देशको आर्थिक स्थिति खस्कदै गएकोमा बराबर प्रश्न उठ्ने गरेको छ । हामीले आर्थिक स्थिति सुधार्न उत्पादन बढाएर निर्यात गर्न सकेको भए परिणाम हाम्रो पक्षमा आउने थियो तर स्थिति त्यस्तो छैन । त्यसविपरीत आयात परिमाण भने प्रत्येक महिना बढ्दै गएको छ । आयात बढेकोले हाम्रो विदेशी मुद्राको संचिती घट्दै गएको छ । पेट्रोलियम पदार्थको मूल्यवृद्धिले जनजीवन कष्टकर बनाउँदै छ । यातायातको साधनको मूल्यवृद्धि भएको छ । दैनिक खाद्य पदार्थ उपभोग्य सामग्रीदेखि विलासिताका सामानको पनि मूल्यवृद्धि भएको छ । बढ्दो महँगीले चुल्होमा आगो बाल्न समेत कठिनाइ भएको छ । यो स्थितिले नेपालको अवस्था पनि श्रीलंकाको जस्तो हुने होकि भन्ने आशंका उत्पन्न गरेको छ ।
सरकार आफ्नो कमजोरी देखाउन चाहँदैन । सरकारकै कारण अवस्था बिग्रेको हो । अर्थमन्त्री जनार्दन शर्माले सुधारको नाममा केही गर्न सकेका छैनन् । उनले अर्थ मन्त्रालयमा जे–जस्ता बिचौलिया राखेका छन्, त्यसबाट आर्थिक स्थिति सुधार हुने अवस्था छैन । उनी बिचौलियाबाट घेरेर बसेकाले उनका महत्वपूर्ण निर्णय एकपछि अर्को विवादास्पद भएको छ । राष्ट्र बैंकका गभर्नर महाप्रसाद अधिकारीलाई उनले कारबाही गर्ने जुन प्रयास गरे, त्यो विफल भयो । उनले गरेको निलम्बन कारबाहीलाई सर्वोच्च अदालतले अमान्य घोषणा गरी गभर्नरलाई काममा फर्कने अवसर दिए । त्यही बेला उनले राजीनामा दिनु पर्ने थियो । आफ्नो नैतिकता देखाउनु पर्ने थियो तर त्यसो गरेनन् । त्यसपछि पनि उनीमाथि संगीन आरोप लागेको छ । तर त्यसमा पनि प्रधानमन्त्री शेरबहादुर देउवाले केही गरेनन् । न त माओवादी केन्द्रका अध्यक्ष पुष्पकमल दाहालले नै त्यस सम्बन्धमा केही भने ।
राष्ट्र बैंकका गभर्नरले फेरि पनि ६ महिनामा पनि हामीले स्थिति सुधार्न नसके हाम्रो अवस्था श्रीलंकाको जस्तो हुने भन्दै खबरदारी गरेका छन् । राष्ट्र बैंकले विलासिताका सामान आयात नगर्न विभिन्न कदम चालेको छ तर यस पटक त्यसले चाहेका कदम त्यत्ति प्रभावकारी नभएको आर्थिक विशेषज्ञको विचार छ । सरकारले यो खराब स्थितिको उपचारका लागि तत्काल केही कदम चाल्नु आवश्यक छ । यस्तो काममा अर्थमन्त्री र गभर्नरले गहन र गम्भीर विचार विमर्श गरी देशको बिगँ्रदो आर्थिक स्थितिलाई सुधारका कदम चाल्नुपर्नेमा तिनीहरु संवादहीनताको अवस्थामा रही रहनु दुर्भाग्य हो । प्रधानमन्त्री देउवाले समन्वयको भूमिका खेली सुधारका कदम अविलम्ब चाल्न लगाउनु पर्दछ । यस विषयमा प्रधानमन्त्री देउवा अझै चुप लागेर बसे भने स्थिति अरु नाजुक हुनेछ । हामी सम्बद्ध सबैको ध्यान विषयवस्तुको गम्भीरतातिर ध्यान आकर्षित गर्दछौं ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
स्वदेश फर्किए कतारी अमिर
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१