खोप वितरण व्यवस्थित गर

सम्पादक
श्रावण ३, २०७८

मानवीय जीवन नै आतंकित पार्ने गरी गत वर्षदेखि विश्वभर कोरोना भाइरसको महामारी फैलियो । नौलो प्रकारको यो भाइरसले कैंयौँको जीवन अकालमै लग्यो भने कैंयौँ संक्रमित बने । नेपालमा पनि यो रोगबाट अछूतो रहन सकेन । यसबाट जोगिनुको एउटैमात्रै विकल्प बन्यो, स्वास्थ्य सुरक्षा मापदण्ड पालना गर्नु र भ्याक्सिन पर्खाइ । मानिस कोरोना खोपको भ्याक्सिन पर्खिरहे । तर तत्काल उत्पादन हुन सकेन । धेरै देशले यसको अनुसन्धान गरिरहे । अन्ततः पछिल्लो समय विभिन्न देशले विभिन्न नाममा कोरोनाविरुद्ध खोप उत्पादन गरेर सहज बनाएका छन् । विकासशील मुलुक नेपालले विदेशी मुलुकको बाटो हेर्नुको विकल्प थिएन । र, गत माघदेखि नेपालमा कोरोनाविरुद्ध कोभिसिल्ड भित्रियो । यसरी नेपाल भित्रिन थालेको खोप अहिलेसम्म भारत, चीन, अमेरिका, जापानलगायत देशले उपलब्ध गराइसकेका छन् । । नेपालमा हालसम्म ६५ लाख ८२ हजार ८ सय ५० मात्रा खोप आइसकेको स्वास्थ्य तथा जनसंख्या मन्त्रालयको तथ्यांकमा छ ।
तर यही खोप वितरण भने ठाउँ ठाउँमा अव्यवस्थित भएको समाचार छ । गण्डकी प्रदेश राजधानी पोखराको कुरा गर्नुपर्दा यहाँ केही दिनयता भेरोसिल खोप लगाउने कार्यक्रम निरन्तर चलिरहेको छ । तोकिएका खोप केन्द्रमा लक्षित वर्गका मानिस सबै काम पन्छाएर बिहानैदेखि लाइन बस्न गए । दिनभर लाइन बसेपछि मात्र खोप लगाएर जीवन बाँच्ने आशामा केही फर्किए भने निम्न, असहाय तथा पहुँच पुग्न नसकेकाहरु रित्तो हात बने । पहुँचवालाले आफ्ना आसेपासे, नातेदारलाई खोप लगाउन बाँकी राखेका छैनन् । तर, लक्षित वर्गकै निमुख मानिस अहिलेसम्म पहिलो डोज लगाउनबाटै वञ्चित बनेको गुनासो सुनिएको छ । शनिबार पनि पेसागत समूहका लागि भने भनी पूर्व सूचना जारी गरी खोप लगाउन आउन आह्वान गरियो । पोखरा नदीपुरस्थित कन्या क्याम्पसमा बिहानैदेखि लाइन बसेकाहरु अन्तिम समयमा खोप कार्यक्रम स्थगित सूचनापछि निराश बने । जिल्लामा हालसम्म ४४ हजार बढी भेरोसिल खोप लगाइसकिएको जिल्ला स्वास्थ्य कार्यालय कास्कीले जनाएको छ । तर, सरकारले लक्षित वर्ग भनिएकाहरु अझै वञ्चित फितलो व्यवस्थापनकै कारण हो ।
नेपालमा विभिन्न देशबाट खोप आउने कार्यक्रम जारी रहेको सरकारले जनाएको छ । तर व्यवस्थापन फितलो हुँदा जति नै खोप भित्रिए पनि प्राथमिकता आधारमा लगाउने काममा ध्यान दिइएको छैन । सरकारले १८ वर्षभन्दा माथिका कुल २ करोड २० लाख जनसंख्यालाई निशुक खोप लगाउने लक्ष्य लिएको छ । कोरोना भाइरसको तेस्रो भेरियन्टको फैलावटसमेत बढ्न थालेको हुँदा जतिसक्दो छिटो खोप प्रयोगको दायरा बढाउनुपर्छ । यो अभियानलाई बिचौलियाको प्रभावबाट मुक्त राख्दै खोप वितरण प्रणाली पनि सुधार्नुपर्छ । सम्बन्धित जिल्ला प्रशासन कार्यालय लगायत सरोकारवाला निकायले समेत खास प्रभाव पर्ने गरी अनुगमन गर्नुपर्छ । ताकि खोप वितरणमा पहुँचवर्गका आसेपासेमात्र लाभान्वित नहुन् । सबै जनालाई बाँच्नुपर्छ भन्ने हेक्का सबैमा हुनुपर्छ ।

Related News

सम्बन्धित समाचार

  • आन्दोलनलाई उत्तेजक नबनाऊ

    सम्पादक पौष २३, २०८०
    काठमाडौंको बालकुमारीमा भएको आन्दोलनका क्रममा अछामका वीरेन्द्र शाह र दैलेखका सुजन रावतको प्रहरीको गोली लागेर ज्यान गयो । घटनाको समाचार…
  • नेपालको बिजुली भारतले किन्ने सम्झौता

    सम्पादक पौष २२, २०८०
    नेपाल–भारत संयुक्त आयोगको सातौं बैठक काठमाडौंमा सम्पन्न भयो । बैठकमा नेपालको तर्फबाट प्रतिनिधि मण्डलको नेतृत्व परराष्ट्रमन्त्री एनपी साउद र भारतीय…
  • अग्रज पत्रकार पोखरेलको निधन

    सम्पादक पौष २०, २०८०
    पुराना पुस्ताका अग्रज पत्रकार गोकुलप्रसाद पोखरेलको सोमबार काठमाडौंको त्रिभुवन विश्वविद्यालय शिक्षण अस्पतालमा उपचारका क्रममा निधन भयो । उनी लामो समयदेखि…
  • प्रमको सम्बोधनः कामभन्दा आश्वासन धेरै

    सम्पादक पौष १२, २०८०
    प्रधानमन्त्री पुष्पकमल दाहालले आफूले सरकारको नेतृत्व सम्हालेको एक वर्ष पूरा भएको अवसरमा मंगलबार राष्ट्रका नाममा सम्बोधन गरेर सरकारको काम कुराको…
  • त्रिविमा राजनीतिक भागबण्डा अन्त्य गर्ने उद्घोष

    सम्पादक पौष ४, २०८०
    विश्वविद्यालयले प्रत्येक वर्ष दीक्षान्त समारोहको आयोजना गरेर आफ्ना विद्यार्थीहरूलाई दीक्षित गर्ने गर्दछ । त्यस्तै समारोह त्रिभुवन विश्वविद्यालयले पनि गर्दै आएको…

hero news full width