चर्चामा जगन्नाथ पौडेल

सम्पादक
वैशाख १८, २०७९

यस पटकको स्थानीय तहको निर्वाचनमा भरतपुर महानगरपालिका सुरुदेखि नै चर्चित रह्यो । माओवादी केन्द्रका अध्यक्ष पुष्पकमल दाहालले भरतपुर महानगरपालिका मेयर प्रमुख पदमा यस पटक पनि आफ्नी छोरी रेणु दाहाललाई प्रस्ताव गरेदेखि त्यो महानगरपालिका चर्चित रहेको हो । सुरुमा माओवादी केन्द्रका अध्यक्ष दाहालले छोरीलाई प्रस्ताव गरेकाले चर्चित भएको थियो भने पछि माओवादी केन्द्रलाई मेयर पदको उम्मेदवार छोड्न हुन्न भनेर स्थानीय नेपाली कांग्रेसका नेताहरुले जसरी अडान लिए, त्यसबाट चर्चित भएको थियो । भरतपुर विवाद जति पछि भयो, उति बढ्दै गएको छ । विवादकै बीचमा त्यहाँका पुराना कांग्रेस नेता जगन्नाथ पौडेलले गठबन्धनका साझा उम्मेदवार रेणु दाहाललाई चुनौती दिँदै नगर प्रमुखको उम्मेदवार बनेका छन् । उनलाई मनोनयन फिर्ता लिन राज्य शक्ति नै लागे तापनि उनले उम्मेदवारीबाट आफ्नो नाम फिर्ता लिएनन् । उनले नाम फिर्ता नलिएकाले उनी देशभरि नै चर्चित उम्मेदवार भएका छन् ।

केही स्थानीय तहमा नेपाली कांग्रेसका लागि उम्मेदवारहरु छन् । तर भरतपुरको आकर्षण बेग्लै छ । भरतपुर माओवादी केन्द्रका अध्यक्ष दाहालको निर्वाचन क्षेत्र पनि हो भने भरतपुर नेपाली कांग्रेसको गढ पनि हो । दुवै पार्टीका लागि भरतपुर महत्वपूर्ण क्षेत्र हो । त्यहाँका कांग्रेसीहरुका अनुसार गत चुनावमा रेणु दाहाललाई छाडेको हो अब पनि छोड्नुको अर्थ सधैंको लागि छोड्नु सरह हुनसक्छ । माओवादी केन्द्रको आफ्नो प्रभाव क्षेत्र बनाए भने भोलि कांग्रेसलाई नै समस्या हुनसक्छ । यी सबै कुरालाई दृष्टिगत गरेर कांग्रेस पार्टीको अस्तित्व जोगाउन बागी उम्मेदवार उठ्नु परेको त्यहाँका पुराना कांग्रेसहरुको भनाइ रहेको छ ।

सत्तामा गठबन्धन गरेका पार्टीहरुले चुनावमा गठबन्धन गर्नु उपयुक्त हुन्छ कि हुँदैन भन्ने सम्बन्धमा त्यत्ति छलफल गरेनन् । छलफल गरे तापनि त्यो छलफल तल्लो तह सम्म आएन । माथिका शीर्ष नेताहरुले जे निर्णय गरे, त्यो तल्लो तहकाले मान्नुपर्ने गरी आदेश गरियो । गठबन्धन पार्टीहरुमा पनि माओवादी केन्द्र र एकीकृत समाजवादी पार्टी गठबन्धनको पक्षमा थिए भने कांग्रेसका नेताहरु विपक्षमा थिए । कांग्रेसका नेताहरुले स्थिति केही सम्हालेका छन् । धेरै बागी उम्मेदवारहरुले नाम फिर्ता लिएका छन् तर भरतपुरमा जगन्नाथ पौडेलले जे–जस्तो लोभ लालच देखाए तापनि उम्मेदवारीबाट आफ्नो नाम फिर्ता लिन चाहेनन् । कांग्रेसका नेता पौडेल राष्ट्रिय सभामा पुगेका व्यक्ति हुन् । उनको निष्ठा, इमानदारिता, कर्तव्यपरायणमा कतै औंला ठड्याउने अवस्था छैन । पदकै लागि उनले मनोनयनपत्र दर्ता गरेका पनि होइन । त्यसमा उनी एक्लै छन् भनेर सोच्नु पनि हुँदैन । अधिकांश पुराना कांग्रेसीहरु उनको पक्षमा छन् । कांग्रेस बचाउनका लागि उनले यो कदम चालेको बताएका छन् । भरतपुरको स्थिति संवेदनशील छ । भोलि के हुन्छ, स्थिति कस्तो हुन्छ, त्यो अहिले भन्न सकिने अवस्था छैन ।

Related News

सम्बन्धित समाचार

  • बुद्धजयन्तीको कार्यक्रम सुरु

    सम्पादक वैशाख २६, २०७९
    बुद्ध जयन्ती परम्परागतरुपमा साप्ताहिक कार्यक्रम राखेर मनाउने गरिएको भए तापनि कोभिड–१९ को महामारीका कारणले बितेका २ वर्ष बुद्धजयन्ती समारोह हुन…
  • विप्लवको पार्टी विभाजित

    सम्पादक वैशाख २३, २०७९
    पहिले अपेक्षा गरिएअनुसार नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टी विभाजित भएको छ । विभाजनको बेला कम्युनिष्ट पार्टीमा जुन लक्षण…
  • निर्वाचनमा युवाको सक्रियता

    सम्पादक वैशाख २२, २०७९
    केही महिना पहिले राजनीतिक पार्टीहरुका अधिवेशन र महाधिवेशन भएका थिए । ती अधिवेशन महाधिवेशनअन्तर्गत भएका चुनावमा युवाहरु खुब आकर्षित भएका…
  • वेद विद्याश्रमलाई हाम्रो शुभकामना !

    सम्पादक वैशाख २१, २०७९
    कास्की पहिलेदेखि नै शिक्षादीक्षामा ख्याति प्राप्त स्थान हो । शिक्षा दीक्षाका लागि काशी कि कास्की भनेर त्यसै भनिएको होइन ।…
  • सरकारको अधुरो कदम

    सम्पादक वैशाख १९, २०७९
    सरकारले देशमा आउन लागेको आर्थिक संकट हटाउने अभिप्रायले जेठ १ गतेदेखि लागु हुने गरी सरकारी कार्यालयहरु हप्ताको २ दिन बिदा…

hero news full width