Worldlink ads

स्वतन्त्र पत्रकार संघको कार्यशाला

सम्पादक
मंसिर १३, २०७८

स्वतन्त्र पत्रकार संघ, कास्कीको आयोजनामा स्थानीय रामबजारस्थित कालिका नमूना विद्यालयका विद्यार्थीलाई उद्घोषण तथा नेतृत्व विकास कार्यशाला भएको छ । कार्यशाला २ दिनसम्म चलेको थियो । उद्घोषण तथा नेतृत्व विकासजस्तो ठूलो र गहन विषयलाई २ दिनको कार्याशाला प्रशस्त नहुन सक्छ, तर कार्यशालाले विद्यार्थी सहभागीलाई ती विषयका आधारभूत परिचय दिएको छ । संघले विद्यालयमा अनुगमनको कार्यक्रम राखी त्योभन्दा स्तरीय प्रशिक्षण दिनु आवश्यक छ । सहभागीहरुले स्वतन्त्र पत्रकार संघको परिचय पाएकोमा पनि खुसी प्रकट गरेका छन् ।
स्वतन्त्र पत्रकार संघभन्दा धेरैले पत्रकारहरु आफै स्वतन्त्र हुन्छ, होइन र भनेर पनि सोध्ने गरिन्छ । वास्तवमा पत्रकारहरु स्वतन्त्र हुनुपर्दछ र हुन्छन् तर हामीकहाँ पार्टीका मात्र संगठनका रुपमा पत्रकार संघ भएकाले स्वतन्त्र पत्रकार संघ भनेर नाम नै स्वतन्त्र राखिएको हो । कुनै बेला हाम्रो देशमा राजनीतिक पार्टीहरु प्रतिबन्धित हुँदा राजनीतिक सन्देश बोकेर पत्रकारहरुले काम गर्नु परेको थियो । तर अहिलेको परिस्थिति त्यस्तो छैन । विचार प्रधान पत्रिका भनेर कुनै राजनीति पार्टीको सिद्धान्त र सन्देश प्रवाह गर्नु पत्रकारलाई सुहाउँदैन । मिसन पत्रकारिता आज युगमा नसुहाउने र आवश्यक पनि नभएकाले कतिपय विचार प्रधान भनेर छापिने साप्ताहिक पत्रिकाहरु बजारमा देखिन छाडेका छन् । तैपनि पार्टीहरुले पत्रकारहरुलाई आपूmतिर तान्ने प्रयास भने गरिरहेका छन् । कुनै पार्टी विशेषमा नलाग्नु नै स्वतन्त्र हुनु हो । स्वतन्त्र पत्रकार संघको गठन पनि त्यस्तै आवश्यकताको एक परिणाम हो । स्वतन्त्र पत्रकार संघ, पोखरामा स्थापना भएको हो । यसले क्रमशः आफ्नो शाखा बिस्तार गरिरहेको छ ।
स्वतन्त्र पत्रकार संघ कास्कीले कार्यशालामा राखेको विषय व्यापक महत्वपूर्ण छ । विद्यार्थीहरुले किताबी ज्ञानमात्र लिएर हुँदैन । संगठन गर्न पनि सिक्नु पर्दछ र भाषण गर्न सिकिन्छ । हाम्रो नेतृत्व विकास गर्न भाषणले अहम भूमिका खेल्दछ । मीठो बोल्ने मानिसलाई सबैले रुचाउँछन् । उसको कुरा सबैले सुन्छन् र सुनेर ऊतिर आकार्षित पनि हुन्छन् । त्यसरी आकर्षित गर्न सक्नु पनि एउटा कला हो त्यो कलाको विकासका लागि केही आधारभूत कुराहरु सिक्नुपर्दछ, जान्नु पर्दछ । त्यस्ता कुराहरु पछि सिक्नुभन्दा विद्यालयबाटनै सिक्नु राम्रो हुन्छ । फेरि अहिले सिकेको त्यो ज्ञान हमी ठूला हुँदै गएपछि त्यो ज्ञान पनि विकास हुँदै जान्छ । यस्तो कुरालाई पछि सिकौंला भनेर बस्नुहँुदैन, आजको प्रतिस्पर्धाको युगमा पछि गरौंला भन्नेहरु धेरै पछि परेका छन् । जसले हान्यो, उसले जान्यो भनेभैmं विद्यार्थी अवस्थामा नेतृत्व गर्नेले पछि पनि नेतृत्व गर्न सबल र सक्षम हुन्छ । त्यसो भएकाले स्वतन्त्र पत्रकार संघ, कास्कीले विद्यालयमा आयोजना गरेको कार्यशाला उपयुक्त र सम–सामयिक छ । त्यसको अनुगमन गरी कार्यशालालाई अरु व्यापक र विस्तृत पार्दै लग्न सकियो भने त्यसले राम्रो प्रतिफल दिने आशा गर्न सकिन्छ ।

Related News

सम्बन्धित समाचार

    • विवाद छिटो टुंग्याऊ

      सम्पादक पौष २६, २०७८
      भारतका प्रधानमन्त्री नरेन्द्र मोदीले हालै आफ्नो पार्टीको चुनावी भाषणको क्रममा भारत सरकारले लिपुलेका भएको बाटो चक्ल्याउने कुरा बताएपछि नेपालमा त्यसको…
    • पोखरामै मिर्गौला प्रत्यारोपण

      सम्पादक पौष २३, २०७८
      पोखरा स्वास्थ्य विज्ञान प्रतिष्ठानले चालु आर्थिक वर्षभित्र मिर्गौला प्रत्यारोपण सुरु गर्ने निर्णय भएको कुरा बाहिर आएपछि मिर्गाैला पीडित, त्यसका परिवार…
    • दाहाल अध्यक्षमा निर्विरोध

      सम्पादक पौष २१, २०७८
      माओवादी केन्द्रका अध्यक्ष पुष्पकमल दाहाल पार्टीको अध्यक्ष पदमा फेरि निर्वाचित भएका छन् । उनी पार्टीको आठौं महाधिवेशनबाट निर्विरोध भएका छन्…
    • धान किसानलाई छिटो क्षतिपूर्ति देऊ

      सम्पादक पौष १९, २०७८
      हाम्रो देश कृषि प्रधान देश हो । कृषि प्रधान देश भएकाले अधिकांश नागरिकहरु किसान छन् । तिनीहरुको आम्दानीको मुख्य स्रोत…
    • कास्की कांग्रेसको संहिता

      सम्पादक पौष १८, २०७८
      राजनीतिक पार्टीका महाधिवेशनबाट नयाँ–नयाँ पदाधिकारी र सदस्यहरु निर्वाचित भएका छन् । भर्खरै निर्वाचित ती पदाधिकारी र सदस्यहरुमा उत्साह छ, उमंग…

    hero news full width