कमलपोखरीमा कमल फुल्न देऊ

सम्पादक
फागुन १७, २०७७

काठमाडौंको कमलपोखरीमा केही वर्षदेखि विवाद बढ्दै गएको छ । वरिपरि ठूल्ठूला भवन बनाएर कमलपोखरीमा पानी कम हुँदै गएको बेला २०७२ सालको भूकम्पले पोखरीलाई ठूलो क्षति बनाएको छ । पोखरी बनाउन काठमाडौं महानगरपालिकाले आफ्नै किसिमको नापनक्सा तयार गरी बनाउन सुरु गरेको थियो । तर स्थानीयवासीले त्यसरी बनाउँदा पोखरीमा पानी नरहने भनेर विरोध गरिरहेका छन् । स्थानीयको विरोध भए पनि महानगरले सौन्दर्यकरण गर्ने नाममा त्यहाँ कंक्रिटको संरचना बनाउन सुरु गरेको छ । महानगरले कंक्रिटको संरचना बनाउन साथ विवादले उग्ररुप लिएको छ । सरोकारवालाले त्यो कंक्रिटको संरचना तोडफोड गरेका छन् ।

कमलपोखरी ऐतिहासिक र सांस्कृतिक महत्वको स्थल हो । यस्तो स्थल निर्माणका लागि पुरातत्व विभागको भूमिका महत्वपूर्ण हुन्छ । तर महानगरपालिकाले पुरातत्व विभागसँग सल्लाह परामर्श गरेको देखिँदैन । त्यसले सुरुमा रानीपोखरा बनाउने क्रममा पनि पुरातत्व विभाग र स्थानीयको चर्काे विवादको कारण त्यो क्रंक्रिटको मन्दिर भत्काएर पुरातत्व विभागको मापदण्ड अनुसार निर्माण गरिएको हो । रानीपोखरी अहिले पुरानै शैलीमा निर्माण गरिएकाले त्यसले सबैको मन प्रफुल्ल बनाएको छ । स्थानीय तथा विषयविज्ञ कमलपोखरी पनि त्यस्तै किसिमले बनाउन जोड दिँदैछन् ।

काठमाडौं महानगरपालिका कमलपोखरीको सौन्दर्यकरणको नाममा नक्कली कमलको फूल बनाएर सजाउने पक्षमा देखिन्छ भने स्थानीय सरोकारवाला कमलपोखरीमा कमलको फूल फुल्न दिनुपर्छ भन्दैछन् । कमलपोखरीमा अझ पनि केही पानी छ । महानगरपालिका त्यो पानी फालेर त्यहाँ सुख्खा गरेर भौतिक संरचना निर्माण गर्न खोज्दैछ भने स्थानीय त्यसरी पानी सुकाएमा पछि पानी भर्न गा¥हो हुने तर्क अघि सार्दैछन् । रानीपोखरीमा पानी सुख्खा गरिएको कारण धेरै माटो भर्नु परेको र खर्च बढी लागेको विज्ञहरु बताउँछन् । कमलपोखरीको विवाद अब स्थानीयको मात्र सरोकारको कुरा रहेन । त्यसमा पुरातत्व विभागको ध्यान पनि आकर्षित भएको छ । निजी क्षेत्रका विज्ञहरुले पनि आफ्नो अनुभव आधारमा सुझाव दिन थालेका छन् । सबै राम्रो गर्ने पक्षमा नै रहेका देखिन्छन् । तर आवश्यक सल्लाह र समन्वयको अभावमा विवाद बढ्दै गएको छ । विवाद थाति राखेर समझदारी र समन्वय गरी सरोकारवाला अघि बढेमा कमलपोखरीको भविष्य सुनिश्चित देखिन्छ । कमलपोखरीमा कमलको फूल नै फुल्न दिनुपर्दछ ।

Related News

सम्बन्धित समाचार

  • आन्दोलनलाई उत्तेजक नबनाऊ

    सम्पादक पौष २३, २०८०
    काठमाडौंको बालकुमारीमा भएको आन्दोलनका क्रममा अछामका वीरेन्द्र शाह र दैलेखका सुजन रावतको प्रहरीको गोली लागेर ज्यान गयो । घटनाको समाचार…
  • नेपालको बिजुली भारतले किन्ने सम्झौता

    सम्पादक पौष २२, २०८०
    नेपाल–भारत संयुक्त आयोगको सातौं बैठक काठमाडौंमा सम्पन्न भयो । बैठकमा नेपालको तर्फबाट प्रतिनिधि मण्डलको नेतृत्व परराष्ट्रमन्त्री एनपी साउद र भारतीय…
  • अग्रज पत्रकार पोखरेलको निधन

    सम्पादक पौष २०, २०८०
    पुराना पुस्ताका अग्रज पत्रकार गोकुलप्रसाद पोखरेलको सोमबार काठमाडौंको त्रिभुवन विश्वविद्यालय शिक्षण अस्पतालमा उपचारका क्रममा निधन भयो । उनी लामो समयदेखि…
  • प्रमको सम्बोधनः कामभन्दा आश्वासन धेरै

    सम्पादक पौष १२, २०८०
    प्रधानमन्त्री पुष्पकमल दाहालले आफूले सरकारको नेतृत्व सम्हालेको एक वर्ष पूरा भएको अवसरमा मंगलबार राष्ट्रका नाममा सम्बोधन गरेर सरकारको काम कुराको…
  • त्रिविमा राजनीतिक भागबण्डा अन्त्य गर्ने उद्घोष

    सम्पादक पौष ४, २०८०
    विश्वविद्यालयले प्रत्येक वर्ष दीक्षान्त समारोहको आयोजना गरेर आफ्ना विद्यार्थीहरूलाई दीक्षित गर्ने गर्दछ । त्यस्तै समारोह त्रिभुवन विश्वविद्यालयले पनि गर्दै आएको…

hero news full width