जनार्दनका कठिन दिनहरु

सम्पादक
असार २४, २०७९

आफूलाई राजनीतिका चतुर खेलाडी सम्झेका माओवादी केन्द्रका नेता जनार्दन शर्माले अन्ततः अर्थमन्त्री पदबाट राजीनामा दिन बाध्य भए । उनीमाथि छानबिन गर्न सभामुख अग्निप्रसाद सापकोटाले संसदीय विशेष समिति गठन गरेलगत्तै उनले प्रतिनिधिसभाको बैठकमा बुधबार राजीनामा घोषणा गरेका थिए । सभामुख सापकोटाले गठन गरेको संसदीय विशेष समितिमा लक्ष्मणलाल कर्ण, खगराज अधिकारी, देवप्रसाद गुरुङ, पुष्पा भुसाल, प्रदीप ज्ञवाली, भानुभक्त ढकाल, विमला विक, शक्तिबहादुर बस्नेत, सरलाकुमारी यादव, सीताराम महतो र सुरेन्द्रप्रसाद यादव रहेका छन् । प्रतिनिधिसभाले समितिको सभापति र कार्यविधि चयन गरी १० दिनभित्र सत्यतथ्य बुझेर प्रतिवेदन पेस गर्न म्यान्डेट दिएको छ । संसदीय विशेष समितिले के–कसरी सत्य र तथ्य छानबिन गर्दछ र कहिले प्रतिवेदन पेस गर्छ, त्यो सबैको चासो र जिज्ञासाको विषय भएको छ ।

शर्माले राजीनामा दिने बेलासम्म आफूले बजेट निर्माणको बेला अनधिकृत व्यक्तिलाई बोलाएर करको दर थपघट नगरेको र सिसिटिभीको फुटेज नभेटाएको जिकिर गर्दै आफूमाथि झुठो लाञ्छना लगाएको भन्दै आरोपको खण्डन गरेका छन् । तर घटनाक्रम र पछि अर्थ मन्त्रालयका सचिवलगायत कर्मचारीहरु बिदा बस्दै पलायन हुने जुनक्रम देखियो, त्यसले असाधारण स्थितिको संकेत गरेको छ । उनी अर्थमन्त्री भएसम्म मन्त्रालय नफर्कने गरी बिदा बस्नेहरु पनि देखिए । उनीहरु अर्थमन्त्रीले के निर्देशन दिन्छन् र फेरि के नियम विपरीत काम गर्नु पर्ला भनेर त्रसित भएका पनि देखिए । कर्मचारीहरुमा देखिएको त्यस्तो वातावरणले अर्थ मन्त्रालयभित्र सर्वविधिवत भएका छन्, सबै नियम कानुनअनुसार भएका छन् भन्ने कुरा देखाउँदैन ।

अछामका पृथ्वीबहादुर शाहको नाममा अमेरिकाबाट आएको शंकास्पद रकममा उनले जुन अभिरुचि देखाएर काम गरे त्यसबाट उनको स्वार्थ लोलुपता देखियो र त्यही कारणबाट उनको र राष्ट्रबैंकका गभर्नर महाप्रसाद अधिकारीको सम्बन्ध बिग्रियो उनले गभर्नरलाई निलम्बन गरे तर सर्वोच्चले त्यो निलम्बन खारेज गरिदियो । त्यो घटनाले उनको व्यक्तित्वलाई धेरै धक्का दियो । यस्ता प्रत्येक घटनाले उनको छवि धमिल्याउँदै लगेको थियो र बजेटको घटनाले उनलाई नराम्ररी पछारिदियो तर उनले त्यो कुरालाई गम्भीरतापूर्वक लिएनन् । बजेट निर्माणको बेला अनधिकृत व्यक्तिलाई कोठामा प्रवेश गराएको केश बाहिर आउँना साथ त्यो वास्तविकतालाई भन्न गरेर राजीनामा दिएको भए, यस्तो स्थिति आउने थिएनन् । उनले एकपछि अर्को गल्ती गर्दै गए । प्रत्येक गल्तीले उनलाई मासमा धकेलेको उनले बुझ्न सकेनन् । घमण्ड र बडप्पनले मानिसलाई कहाँबाट कहाँ पु¥याउने रहेछ भन्ने कुरा उनको यो घटनाले प्रष्ट देखाएको छ । आगामी १०÷१५ दिन उनको लागि कठिन दिन हुनेछ ।

Related News

सम्बन्धित समाचार

  • कांग्रेस भित्र प्रधानमन्त्रीको होड

    सम्पादक मंसिर १९, २०७९
    मंसिर ४ गते सम्पन्न चुनावको परिणाम मध्ये प्रत्यक्षतर्फको मतगणना पूरा भएको छ भने समानुपातिकतर्फको गणना पनि सिद्धिने अवस्थामा छ ।…
  • पोखरा बहुमुखी क्याम्पसलाई शुभकामना

    सम्पादक मंसिर १६, २०७९
    पोखरा बहुमुखी क्याम्पस पोखरामा पृथ्वीनारायण क्याम्पसपछिको दोस्रो क्याम्पस हो भने सामुदायिक क्षेत्रमा खोलिएको यो तत्कालीन पश्चिमाञ्चलकै पहिलो क्याम्पस हो ।…
  • सरकारको स्थिरता र अस्थिरताको चर्चा

    सम्पादक मंसिर १४, २०७९
    प्रतिनिधि सभाको निर्वाचनमा कुनै एक पार्टीको बहुमत नआउने भएपछि अब बन्ने सरकार स्थिर होला कि अस्थिर होला भन्ने बहस चल्न…
  • चीनमा विरोध र्‍याली

    सम्पादक मंसिर १३, २०७९
    चीनमा सामान्यतया विरोध भनेको हुँदैन, कहींकतै विरोध भए तापनि त्यसको स्वर सुनिँदैन र त्यस्तो विरोधलाई निर्ममतापूर्वक दबाइन्छ भन्ने भएको बेला…
  • लैंगिक हिंसाविरुद्धको कार्यक्रम

    सम्पादक मंसिर १२, २०७९
    महिलाको संख्या पुरुषको भन्दा बढी छ । बढी भएकोले कतै महिलाको विषयमा उल्लेख गर्नु पर्दा आधा आकाश ढाकेर बसेका महिलाहरु…

hero news full width