आफ्नो डाक्टर आफै

सम्पादक
वैशाख २४, २०७८

लाग्थ्यो रेडियो, टिभीमा बारम्बार बजिरहने सूचनाको औचित्य के होला ? सुनेपछि मनमनै भनिन्थ्यो जाबो हात धुन पनि यसले भन्नुपर्ने मेरो हात म धुन्न ल कसलाई के हुन्छ ? हुने रैछ आफैलाई असर गर्ने रहेछ । यही हात शरीरका महत्वपूर्ण अंगमध्ये १ हो । अनि यही हात तपाईं हामीलाई लाग्ने रोगको प्रमुख कारक पनि हो । थाहा भएको र पाएको धेरै पहिला हो तर अहिले आएर हो भन्ने भएको छ । त्यसैले त केही सचेतता बढेको छ । अहिले विश्वभर फैलिएको कोरोनाले तपाईं हामीलाई प्रभाव त पारेकै छ । भन्नलाई मानव स्वास्थ्यमा भनिए पनि यसले असर नपारेको क्षेत्र नै रहेन अब । कोरोनाविरुद्धको खोप आइसकेको छ । कतिले त लगाइ पनि सकेका छन् । खोपले यो महामारी नियन्त्रण गर्नेमा वैज्ञानिकहरु पनि ढुक्क छैनन् । त्यसो त मास्कले नै हमीलाई कति सुरक्षित बनाएको छ भन्नेबारेमा कुनै वैधानिक आँकडा छैन । मास्क लगाएपछि भाइरस नाकमुखमा छिर्न पाउँदैन भन्ने विश्वास छ । त्यही विश्वासले हामीले मास्क प्रयोग गर्दै आएका छौं । सेनिटाइजरको पनि अवस्था त्यही हो ।

कोरोनाविरुद्धको खोप र स्वास्थ्य सामग्री ल्याउने प्रक्रियाकै क्रममा अनियमितता भएका खबर अब हाम्रा लागि नयाँ रहेनन् । कात्रोमा समेत कमिसन खान पल्केका सरकारी र निजी क्षेत्रका जिम्मेबार अधिकारीहरुबाट हामीले धेरै आशा पनि गर्नुपर्ने अवस्था छैन । सरकारले अहिलेसम्म जति गरेको छ त्यो नै धेरै हो भनेर बस्नुको विकल्प छैन । किनभने सरकारलाई जनताको भन्दा पनि सत्ताकै पीर छ । जनता चाहिने अहिले होइन चुनावका बेलामा मात्र हो । चुनावका बेलामा त कुनै न कुनै तरिकाले प्रभावमा पार्न सकिन्छ नि भन्नेमा सरकार र दलहरु विश्वस्त छन् । खोप ल्याउने कुरामा सरकारले भन्छ हामी त सम्वेदनशील नै थियौं नि निजी क्षेत्रले गर्छु भनेकाले छाडेको हो । आखिर कमिसनका मामलामा सरकारभन्दा धेरै कदम अगाडि देखियो निजी क्षेत्र पनि । सरकारी अस्पतालमा भरपर्दो सुविधा नपाइने अनि निजी अस्पतालले मौका यही भनेर ढाडै सेक्ने गरेको पनि हाम्रै मुलुकमा हो ।

दोष जसलाई जति लगाए पनि महामारीले भयंकर रुप लिइसकेको छ । यसबाट बच्ने उपाय गाली गलोज पक्कै होइन । त्यसैले आफै सचेत हुनु एकमात्र उपाय हो । नियमित हात धुने, भीडभाडमा नजाने, खानपानमा ख्याल गर्नाले हामी यसबाट जोगिन सक्छौं । फेरि दोहो¥याउँदा जाती हुन्छ कि आफ्नो हातलाई सबैभन्दा बढी अनुशासनमा राखौं । हात न हो जस्तो ठाउँमा पनि पुग्छ, जस्तो चिज पनि छुन्छ त्यसैले बारम्बार नाक कोट्याउने, आँखा मिच्ने जस्ता बानीमा सुधार ल्याउँदा पनि कोरोनाबाट बच्न सकिन्छ । त्यसैले आफ्नो डाक्टर आफैं हो, सचेत बनौं ।

Related News

सम्बन्धित समाचार

  • आन्दोलनलाई उत्तेजक नबनाऊ

    सम्पादक पौष २३, २०८०
    काठमाडौंको बालकुमारीमा भएको आन्दोलनका क्रममा अछामका वीरेन्द्र शाह र दैलेखका सुजन रावतको प्रहरीको गोली लागेर ज्यान गयो । घटनाको समाचार…
  • नेपालको बिजुली भारतले किन्ने सम्झौता

    सम्पादक पौष २२, २०८०
    नेपाल–भारत संयुक्त आयोगको सातौं बैठक काठमाडौंमा सम्पन्न भयो । बैठकमा नेपालको तर्फबाट प्रतिनिधि मण्डलको नेतृत्व परराष्ट्रमन्त्री एनपी साउद र भारतीय…
  • अग्रज पत्रकार पोखरेलको निधन

    सम्पादक पौष २०, २०८०
    पुराना पुस्ताका अग्रज पत्रकार गोकुलप्रसाद पोखरेलको सोमबार काठमाडौंको त्रिभुवन विश्वविद्यालय शिक्षण अस्पतालमा उपचारका क्रममा निधन भयो । उनी लामो समयदेखि…
  • प्रमको सम्बोधनः कामभन्दा आश्वासन धेरै

    सम्पादक पौष १२, २०८०
    प्रधानमन्त्री पुष्पकमल दाहालले आफूले सरकारको नेतृत्व सम्हालेको एक वर्ष पूरा भएको अवसरमा मंगलबार राष्ट्रका नाममा सम्बोधन गरेर सरकारको काम कुराको…
  • त्रिविमा राजनीतिक भागबण्डा अन्त्य गर्ने उद्घोष

    सम्पादक पौष ४, २०८०
    विश्वविद्यालयले प्रत्येक वर्ष दीक्षान्त समारोहको आयोजना गरेर आफ्ना विद्यार्थीहरूलाई दीक्षित गर्ने गर्दछ । त्यस्तै समारोह त्रिभुवन विश्वविद्यालयले पनि गर्दै आएको…

hero news full width