बाढी पहिरो पीडितको लागि तयारी गर

सम्पादक
जेठ ३०, २०७९

हाम्रो देशमा मनसुन प्रवेश भएको छ । यस पटकको यो मनसुन साधारण अवस्थामा भन्दा केही समय पहिले प्रवेश भएको बताइएको छ । यो मनसुनलाई कृषकहरुले हार्दिकतापूर्वक स्वागत गरेका छन् । मनसुन छिट्टै आउनुको मतलब कृषकहरुको खेतबारीमा छिटै पानी भर्नु हो । खेतबारीमा छिट्टै पानी भर्नुको मतलब तिनीहरुले छिट्टै काम गर्न पाउनु हो । तिनीहरुले आफ्नो खेतबारीमा छिट्टै बालीनाली लगाउन पाउने अपेक्षा गरेका छन् । सिँचाइको सुविधा नपुगेको ठाउँमा कृषकहरु आकाशको पानीमा भरपर्नु पर्दछ । त्यसो भएकाले कृषकहरुले यसलाई वरदानको रुपमा लिने गर्दछन् ।

हाम्रो देशमा मनसुन वरदान मात्र होइन, अभिशाप पनि हुन्छ । मनसुनले यसपटक औसतभन्दा धेरै पानी पार्ने विशेषज्ञहरुले बताएका छन् । हाम्रो देशमा धेरै वर्षा हुनुको मतलब धेरै बाढी पहिरो आउनु हो । धेरै भूक्षय हुनु हो । धेरै धनजनको नोक्सान गर्नु हो । विगतले हामीलाई यही सिकाएको छ । गतवर्ष पूर्वदेखि पश्चिमसम्म धेरै ठाउँमा बाढी आयो, पहिरो गयो, धेरै धनजनको क्षति ग¥यो करिब १ सय ५० जना जतिको बाढी पहिरो खोला नालाले बगाए भने त्यत्ति नै संख्यामा मानिस बेपत्ता भए । धनजनको ठूलो क्षति भयो । त्यसबेलाका बाढी पहिरो पीडितहरुको राम्ररी उद्धार भएको छैन, मनसुन सुरु भयो । खोलानाला पीडितहरु अधिकांश सुकुमवासी भएर जीवनयापन गरिरहेका छन् । केही जंगलमा पाल राखेर अत्यन्त कठोर जीवन बिताइरहेका छन् । त्यस्ताहरुको संख्या प्रत्येक वर्ष बढ्दै गएको छ । सरकारले समयमा नै दृष्टि पु¥याउन नसक्दा नागरिकले कस्तो जीवनयापन गर्नुपर्दो रहेछ भन्ने उदाहरण तिनीहरु भएका छन् ।

सरकारले विगतका घटनाबाट पाठ सिक्नुपर्दछ र बाढी पहिरो पीडितहरुको छिटो उद्धार गर्नुपर्दछ । यस पटक मनसुनको सुरुआतमा नै पृथ्वी राजमार्गको आँबुखैरेनी खण्डमा जमिन भासिएर धनजनको क्षति गरेको अवस्था छ । त्यसले हामीलाई पूर्व संकेत गरेको छ कि यस पटकको मनसुनले धेरै बर्बादी ल्याउन सक्छ । सरकारको सम्बन्धित मन्त्रालय र कार्यालयहरु, रेडक्रसलगायतका परोपकारी संस्थाहरु राहत सामग्रीका साथ तयारी अवस्थामा रहनुपर्दछ । कहि पनि कुनै पनि बेला प्राकृतिक प्रकोपका घटना हुन सक्छन् । उद्धार टोलीहरुको यस्तो अवस्थामा ठूलो महत्व हुन्छ । त्यसको साथै, यस पटक भरोसालाग्दो के पनि छ भने स्थानीय तहको नवनिर्वाचित पदाधिकारीहरु वास्तवमा आफूले के काम देखाऊँ र कसरी काम गरौं भनेर उत्साहित भएको बेला मनसुन सुरु भएको छ । तिनीहरुको उत्सुकता र तत्परताले धेरै काम गर्न सक्दछ । यो अवस्थालाई तिनीहरुको परीक्षाको घडी पनि मान्न सकिन्छ । तर यो उनीहरुको मात्र काम होइन, सबैको समझदारी र सहयोगात्मक भावनाले यस पटक हामीले बाढी पहिरो पीडितको उद्धारको काम गर्नुपर्नेमा हामी जोड दिन चाहन्छौं ।

Related News

सम्बन्धित समाचार

  • बजेट अविलम्ब छलफलमा लैजाऊ

    सम्पादक असार १७, २०७९
    गण्डकी प्रदेश सरकारका अर्थमन्त्री रामजीप्रसाद बराल ‘जीवन’ले प्रदेशसभामा पेश गरेको आगामी आर्थिक वर्ष २०७९/०८० को बजेट सम्बन्धमा सरकारका मन्त्रीहरुबीच विवाद…
  • अग्नि परीक्षामा वामदेव

    सम्पादक असार १६, २०७९
    देशका स्वार्थी पदलोलुप र एक अर्कासँग लामो समय मिलेर काम गर्न नसक्ने नेताहरुले गर्दा राजनीतिमा स्थिरता आउन नसकी देशको बिग्रदो…
  • बंगलादेशको राष्ट्रिय महत्वको पद्मा पुल

    सम्पादक असार १५, २०७९
    बंगलादेशले आफ्नो देशको राष्ट्रिय महत्वको ६ किलो मिटर पद्मा नदीको पुल आफ्नै स्रोत, साधन र प्राविधिकहरुद्वारा निर्माण गरेपछि त्यो पुल…
  • बजेटमाथिको छलफल सुरु गर

    सम्पादक असार १३, २०७९
    संवैधानिक प्रावधानअनुसार गण्डकी प्रदेश सरकारले असार १ मा बजेट ल्यायो । अर्थमन्त्री रामजीप्रसाद बराल जीवनले झण्डै ३६ अर्बको बजेट प्रस्तुत…
  • स्वदेशी शिक्षालाई प्रोत्साहन गर्ने भेला

    सम्पादक असार १२, २०७९
    स्वदेशी शिक्षालाई प्रोत्साहन गर्न एडुफेयर भन्ने ब्यानरले धेरैको मनलाई आकर्षित गरेको छ । त्यसरी आकर्षित हुनेहरु काठमाडौं भृकुटीमण्डपमा सञ्चालित शैक्षिक…

hero news full width