सरकारको नेतृत्व गर्न कांग्रेस तयार

Avatar सम्पादक
चैत्र २३, २०७७

नेपाली कांग्रेसले प्रधानमन्त्री केपी शर्मा ओलीको राजीनामा माग्ने र आफ्नै नेतृत्वमा सरकार गठन गर्ने निर्णय गरे लगत्तै देशको राजनीतिले अर्को मोड लिएको छ । कांग्रेसले यो निर्णय लिए लगत्तै गठबन्धन सरकार गठन गर्न मार्गप्रशस्त भएको ठानिएको छ । साथै नेताहरुले दौडधुप पनि सुरु गरेका छन् । यो निर्णय लिन काँग्रेसमाथि ठूलो दबाब परेको थियो ।

कांग्रेस सभापति शेरबहादुर देउवा यस पटक प्रधानमन्त्री हुन कत्ति पनि आत्तिएको देखिएन । उनले धैर्यधारण गरेर स्थितिको मूल्यांकन गरिरहेका थिए । उनले पार्टीले यस्तो निर्णय लिन स्थिति परिपक्व भइनसकेको टिप्पणी गर्दै धैर्यधारण गरिरहेका थिए । उनले एकातिर माओवादी केन्द्रले सरकारलाई दिइरहेको समर्थन फिर्ता गरिनुपर्ने जिकिर गरिरहेका थिए भने अर्काेतर्फ जनता समाजवादी पार्टीको लाइन प्रष्ट हुनुपर्ने भनाइ राखेका थिए । जनता समाजवादी पार्टीको एक पक्ष आफ्नो माग पूरा गर्न सरकारसँग वार्ता गरिरहेको सर्वविदित छ । जसपाको त्यो पक्ष जसले आफ्नो माग पूरा गर्दछ, आफूहरु उतै लाग्ने भन्दै आएका छन् । तिनीहरुले विगतमा गठित धेरै सरकारसँग आफ्नो माग राखेका थिए तर कसैले पनि त्यसको सुनुवाइ गरिदिएन भन्ने तिनीहरुको गुनासो छ । यो सरकारले पनि ती माग पूरा गरेन भने देउवाका लागि पनिे भोलि त्या ठूलो चुनौतीको विषय हुनेछ ।

राजनीतिले नयाँ मोड लिएकाले सरकारका विरोधमा रहेकाहरुमा उत्साहको सञ्चार हुनेछ । तिनीहरु अब के कसो गरेर अघि बढ्ने भन्ने सम्बन्धमा विचार विमर्शमा व्यक्त रहने छन् । विचार विमर्श सुरुआत भइसकेको छ । तर पनि स्थिति त्यति सजिलो र सरल छैन । एक त जनता समाजवादी पार्टीका नेता यस सम्बन्धमा एकै विचारका हुन्छन् कि हुँदैनन्, त्यसमा अझै सन्देह छ । तिनीहरुको सहयोग विना वैकल्पिक सरकार बन्न सक्दैन । यो कुरा संसदको अंकगणितले देखाएको छ । त्यसमा पनि माधव नेपाल पक्ष के कसरी प्रस्तुत हुन्छ भन्ने पनि प्रष्ट छैन । यो परिवर्तनमा माओवादी केन्द्रका अध्यक्ष पुष्पकमल दाहाल सबैभन्दा बढी उत्साही भएको हुनुपर्दछ । उनको क्रियाकलापमा शनिवारदेखि नै गति थपिएको छ । सक्रियता बढेको छ । त्यो जे भए पनि कांग्रेसले अन्यौलग्रस्त देशको राजनीतिलाई निकास दिने काम गरेको छ । यो स्वागतयोग्य छ । तर अब ढिलो हुँदैन । रात गए अग्राख पलाउँछ ।

Related News

सम्बन्धित समाचार

    • मुलुक डुबाउने खेल रोक

      Avatar सम्पादक चैत्र ३०, २०७७
      नागरिकका अधिकार स्थापित गराउने भनेर ल्याइएको संघीयतामाथि कालो बादल मडारिएको छ । नागरिकमा निराशा छाएको छ । राजनीति दलका नेताहरु…
    • वैकल्पिक सरकारका प्रस्ताव

      Avatar सम्पादक चैत्र २९, २०७७
      वैकल्पिक सरकार गठन गरी प्रधानमन्त्री केपी ओलीको सरकारलाई विस्थापित गर्नुपर्दछ भनी लामो समयदेखि कराए तापनि त्यसबारे औपचारिक वार्ता भएको थिएन…
    • देउवा र प्रचण्डको भेटघाट

      Avatar सम्पादक चैत्र १९, २०७७
      प्रधानमन्त्री केपी शर्मा ओलीलाई प्रतिगामी भनेर सबैभन्दा बढी र चर्को गरी आलोचना गर्ने माओवादी केन्द्रका अध्यक्ष पुष्पकमल दाहाल प्रचण्ड र…
    • राजनीतिमा विश्वासको संकट

      Avatar सम्पादक चैत्र ९, २०७७
      केही महिनादेखि प्रधानमन्त्री केपी ओलीको चौतर्फी विरोध भइरहेको छ । प्रतिनिधिसभा ब्यूतिएपछि नैतिकताको हिसाबले पनि प्रधानमन्त्रीले राजीनामा गर्नुपर्दछ भन्नेहरुको संख्या…
    • अग्रज पत्रकारको अवसान

      Avatar सम्पादक चैत्र ८, २०७७
      नेपालका अग्रज पत्रकार तथा वरिष्ठ वामपन्थी बुद्धिजीवी मणिलाल श्रेष्ठको २०७७ चैत ३ गते मंगलबारका दिन काठमाडौंको गंगालाल अस्पतालमा ८९ वर्षको…

    hero news full width

    sanil ads

    wordlink ads