माछापुच्छ्रेको भाग्योदय

Avatar सम्पादक
कार्तिक ३, २०७७

१. कास्कीको माछापुच्छ्रे गाउँपालिका वडा नं. ६ स्थित भेडावारीमा एन्फाले वहुउद्देशीय ट्रेनिङ सेन्टर बनाउने समाचारले त्यस क्षेत्रका जनता हर्षित भएका छन् । मर्दी र इदि खोलाको किनारमा रहेको ५ सय रोपनी जग्गामा एन्फा एकेडेमी बन्न लागेको हो । एकेडेमीको लागि आवश्यक विस्तृत आयोजना र जमीनको नाप जाँच समेत भएर निर्माणका लागि बोलपत्र आव्हानको तयारीसम्मको काम भईरहेको छ ।

२. परियोजना अनुसार एकहजार सम्म दर्शक अटाउने प्याफिट, दुई फुटसल मैदान दुई अभ्यास मैदान र एक मुख्य मैदान बन्नेछ । यसैगरी छात्रावास, चमेना गृह, पाहुन ब्लक, जिम, मेडिकल तथा पुनःस्थापना केन्द्र बन्नेछ । साथै आर्टिफिसियल मिनपिच लगायतका संरचनाहरु बन्नेछ । परियोजना पूरा गर्न ९० करोडसम्म लगानी हुन सक्ने अनुमान गरिएको छ ।

३. एकेडेमी निर्माणका लागि एन्फा कार्य समितिले पहिलो चरणमा १७ करोड उपलब्ध गराउने निर्णय गरिसकेको छ । अन्य सहयोग जुटाउने प्रयासहरु भईरहेका छन् । एन्फाले नदी तटबन्ध गर्नका लागि गण्डकी प्रदेश सरकारसँग आग्रह गरेको थियो । प्रदेश सरकारले पनि आफ्नै क्षेत्रमा निर्माण हुने उक्त परियोजनालाई गम्भीरता तथा उत्साहका साथ लिएको पाइएको छ ।

४. मुख्यमन्त्री पृथ्वीसुब्बा गुरुङ सहितको टोलि परियोजना स्थलको अवलोकन गरिसकेका छन् । उनले इरी र मर्दी खोलाको कटानलाई रोक्न तटबन्ध निर्माणका लागि प्रदेश सरकारले सहयोग गर्ने प्रतिबद्धता पनि जनाए । प्रदेशको गौरवको आयोजनाको रुपमा रहेको उक्त परियोजना प्रस्तावित स्थानमै बनाउनु पर्नेमा जोड दिएका छन् ।

५. माछापुच्छ्रे र अन्नपूर्ण हिमालको दृष्यावलोकनका समेत गर्न सकिने एन्फा एकेडेमी परियोजना स्थल भेडावारी पोखराबाट १४ किमी पर उत्तरपश्चिममा रहेको छ । सडक पूर्वाधारको पहुँच पनि पुगेको उक्त स्थानमा एकेडेमी निर्माणका लागि छनौट गरी दुई वर्ष अघि देखि प्रकृया सुरु भएकोम अव निर्माण कार्यले पनि गति लिने विश्वास गरिएको छ । कास्कीको उत्तरी क्षेत्रको शिक्षा केन्द्रको रुपमा रहेको भिडाबारी खेलकूद क्ष्ेत्रको रुपमा पनि विकास हुँदा खेलकूद प्रेमी मात्र होइन सबैका लागि खुसीको कुरा हो ।

Related News

सम्बन्धित समाचार

    • कमलपोखरीमा कमल फुल्न देऊ

      Avatar सम्पादक फागुन १७, २०७७
      काठमाडौंको कमलपोखरीमा केही वर्षदेखि विवाद बढ्दै गएको छ । वरिपरि ठूल्ठूला भवन बनाएर कमलपोखरीमा पानी कम हुँदै गएको बेला २०७२…
    • योग्य व्यक्तिको अवसान

      Avatar सम्पादक फागुन १६, २०७७
      नेपालका पहिलो चार्टर्ड एकाउन्टेन्ट (सिए) का रुपमा ख्याति कमाएका कुवेर शर्माको ८१ वर्षको उमेरमा हृदयघात भई काठमाडौंमा निधन भयो ।…
    • प्रधानमन्त्रीको आपत्तिजनक अभिव्यक्ति

      Avatar सम्पादक फागुन १०, २०७७
      राजनीतिक पार्टीका नेताहरुले एकआपसमा आलोचना गर्ने गरेको धेरै भयो । तिनीहरुले त्यसरी आलोचना गर्दागर्दै एकले अर्काेलाई व्यक्तिगत लाञ्छना पनि लगाए…
    • नागरिक आन्दोलनको घोषणापत्र

      Avatar सम्पादक फागुन ९, २०७७
      काठमाण्डौमा चलिरहेको बृहत् नागरिक आन्दोलनले प्रधानमन्त्री के.पी शर्मा ओलीमा सर्वसत्तावादी चिन्तन र व्यवहार हावी भएको ठहर गर्दै प्रजातान्त्रका दिन घोषणापत्र…
    • सम्भावनाका ढोका खोलेको दिन

      Avatar सम्पादक फागुन ७, २०७७
      आज प्रजातन्त्र दिवस । २००७ साल फागुन ७ अर्थात आजकै दिन नेपालमा एकतन्त्रीय राणा शासनको अन्त्य भएको दिन हो ।…

    hero news full width