१. सरकारले यस वर्षको माध्यमिक शिक्षा परीक्षा नगर्ने भएको छ । बुधबार बसेको मन्त्रिपरिषद बैठकले एसइईलाई विद्यालयको आन्तरिक मुल्याङ्कनको आधारमा ग्रेड निर्धारण गर्ने निर्णय गरेको हो । विद्यालयहरुले पठाएको आन्तरिक मूल्याङ्कन नम्बरको आधारमा परीक्षा बोडबाठ ग्रेड निर्धारण गरि परीक्षाफल सार्वजनिक गरिने भएको छ । गत चैत ६ गते हुने भनिएको एसइई परीक्षा कोरोना संक्रमणका कारण अन्तिम अवस्थामा आएर चैत्र ५ गते घोषणा गरी स्थगित गरिएको थियो ।

२. यसैगरी लकडाउनलाई खुकुलो बनाउँदै मोडालिटी परिवर्तन गरिएको छ । पसलहरु खुल्न पाउने भएका छन् । सरकारले सुरक्षाको मापदण्ड अपनाएर पसल खोल्न दिने निर्णय गरेको हो । रेष्टुरेण्टहरुबाट खाना लैजानमात्र पाइने, तर त्यही बसेर खान निशेष गरिएको छ । विद्यालय, सिनेमा लगायत भिडभाड हुने स्थानहरु तत्काल खुला नगरिने भएको छ ।

३. निजी सवारी साधन जोर विजोर गरेर चलाउन दिइने भएको छ । सवारी साधनको नम्बर प्लेटको अन्तिम अंकलाई जोर विजोरको आधार मानेर जोर गतेका दिन जोर र विजोर गतेका दिन विजोर नम्बरका गाडीलाई चल्न दिने जनाइएको छ । मोटरसाइकलमा एकजना र निजी कारहरुमा चालक बाहेक दुइ जनामात्र चढ्न पाउने छन् ।

४. सार्वजनिक तथा लामो दूरीका सवारी भने चल्न नदिइने भएको छ । सार्वजनिक यातायातमा हुने भीड र कोरोना संक्रमणलाई दृष्टिगत गरी रोकिएको हो । सरकारले असार १ गतेबाट सरकारी कार्यालयहरु पूर्ण रुपमा सञ्चालन गर्ने निर्णय गरेको भए पनि सार्वजनिक यातायात नचल्दा कार्यालयमा जान कर्मचारी तथा सेवाग्राहीलाई असहज हुने भएको छ ।

५. झण्डै तीन महिना लकडाउन कडा गरिदा जजजीवनमा प्रत्यक्ष असर पर्नुका साथै देशको आर्थिक अवस्था डावाडोल भयो । विदेशबाट आउने हवाई यातायात रोकिए पनि खुला सीमानाका कारण कोरोना संक्रमण रोकिएन । सीमानामा जाँच तथा क्वारेन्टिनको राम्रो व्यवस्था नहुँदा संक्रमण गाउँगाउसम्म फैलियो । लकडाउन खुकुलो हुँदै जाँदा अरु बढ्न सक्ने हुँदा सबैले सुरक्षाका उपायहरु अपनाउन जरुरी छ । प्राप्त सुविधालाई सकर्तकता साथ उपयोग गर्नुपर्दछ ।