Worldlink ads

होमग्राउन्डको महत्व

सम्पादक
श्रावण १५, २०७८

पर्यटकीय राजधानी पोखराको सम्भावना धेरै छ । त्योमध्ये एक हो–खेल पर्यटन । त्यसो त साहसिक पर्यटनका लागि पोखरा आफैंमा परिचित छ । प्याराग्लाइडिङ, अल्ट्रालाइट, क्यानोनिङ, बञ्जीजम्पजस्ता साहसिक खेलको पर्याय बनेको छ, पोखरा । नेपालको फुटबलको क्षेत्रमा धेरै खेलाडी उत्पादन गरेको छ, पोखरा र समग्र गण्डकी प्रदेशले । त्यति मात्र नभएर पोखरामा अन्तर्राष्ट्रियस्तरका प्रतियोगिता पनि हुने गरेका छन् । पोखरामा अहिले रंगशाला निर्माणाधीन छ । अहिले खुसीको कुरा ‘ए’ डिभिजन क्लब मनाङ मस्र्याङ्दी (एमएमसी) लाई पोखरा रंगशाला घरेलु मैदानका रुपमा प्रयोग गर्न दिने गरी राष्ट्रिय खेलकुद परिषद् (राखेप) मा सिफारिस भएको छ । अखिल नेपाल फुटबल संघ (एन्फा) अध्यक्ष कर्माछिरिङ शेर्पा, राखेप बोर्ड सदस्य राजेश गुरुङसहित सरोकारवाला निकायको छलफलपछि यो सिफारिस भएको हो ।
राखेपले क्लबलाई प्रमाणपत्र दिएपछि आधिकारिकता प्रदान हुनेछ । होम ग्राउन्ड भन्नाले पोखरा आएर म्याचमात्र खेल्ने हो । होम ग्राउन्ड अनुमति पाएपछि मनाङले लिग, एएफसी लगायत होम ग्राउन्डमा खेल्नुपर्ने सबै खेल पोखरामा खेल्नुपर्छ । मनाङले सहिद स्मारक लिगका खेलसहित अन्य खेल पोखरामै खेल्नु पोखरेली खेलप्रेमीका लागि सुखद पक्ष हो । निरन्तर हुने प्रतियोगिताले खेलाडी उत्पादनमा सहयोग पुग्नेछ । काठमाडौंमा मात्र केन्द्रित प्रतियोगिता बाहिर हुँदा खेल पर्यटनको समेत राम्रो विकास हुने विश्वास गरिएको छ । मनाङको पोखरा आगमनसँगै खेलकुद विकास मात्र होइन, यहाँको पर्यटनमा टेवा पुग्ने छ । मनाङ मस्र्याङ्दीले रंगशाला उपभोग गरेवापत न्यूनतम शुल्क भने तिर्ने छ ।
मनाङ मस्र्याङ्दी फुटबल क्लबमात्रै नभै यो नदीको नामसँग जोडिएको छ । त्यसैकारण पोखरामा उकसा फ्यान बाक्लै छन् । यो कुरा रंगशालामा हुने फुटबल प्रतियोगितामा दर्शकको उपस्थितिले पनि जनाउँछ । क्लब समर्थक पनि पोखरा रंगशालालाई मनाङले होम ग्राउन्ड बनाएको र खेलेको हेर्न आतुर छन् । सधैं उपत्यकामा हुने खेल मोफसलमा हुँदा उपत्यका बाहिरका दर्शकले आफ्नो पायक पर्ने समयमा हेर्न जान भ्याउने छन् । मनाङ मस्र्याङ्दी पोखरा आउनु खेल, खेलाडी र खेल पर्यटन क्षेत्रका लागि सकारात्मक पक्ष रहेको प्रतिक्रिया सबैतिरबाट आएको छ । हुन त सरकारले अहिलेसम्म पनि खेल क्षेत्रलाई प्राथमिकतामा राख्न सकेको छैन । बर्खे भेलले बगाउने गरी सडक निर्माण गर्दा विकास अनुभूति गर्ने सरकारले खेल क्षेत्रलाई अनुत्पादक ठान्छ । वास्तवमा त्यस्तो होइन । खेलमा गरेको सानो लगानीले साह्रै राम्रो प्रतिफल दिन्छ भन्ने कुरा शासन चलाउनेहरुले बुझ्नु जरुरी छ । खेल स्वास्थ्यसँग जोडिएको छ । अनुशासनसँग जोडिएको छ । त्यसैले यसमा लगानी गर्न हिचकिचाउनु हुँदैन । एमएमसीले पोखरालाई होमग्राउन्ड बनाउन खोजेको छ । यसलाई हामीले भरपूर सदुपयोग गर्नुपर्छ ।

Related News

सम्बन्धित समाचार

    • सद्भावपूर्ण संसद

      सम्पादक असाेज १, २०७८
      राजनीति परिवर्तनसँग गण्डकीमा सरकार फेरियो । हतारमा नीति तथा कार्यक्रम र बजेट ल्याउने बाध्यता कृष्णचन्द्र नेपाली पोखरेल नेतृत्वको सरकारको काँधमा…
    • माछापुच्छ्रे आरोहण खोलौं

      सम्पादक भाद्र २९, २०७८
      माछापुच्छ्रे हिमाल (६,९९३ मिटर) पर्वतारोहणका लागि खुला गर्ने/नगर्ने भन्नेबारे फेरि बहस सतहमा आएको छ । कोरोना अघि निकै तातेको थियो…
    • तालमुनिको जग्गा दर्ता गर्नेलाई कारबाही गर

      सम्पादक भाद्र २८, २०७८
      फेवा पूर्ण प्राकृतिक ताल होइन । बैदामको तल्लो भागमा बाँध बाँधेपछि तालको आकार लिएर फेवा फैलिएको विभिन्न अध्ययनहरुले देखाएका छन्…
    • कांग्रेस महाधिवेशन र लोकतान्त्रिक अभ्यास

      सम्पादक भाद्र २७, २०७८
      नेपाली कांग्रेसको १४ औं महाधिवेशनअन्तर्गत यतिखेर चुनावी सरगर्मी बढेको छ । तल्लो तहदेखि माथिल्लो तहसम्मै चुनावी माहोल तातेको छ ।…
    • एमसिसी विवाद छिटो टुंग्याऊ

      सम्पादक भाद्र २२, २०७८
      देशमा फेरि एक पटक अमेरिकी मिलेनियम च्यालेन्ज कर्पाेरेसन (एमसिसी) विवाद चर्केको छ । सरकार पक्षमा देखिएको छन् भने अर्काेतिर एमसिसी…

    hero news full width

    Jewellery

    sanil ads

    wordlink ads