दोस्रो लहरको कोरोनाको प्रभाव अहिले आएर केही कम भएको छ । वैशाख दोस्रो साताबाट सुरु भएको निषेधाज्ञालाई अहिले मुलुकभर खुकुलो पारिएको छ । सरकारी कार्यालयदेखि यातायातका साधन चल्ने र खुल्ने क्रम बढेको छ । जसका कारण खतरा पनि बढेको छ । त्यसो त पोहोरको लकडाउनमा जस्तो यो वर्ष त्यतिधेरै कडा गरिएन । बजारमा चहलपहल केही न केही रुपमा भइ नै रह्यो । त्यसैले त यसपालि आर्थिक क्रियाकलाप थोरै नै भए पनि भयो । तर पर्यटन, यातायात लगायतका क्षेत्र भन निकै प्रभावित भए । पोहोरको लकडाउनले आर्थिक क्षेत्र थला नै परेको भएर होला सरकार यसपालि केही लचक भएको । जनजीवन ठप्प हुँदा उद्योग कलकारखाना र अन्य क्षेत्र बन्द थिए पोहोर । जसका कारण धेरैले जागिर गुमाए । कति त व्यवसायबाट पलायन नै भए । व्यवसायीहरुले आत्महत्या गर्नुपर्नेसम्मको अवस्था आएको थियो ।
मुलुकभरजस्तै गण्डकी प्रदेशमा पनि कोरोना संक्रमण दर कम भएको छ । पोहोरदेखि अहिलेसम्म प्रदेशमा कोरोनाबाट ९ सय २३ जनाले ज्यान गुमाएका छन् । मन्त्रालयले दिएको पछिल्लो २४ घन्टाको विवरण अनुसार देशभर गरी थप ३० जनाको मृत्यु भएको छ । योसँगै नेपालमा कोरोनाबाट मृत्यु हुनेको संख्या ८ हजार ९ सय ७५ पुगेको छ । यसैगरी प्रदेशमा कोरोना जित्नेको संख्या ५० हजार ६ सय ७ पुगेको छ । गण्डकी प्रदेशमा कोरोना संक्रमितको कुल संख्या ५४ हजार २ सय ७३ पुगेको छ । कुल संक्रमितका आधारमा निको हुनेको दर ९१ दशमलव ९ प्रतिशत छ । नेपालमा पिसिआर परीक्षणमा कोरोना देखिनेको संख्या ६ लाख ३२ हजार ३ सय २६ पुगेको छ । संक्रिय संक्रमितको संख्या ४२ हजार २४ छ भने क्वारेन्टाइनमा ३ सय ६१ जना छन् । हालसम्म पिसिआर परीक्षण ३३ लाख १७ हजार ३९ भइसकेको मन्त्रालयको तथ्यांकमा उल्लेख छ ।
अहिले संक्रमणदर कम देखिएको भए पनि खतरा भने कायमै रहेको विज्ञहरुले बताएका छन् । अहिले त नेपालमै पनि तेस्रो भेरियन्ट देखा परिसकेको छ । जुन भेरियन्ट पहिलो र दोस्रोभन्दा निकै खतरा छ । तेस्रो भेरियन्टबाट बालबालिकालाई बढी खतरा हुने विज्ञहरुको आकलन छ । पहिलोभन्दा दोस्रो भेरियन्ट खतरा थियो । जसका कारण विश्वभर धेरैले ज्यान गुमाए । त्यसो त संक्रमणको खतरा बढ्दै जाँदा खोपको प्रभावकारिता पनि बढेको छ । विश्वका धनीमानी देशहरुले आफ्ना धेरैजसो नागरिकहरुलाई खोप लगाइसकेका छन् । हाम्रो देशमा पनि ३ चरणसम्मको खोप अभियान सञ्चालन भइसकेको छ । तर खोपको मात्रा माग अनुसार प्राप्त हुन सकेको छैन । तर पनि कोरोनाबाट बच्नका लागि खोप अपरिहार्य छ भन्ने प्रमाणित भइसकेको छ । तर अन्य सावधानी भने अपनाउनु नै पर्छ । अहिले मुलुकभर चहलपहल बढ्दा लाग्छ अब फेरि अर्कोपटक कोरोना आउँदैन, अब पूरै साम्य भइसक्यो । तर त्यस्तो होइन । कोरोनाको खतरा कायमै छ । भौतिक दूरीलगायत स्वास्थ्य सचेतना अपनाउन चुक्नुहुँदैन ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
हेमराज पहारी स्मृति पुरस्कारबाट सरुभक्त पुरस्कृत
वैशाख ७, २०८१गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१