीहरुका दर्जानो नेता र कार्यकर्ताहरु जेलमा छन् । सरकारले जेलमा परेकाहरु मार्फत त्यो समूहसँग वार्ता गर्न खोजेको देखिन्छ । तर त्यसरी वार्ता गर्ने भनेर मन्त्री नै जेलमा गएर बन्दीसँग सोझै राजनीतिक कुरा गर्नु धेरैले पचाउन सक्ने विषय होइन ।