१. दशै लाग्न अब केही दिन मात्र बाँकी छ । कार्तिक १ गते घटस्थापनादेखि दशै सुरु हुन्छ । कार्तिक १० गते दशमी अर्थात टीका छ । पूर्णिमा सम्मै १५ दिन मनाइने यो चाड सवैभन्दा ठूलो भएकोले पनि बडादशैं भन्ने गरिएको हो ।

२. अहिले स्थितिमा धेरै मानिसलाई एक छाक जुटाउन पनि मुस्किल छ । पन्ध्र दिनको चाड झन् कसरी मनाउनु । हुने खानेको छुट्टै कुरा हो । सर्वसाधारणलाई सधैँ गार्‍हो छ । यसपालि त झन् कोरोनाले चौपट पा¥यो । उद्योग धन्दा बन्द भए । धेरैको रोजगारी नै खोसियो । यसले गर्दा धेरेको मीठो मसिनो खाने, राम्रा कपडा गाउने भन्ने सपना पनि खोसिएको छ ।

३. तर पनि धेरै पहिलेदेखि मान्दै आएको चाड नमानीकन को बस्न सक्छ र ? तर चाड भनेर पनि भएन । घाँटी हेरी हाड निल्नु अवस्था हेरी काम गर्नु भन्छन् । अहिलेको अवस्था नै कमजोर छ त यसलाई त्यही रुपमा मनाउनु पर्छ । एकदिन मात्र खाएर र एकदिन मात्र लाएर हुने भए किन दुःख गर्नुपथ्र्यो र ? भएको वेला गरौँला पनि तर अहिले त्यो अवस्था छैन । भन्नुको अर्थ यही दशैँ दशा नबनोस् ।

४. अहिले हामीलाई ठूलो चुनौती छ, कोरोना महामारीबाट आफू पनि बच्ने र अरुलाई पनि बचाउने । हामीले मुखमा मास्क लगाउने, नियमित हात धुने सेनिटाइजर लगाउने एक मान्छे र अर्काे मान्छे बीच कम्तीमा ३/४ मिटरको दूरी राख्ने, कोरोना लागेको शंका लागे तुरुन्तै स्वास्थ्य जाँच गराईहाल्ने गर्नुपर्दछ । भीडभाडमा नजाने कम्तिमा यतिमात्र गर्न सकियो भने पनि कोरोनाबाट बँच्न सकिएला । नत्र कसरी दशैं मनाइएला र ?

५. कोरोनाबाट बच्न अपनाउनु पर्ने मापदण्डको कुरा गर्दा यसपालि सबै भेला भएर दशै मनाउन पाइने अवस्था छैन । आफ्नै घरमा मात्र टीका, आफ्नै घरमा पिङ, आफ्नै घर वरपरको सरसफाई मै दशै सिमित बनाउुपर्छ । महामारीबाट बँच्न सकियो भने त भेटघाट रमाइलो त्यसपछि पो गरौला । कसेको दुःख मान्नु पनि हुदैन । हाम्रो भनाई यक्ति हो दशैँ दशा नबनोस् ।