देशभर राजनीतिक पार्टीहरुको आन्तरिक चुनाव भइरहेका छन् । अधिकांश पार्टीहरुले आफ्नो आन्तरिक तहको चुनाव सम्पन्न गरी सकेका छन् । चुनावका अनेक थरीका समाचारहरु आइरहेका छन् । एमालेले चुनाव प्यानल गरेर लड्न नपाइने निर्देशन जारी गरेको छ । त्यसको साथै त्यसले चुनाव सहमतिको आधारमा सम्पन्न गर्ने प्रयास गर्दै आएको छ । तल्लो तहहरुमा त्यो प्रयास सफल पनि भएको छ । तर केन्द्रीय तहको चुनावमा उपाध्यक्ष भीम रावलले अध्यक्ष पदको प्रत्याशी बन्ने घोषणा गरेपछि स्थितिले कोल्टे फेरेको छ । अध्यक्ष केपी ओलीलाई आगामी अवधिका लागि सर्वसम्मत अध्यक्ष बनाउने सपना चक्नाचूर भएको छ । त्यसैगरी राष्ट्रिय प्रजातन्त्र पार्टीका शीर्ष तीन नेतामध्ये एक अध्यक्ष हुने सपनालाई पनि राजेन्द्रप्रसाद लिंदेलले अध्यक्षको उम्मेदवार हुने घोषणाले ठूलो चुनौती खडा गरेको छ । ती सबैभन्दा फरक र भिन्न अवस्था नेपाली कांग्रेसको छ ।
नेपाली कांग्रेसको सुरुमा नै क्रियाशील सदस्यको विवाद चक्र्याे । त्यो विवाद यत्ति चक्र्याे कि त्यसका केही नेता र कार्यकर्ताहरु केन्द्रीय कार्यालय गएर अनसन नै बस्नु पर्यो । हप्तौंसम्म भएको त्यो अनसनले राम्रो सन्देश दिएन । तैपनि शीर्ष नेताहरुले त्यसलाई सुरुमा मिलाउने प्रयास गरेनन् । त्यो अनसनले पार्टीभित्रको प्यानल कति गहिरोसँग गएको रहेछ र त्यसले खराब परिणाम दिन सक्छ भन्ने कुरा नेताहरुले सोचेनन् । गुटबन्दीको भावना बढ्दै गर्यो । गुट पनि प्रधानमन्त्री शेरबहादुर देउवा र वरिष्ठ नेताहरुको मात्र होइन, अरु नेताहरुको पनि गुट बन्यो । जिल्लामा हेरियो भने जिल्लाहरुमा पनि स्थानीय गुटहरुको निर्माण भयो । गुटहरु कसैलाई जिताउनलाई बनाइन्छ । त्यो बुझ्न सकिने कुरा हो तर अहिले त जिताउनमात्र होइन, कसैलाई हराउन पनि निर्माण गरियो । निषेधको राजनीति चर्केर गर्यो ।
गुट खडा गर्नु र गुटको कुरा गर्नु साधारण भयो । जसले गुट खडा गर्यो, उही बलियो भयो । गुटमा नबस्नेहरु निर्धा निमुखाजस्तै भए र उनीहरुले चुनाव पनि हारे । यो नराम्रो प्रवृत्ति हो । त्यसलाई नराम्रोभन्दा भन्दै सबै त्यही नराम्रो गर्नेतिर गए । सबैले त्यस्तो अभ्यास गरेपछि त्यो शाश्वतजस्तै भयो । कांग्रेसमा गुट भन्ने कुरा साधारण भयो । गुट पनि एउटा होइन, दुइटा होइन, कति गुट छ भन्ने कुरा अध्ययनकै विषय भयो । गुटले यस्तो वैमस्यता ल्याएको छ कि तिनीहरु एउटै पार्टीको भन्न नै नसुहाउने जस्तै भएका छन् । त्यसै भएर हो ती गुटहरुका बीच हानाहान, कुटाकुट भएका छन् । प्यूठान जिल्लामा जिल्ला अधिवेशन र रुपन्देहीमा महाधिवेशन प्रतिनिधि चयनका क्रममा कांग्रेसका कार्यकर्ताहरुबीच मतगणना स्थलमा कुटाकुट नै भएको छ । त्यस्तै रुपन्देहीमा पनि भएको छ । स्थिति नियन्त्रणमा लिन प्रहरीले अश्रुग्यास प्रहार गर्नुपर्ने अवस्था आउनु दुखको कुरा हो । आपसी आन्तरिक चुनावमा यस्तो हुन्छ भने भोलि अरु पार्टीहरुसँग चुनाव लड्नुप¥यो भने तिनीहरु कसरी मिल्लान्, त्यो ठूलो प्रश्न बनेर आएको छ । यस्तोमा नेताहरुले छिटो हस्तक्षेप गरेर मिलाउन सक्नुपर्दछ । गुटबन्दी पराकाष्ठमा पुगेको बेलामा पनि टुलुटुलु हेरि राख्नु त्यसलाई प्रोत्साहन गर्नु हो । नेता र कार्यकर्ताहरुले त्यस्तो अवस्थालाई पनि गम्भीर किसिमले लिएनन् भने त्यसको परिणाम कदापि सुखद हुनेछैन ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१