प्रजातन्त्रका सेनानी कामी रहेनन्

Avatar सम्पादक
मंसिर १२, २०७७

१. प्रजातन्त्रका सेनानी लमजुङ निवासी दलबहादुर कामीको मंगलबार आफ्नै निवास भोर्लेटारमा मंगलबार निधन भयो । उनी ८४ वर्षका थिए । उनको पाथिव शरीरमा प्रदेश सांसदद दोवाटे विश्वकर्मा, काँग्रेस जिल्ला सभापति भेषबहादुर पौडेल लगायतले नेपाली काँग्रेसको झण्डा ओडाएका थिए ।

२. उनको नाम दलबहादुर कामी भएता पनि घोइरो कामीको नामबाट चिनिन्थिे । २००६ सालमा उनी १४ वर्षको हुँदा नेपाली काँग्रेसले आन्दोलनको घोषणा गरेपछि उनी काँग्रेसको झण्डा लिएर एक सुरले राणा शासन मुर्दावाद भन्दै गाउँ गाउँ घुमेका थिए । त्यसरी एकोहोरो रुपमा लागेकाले उनीलाई घोइरो कामी भनेर बोलाउन थालिएको थियो ।

३. त्यसवेला राणा शासनको विरोधमा खुल्लम खुल्ला निस्किने मानिसको संख्या अभाव थियो । जान्ने सुन्नेहरु भित्रभित्रै संगठन गर्दथे, अरुलाई उत्साही गर्दथे तर आफू निस्किदैनथे । त्यस्तो अवस्थामा उनले काँग्रेसको झण्डा बोकेर गाउँगाउँ गएका थिए ।

४. उनले पञ्चायतको पनि त्यसै गरी विरोध गरेका थिए । एकजना दलित परिवारमा जन्मेर पनि उनमा राजनीतिक चेत थियो । नागरिकहरु अधिकारको लड्नु पर्दछ भन्थे । काठमाडौं पुगेरपनि उनले जुलुसहरुमा भाग िलिने गरेका थिए । एकताका काँग्रेसका नेताहरु विपी कोइराला, गणेशमान सिंह, कृष्णप्रसाद भट्टराईको नजिक पुगेका थिए । नेताहरुले उनको कदमको प्रशंशा गर्दथे ।

५. उनी पनि नेताहरुको नाम सुन्नासाथ उत्साही हुन्थे । उनले नेताहरुको सम्बन्धमा अनेक कथा सुनाउथे । नेताहरुको त्याग, तपस्याको खुव प्रसंशा गर्दथे । बृद्धि उमेरमा पन िउनी काँग्रेसका सच्चा कार्यकार्ता रहेका थिए । काँग्रेसले लमजुङमा १५ जना नेताहरुलाई प्रजातन्त्र सेनानी घोषणा गरेकामा ती १५ मध्ये उनी पनि एक थिए । पार्टीले उनलाई सम्मानको दृष्टिले हेर्दथ्यो ।

६. पार्टीले उनको योगदानको कदर गरेर नवलपरासीमा तीनकठ्ठा जग्गा दिएको थियो । पछि त्यो जग्गा बेचेर उनी आफन नातिका साथ भोर्लेटारमा बसाई सरेका थिए । उनी विपी स्मृति ट्रष्टद्वार २०७२ मा सम्मानित भएका थिए । लमजुङको जिल्ला समितिले पनि ६ वर्ष पहिले सम्मान गरेको थियो । त्यस वेला उनलाई काग्रेसको खम्बा भनेर सम्बोधन गरिएको थियो ।

७. घोइरो कामी निडर र निर्भीक थिए । अन्याय अत्याचार सहन सक्दैनथे । इमान्दारिता थियो । कृष्णप्रसाद भट्टराइले आफूले लगाइरहेको कोट दिएर सम्मान गरेका थिए । कोटको गोजीमा भएको नाट भने उनले फर्काएका थिए । उनी पेशाले सिकर्मी थिए । सिकर्मी भएरै उनले दैनिक जीवन गुजारेका थिए ।

Related News

सम्बन्धित समाचार

    • योग्य व्यक्तिको अवसान

      Avatar सम्पादक फागुन १६, २०७७
      नेपालका पहिलो चार्टर्ड एकाउन्टेन्ट (सिए) का रुपमा ख्याति कमाएका कुवेर शर्माको ८१ वर्षको उमेरमा हृदयघात भई काठमाडौंमा निधन भयो ।…
    • प्रधानमन्त्रीको आपत्तिजनक अभिव्यक्ति

      Avatar सम्पादक फागुन १०, २०७७
      राजनीतिक पार्टीका नेताहरुले एकआपसमा आलोचना गर्ने गरेको धेरै भयो । तिनीहरुले त्यसरी आलोचना गर्दागर्दै एकले अर्काेलाई व्यक्तिगत लाञ्छना पनि लगाए…
    • नागरिक आन्दोलनको घोषणापत्र

      Avatar सम्पादक फागुन ९, २०७७
      काठमाण्डौमा चलिरहेको बृहत् नागरिक आन्दोलनले प्रधानमन्त्री के.पी शर्मा ओलीमा सर्वसत्तावादी चिन्तन र व्यवहार हावी भएको ठहर गर्दै प्रजातान्त्रका दिन घोषणापत्र…
    • सम्भावनाका ढोका खोलेको दिन

      Avatar सम्पादक फागुन ७, २०७७
      आज प्रजातन्त्र दिवस । २००७ साल फागुन ७ अर्थात आजकै दिन नेपालमा एकतन्त्रीय राणा शासनको अन्त्य भएको दिन हो ।…
    • पर्यटकीय गन्तव्यको छनोट

      Avatar सम्पादक फागुन २, २०७७
      सरकारले पर्यटन प्रवद्र्धनका लागि नयाँ पर्यटकीय गन्तव्य पहिचान गरेर तिनीहरुको विकास र बिस्तार गरी पर्यटकलाई गाउँ–गाउँसम्म पुर्‍याउने लक्ष्य राखेको छ…

    hero news full width