पोखरा स्वास्थ्य विज्ञान प्रतिष्ठानले चालु आर्थिक वर्षभित्र मिर्गौला प्रत्यारोपण सुरु गर्ने निर्णय भएको कुरा बाहिर आएपछि मिर्गाैला पीडित, त्यसका परिवार र सम्बन्धित सबै खुसी भएका छन् । पोखरा स्वास्थ्य विज्ञान प्रतिष्ठान र भक्तपुरस्थित सहिद धर्मभक्त राष्ट्रिय प्रत्यारोपण केन्द्रबीच बुधबार अंग प्रत्यारोपण तथा डायलोसिस सेवा विस्तारमा सहकार्य गर्न समझदारी भएपछि प्रतिष्ठानले त्यो निर्णय लिएको हो । सो समझदारी पत्रमा प्रतिष्ठानतर्फबाट उपकुलपति डा.डुकबहादुर क्षत्री र राष्ट्रिय प्रत्यारोपण केन्द्रतर्पmबाट कार्यकारी निर्देशक डा.पुकारचन्द्र श्रेष्ठले हस्ताक्षर गरेका छन् । समझदारीअनुसार प्रत्यारोपण केन्द्रले प्रतिष्ठानका डाक्टरलाई तालिम दिएर जनशक्ति तयार गर्नेछ । केन्द्रले यसअघि काठमाडौंमा सुमेरु अस्पताल, किस्ट मेडिकल कलेज, निदान अस्पताल तथा भरतपुरको कलेज अफ मेडिकल साइन्सेजमा पनि तालिम आदि दिएर जनशक्ति तयार गरेको थियो । केन्द्रले अहिले देशका ७ प्रदेशहरुमा मिर्गौला प्रत्यारोपण तथा डायलसिस सेवा विस्तार गर्ने लक्ष्य लिएको छ ।
पोखराका अस्पतालहरुमा मिर्गाैला रोगीहरुको संख्या बढ्दै गएको छ । यहाँका अस्पतालहरुमा डायलोसिस त गर्ने गरिएको छ तर मिर्गाैला प्रत्यारोपण गर्न परे बिरामीहरु काठमाडौं कि भारततिर जाने गर्दछन् । मिर्गाैलाको रोगको उपचार महँगो भएकोले यहाँका केही सामाजिक संस्थाहरु र केही मनकारी दाताले डायलोसिसका मसिन केही अस्पताललाई प्रदान गरेका छन् । त्यसरी मेसिन उपलब्ध भएकाले पनि डायलोसिस गर्ने कार्यसम्म पोखरामा हँुदै आएको छ । अब मिर्गाैला प्रत्यारोपण पनि पोखरामा नै हुनु सन्तोषको कुरा हो ।
मिर्गाैलाको उपचार विधि आपैmमा महँगो प्रक्रिया हो । मिर्गौला बिग्रेपछि या त फेर्नु पर्दछ, होइन भने बरोबर डायलोसिस गर्दै जानु पर्दछ । मिर्गौला पाउनु त्यसै पनि गाह्रो काम हो भने आफन्तले दिएको मिर्गाैला प्रत्योपण गर्नु पनि खर्चालु छ । त्यसो गरिएन भने फेरि प्रत्येक हप्ता र पछि हप्ताकै २÷३ पटक डायलोसिस गर्नु सर्वसाधारणका लागि सम्भव हुने देखिंदैन । कतिपयले उपचारबिना नै मृत्युवरण पनि गर्नु परेको दृष्टान्त छन् । सरकारले अहिले मिर्गाैलाका पीडितलाई आफन्तले मिर्गाैला दिन सक्ने कानुन बनाएपछि केही सजिलो निश्चय नै भएको छ । हिजोभन्दा आज खर्च पनि कम भएको छ । त्यसमा पनि अब प्रत्येक प्रदेशमा मिर्गाैला प्रत्यारोपण हुने भएबाट मिर्गौलापीडित एवं उनीहरुका परिवारले राहतको श्वास फेरेका छन् । त्यसो भए तापनि सर्वसाधारणका लागि यसको उपचार काबुबाहिरको भएको छ । मिर्गाैला रोगीलाई सरकारले केही सहयोग पनि गर्ने गरेको छ तर त्यो पर्याप्त छैन । सरकार, डाक्टर तथा अस्पतालले यसलाई के–कसरी कम खर्चिलो गर्न सकिन्छ, त्यो गर्नु आवश्यक छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१