नेपाल बन्दलाई बन्द गरौं

Avatar सम्पादक
माघ २३, २०७७

नेत्र विक्रम चन्द विप्लव समूहले सरकारले आफ्ना नेताहरु पक्रेको विरोधमा केही दिन पहिले नेपाल बन्दको आह्वान गरेको थियो भने नेकपा (दाहाल–नेपाल) समूहले विहीबार आम हडतालको आह्वान गर्‍यो । त्यस पार्टीले सरकारले जबर्जस्ती संवैधानिक निकायमा गरिएका पदाधिकारी नियुक्तिको विरोधमा आम हडताल गरेको थियो । त्यो पार्टी र सरकारबीच शक्ति प्रर्दशनको होड चलेको बेलामा फेरि–फेरि पनि यस्ता बन्द हुने अनुमान गरिएको छ । नेपाल बन्द जसले जे कारणले आह्वान गरेको भए तापनि त्यसले देशको आर्थिक क्षेत्र र सर्वसाधारणको दैनिक जीवनमा नराम्ररी असर पार्ने भएकाले नेपाल बन्दलाई सधैंका लागि बन्द गरिनु पर्ने आवाज बुलन्द भएको छ ।

केही वर्ष पहिले माओवादी युद्धको बेला बन्द र हड्तालको घटनाले देशको सिंगो आर्थिक क्षेत्र क्षत विक्षत भएको थियो । त्यसवेला कुन वेला कसले बन्दको आह्वान गरको हो, त्यो पनि थाहा नपाएरै पनि बन्द हुने गरेको थियो । त्यसवेला भएको श्रृङ्खलाबद्ध बन्द हडतालबाट सबै वाक्क–दिक्क भएका थिए । संविधान सभाले संविधान बनाएपछि बन्द हड्तालले पुर्‍याएको प्रभावलाई मनन गरेर राजनीतिक पार्टीहरुले अब बन्द हड्ताल नगर्ने प्रतिबद्धता जनाएका थिए । त्यसपछि बन्द हड्तालका घटना उल्लेखनीय रुपमा घटेका थिए । तर अहिले त्यो घटना फेरि दोहोरिने सम्भावना बढेको छ ।

नेपालको आर्थिक पक्ष कोभिड–१९ र त्यसको रोथामका लागि गरिएको लकडाउनबाट नराम्ररी प्रभावित भएको छ । काम गरेर खानु पर्ने वर्ग भोकभोकै रहनु परेको तीतो अथार्थ कसैबाट छिपेको छैन । त्यसबाट राम्ररी तंग्रिन नपाउँदै यो आम हड्तालरुपी रोगको संक्रमण बढ्न लागेको छ । यो हाम्रा लागि दुःखद् पक्ष हो । नेताहरुले यत्ति छिट्टै आफ्नो प्रतिबद्धता बिर्सेका छन् । नेपाल उद्योग वाणिज्य महासंघ, नेपाल उद्योग परिसंघ लगायतका संस्थाहरुले बन्द नगर्न आह्वान गरेका छन् । तर ती संस्थाहरुको अपील पनि सुन्न चाहेको देखिएन । तिनीहरु एक सुरले अघि बढिरहेका छन् । अब नेपाल बन्द कसले आह्वान गर्छ र कहिले गर्छ, त्यो थाहा छैन । जसले आह्वान गरे पनि त्यो घातक रोग सरह हो । यसतो रोगलाई आउन दिनै हुँदैन, आए पनि त्यसलाई सफल हुन दिनै हुँदैन । यसमा राजनीतिक पार्टीका नेताहरुले आफ्ना प्रतिबद्धता सम्झनु पर्दछ र त्यो प्रतिबद्धतालाई व्यवहारमा उतार्नु पर्दछ । नेपाल बन्द हडताललाई सधैंका लागि बन्द गरिनु पर्दछ ।

Related News

सम्बन्धित समाचार

    • देशमा अन्योलको स्थिति

      Avatar सम्पादक फागुन १८, २०७७
      प्रधानमन्त्री केपी शर्मा ओली संसद विघटन गर्ने सवालमा सर्वाेच्च अदालतबाट पराजित भएको सर्वविदितै छ । पराजितपछि नैतिकता हिसाबले उनले राजीनामा…
    • कमलपोखरीमा कमल फुल्न देऊ

      Avatar सम्पादक फागुन १७, २०७७
      काठमाडौंको कमलपोखरीमा केही वर्षदेखि विवाद बढ्दै गएको छ । वरिपरि ठूल्ठूला भवन बनाएर कमलपोखरीमा पानी कम हुँदै गएको बेला २०७२…
    • योग्य व्यक्तिको अवसान

      Avatar सम्पादक फागुन १६, २०७७
      नेपालका पहिलो चार्टर्ड एकाउन्टेन्ट (सिए) का रुपमा ख्याति कमाएका कुवेर शर्माको ८१ वर्षको उमेरमा हृदयघात भई काठमाडौंमा निधन भयो ।…
    • प्रधानमन्त्रीको आपत्तिजनक अभिव्यक्ति

      Avatar सम्पादक फागुन १०, २०७७
      राजनीतिक पार्टीका नेताहरुले एकआपसमा आलोचना गर्ने गरेको धेरै भयो । तिनीहरुले त्यसरी आलोचना गर्दागर्दै एकले अर्काेलाई व्यक्तिगत लाञ्छना पनि लगाए…
    • नागरिक आन्दोलनको घोषणापत्र

      Avatar सम्पादक फागुन ९, २०७७
      काठमाण्डौमा चलिरहेको बृहत् नागरिक आन्दोलनले प्रधानमन्त्री के.पी शर्मा ओलीमा सर्वसत्तावादी चिन्तन र व्यवहार हावी भएको ठहर गर्दै प्रजातान्त्रका दिन घोषणापत्र…

    hero news full width