धेरै अपेक्षा गरिएको चुनाव

सम्पादक
वैशाख ११, २०७९

स्थानीय तह नगरपालिका र गाउँ पालिकाहरुको निर्वाचन प्रक्रिया प्रारम्भ भएको छ । नयाँ जनप्रतिनिधिहरुका लागि निर्वाचन प्रक्रिया प्रारम्भ भएकोले पुरानाहरुको अवधि पूरा भएको छ । फेरि उम्मेदवारहरुले आफ्नो पदबाट राजीनामा दिएका छन् । पुराना जनप्रतिनिधिहरु जाने र नयाँ आउने प्रक्रियाको यो अन्तरिम काल हो । अन्तरिम काल भएकाले यस बेला मतदाताहरुले पुराना जनप्रतिनिधिहरु के–कस्ता कामहरु गरे, त्यसको मूल्यांकन गर्न थालेका छन् । त्यस बेला सिंहदरबार आफ्नो घर आँगनमा आयो भनेर स्थानीय जनता खुसी भएका थिए । केही पालिकाहरुले देख्ने गरी केही काम गरेका थिए भने अधिकांशले त्यस्तो उल्लेखनीय काम केही गर्न सकेनन् । अधिकांश नगर प्रमुख, उप–प्रमुख, वडाध्यक्षहरु प्रशासनिक काममा नै रुमलिएर समय खेर फाले ।

ती जनप्रतिनिधिहरु को को आफ्नो काममा सफल भए भनेर हेर्नका लागि तिनीहरुले आफ्नो निर्वाचनको बेला प्रकाशित गरेका घोषणापत्र, प्रतिबद्धता पत्रहरु र त्यसबेला तिनीहरुले गरेका भाषणहरु हेरेमा प्रष्ट हन्छ । तिनीहरु र तिनीहरुका पार्टीहरुले मतदाताहरुलाई के–के सपना बाँडेका थिए र तिनीहरुमध्ये के–के पूरा गरे त्यसको समीक्षा र मूल्यांकन गर्ने बेला अहिले हो । त्यस्तो समीक्षा र मूल्यांकन पार्टी र जनप्रतिनिधिहरुले नै गर्नु राम्रो हो, तिनीहरुले त्यसो गर्नु नगर्नु त्यो तिनीहरुको कुरा हो र गरे पनि तिनीहरुले आफ्नो काम बढाइ चढाइ गर्न सक्छन् । तर आजको जनतालाई आँखामा छारो हाल्नु त्यत्ति सजिलो छैन । जनता सचेत भएका छन् । तिनीहरुले कहाँ कसले के गरे भनेर नियालिरहेका हुन्छन् र समयमा तिनीहरुले आफ्नो अभिमत जाहेर गर्न सक्छन् । त्यो जाहेर गर्ने उपयुक्त समय यही निर्वाचन हो ।

पूर्णप्राय जनप्रतिनिधिहरुले आफ्नो घोषणा पत्रमा उल्लेखित काम कुरालाई पूरा गरेका छैनन् । त्यसमा पनि नेतृत्वमा बस्ने अधिकांशले लज्जित हुनुपर्ने अवस्था छ । तिनीहरुले विकास निर्माणसम्बन्धी ठोस काम के गरे, त्यो देखाउनुपर्दछ । चारा छरेझैं बजेट छर्नु विकास होइन । आफ्नो सुविधा आफैं बढाउनु विकास होइन । तिनीहरुले जथाभावी खर्च गरेका छन् । जसका कारण अनियमितता बढेको छ । महालेखा परीक्षकले त्यो कुरा संकेत गरेको छ भने अख्तियार दुरुपयोग अनुसन्धान आयोगले आफू कहाँ सबभन्दा बढी उजुरी स्थानीय तहमा भएका भ्रष्टाचार सम्बन्धमा आएको बताउने गरेको छन् । यी सबैलाई दृष्टिगत गर्दा स्थानीय तहको यो ५ वर्ष १÷२ ठाउँबाहेक कतै पनि उल्लेखनीय रहेन । त्यसै भएर यस पटक तिनीहरुको पार्टीका चुनावी घोषणापत्र तुलनात्मक दृष्टिले मूल्यांकन गरी देखाउन सकेका छैनन् । त्यो जे भए पनि अहिले नयाँ अध्याय सुरु भएको छ । नयाँ जनप्रतिनिधिहरु छान्ने अवसर प्राप्त भएको छ । राजनीतिमा हरेश खानु हुँदैन । सधैं आशावादी हुनुपर्दछ । आशावादी भएर अघि बढ्नुपर्दछ र आसन्न चुनावलाई सफल पार्नु पर्दछ ।

Related News

सम्बन्धित समाचार

  • आन्दोलनलाई उत्तेजक नबनाऊ

    सम्पादक पौष २३, २०८०
    काठमाडौंको बालकुमारीमा भएको आन्दोलनका क्रममा अछामका वीरेन्द्र शाह र दैलेखका सुजन रावतको प्रहरीको गोली लागेर ज्यान गयो । घटनाको समाचार…
  • नेपालको बिजुली भारतले किन्ने सम्झौता

    सम्पादक पौष २२, २०८०
    नेपाल–भारत संयुक्त आयोगको सातौं बैठक काठमाडौंमा सम्पन्न भयो । बैठकमा नेपालको तर्फबाट प्रतिनिधि मण्डलको नेतृत्व परराष्ट्रमन्त्री एनपी साउद र भारतीय…
  • अग्रज पत्रकार पोखरेलको निधन

    सम्पादक पौष २०, २०८०
    पुराना पुस्ताका अग्रज पत्रकार गोकुलप्रसाद पोखरेलको सोमबार काठमाडौंको त्रिभुवन विश्वविद्यालय शिक्षण अस्पतालमा उपचारका क्रममा निधन भयो । उनी लामो समयदेखि…
  • प्रमको सम्बोधनः कामभन्दा आश्वासन धेरै

    सम्पादक पौष १२, २०८०
    प्रधानमन्त्री पुष्पकमल दाहालले आफूले सरकारको नेतृत्व सम्हालेको एक वर्ष पूरा भएको अवसरमा मंगलबार राष्ट्रका नाममा सम्बोधन गरेर सरकारको काम कुराको…
  • त्रिविमा राजनीतिक भागबण्डा अन्त्य गर्ने उद्घोष

    सम्पादक पौष ४, २०८०
    विश्वविद्यालयले प्रत्येक वर्ष दीक्षान्त समारोहको आयोजना गरेर आफ्ना विद्यार्थीहरूलाई दीक्षित गर्ने गर्दछ । त्यस्तै समारोह त्रिभुवन विश्वविद्यालयले पनि गर्दै आएको…

hero news full width