यो वर्ष चुनावी वर्ष हो । चुनावी वर्षमा सरकारले के कस्तो बजेट ल्याउन भन्ने कुरा धेर–थोर सबैले अनुमान गरेका थिए । अनुमान गरिए अनुसार नै सरकारले बजेट सार्वजनिक गरेको छ । सरकारका अर्थमन्त्री जनार्दन शर्माले आइतबार अपरान्ह संसदमा १७ खर्ब ९३ अर्ब ८३ करोड रुपैयाँको बजेट प्रस्तुत गरेका छन् । देश आर्थिक संकटतर्फ उन्मुख भएको बेला त्यो संकट निवारण गर्ने बजेट पेस गर्नुपर्दछ भन्ने तर्फ आर्थिक विशेषज्ञहरुको सुझाव थियो । तर प्रत्येक अर्थमन्त्रीलाई आफ्नो पालामा ठूलो बजेट पेस गर्न रहर हुन्छ । त्यसमा पनि चुनावको पूर्वसन्ध्यामा पेस गरिएको बजेट सानो हुने कुरै भएन । बजेट वितरणमुखी र उत्पादनमुखी बनाउन खोजेको देखिन्छ । वितरण त गर्न सकिन्छ, त्यो त्यत्ति गार्हो छैन, तर उत्पादन गर्न सकिने हो कि होइन, त्यो भोलिले देखाउनेछ ।
सरकारले कर्मचारी, शिक्षकलगायतको तलब १५ प्रतिशतका दरले बढाएको छ । सामाजिक सुरक्षा भत्ताको दायरा बढाएको छ । ६८ वर्षकाले पनि वृद्ध भत्ता पाउने भएका छन् । क्यान्सर, मिर्गौला रोगीहरुलाई भत्ताजस्तै गरी मासिक रकम दिने भएको छ । यी सबै प्रावधानले सर्वसाधारणलाई किञ्चितमात्रै भए पनि गणतन्त्र आएको आभाष भएको हुनुपर्छ । हिजो राजतन्त्रमा सर्वसाधारणले यस्तो भत्ता पाउँदैनथे । अर्काे यो बजेटले किसानलाई पनि पेन्सन दिने अवधारणा ल्याएको छ । आयकरको सीमा बढाएर अविवाहितलाई ५ लाख र विवाहितलाई ६ लाखसम्मको आम्दानीमा कर नलाग्ने भएको छ । यी सबै देख्नेहरुले यो बजेट सबै वर्ग र तप्कालाई खुसी पार्न ल्याइएको बजेट भन्ने गरेका छन् ।
यो बजेटले कृषिलाई प्राथमिकतामा राखेको छ । कृषिमा २५ अर्ब ९७ करोड रुपैयाँ विनियोजन गरेको छ । त्यसको अतिरिक्त कृषिमा प्रोत्साहन गर्न धेरै छुटको व्यवस्था गरेकोे छ । कृषि उत्पादन निर्यात गर्नेलाई पनि उचित प्रोत्साहन दिने घोषणा गरेको छ । सरकारले ‘उत्पादनमा वृद्धिः मुलुकको विकास र समृद्धि विशेष अभियान दशक (२०७९–०८९)’ सञ्चालन गर्ने जुन घोषणा गरेको छ, त्यो बजेटको विशेषता हो । यही अभियानअन्तर्गत उत्पादन वृद्धिको कुरा आउँछ । रुग्ण उद्योग र बन्द भएर रहका सरकारी उद्योगहरु सञ्चालनका कुरा आउँछ । स्वदेशी उत्पादन प्रयोग र उपयोगको कुरा आउँछ र यसैमा ती उत्पादन निर्यात गर्ने कुरा पनि आउँछ । बजेटमा हाम्रा मुलको पानी विदेशमा निर्यात गर्ने कुरा पनि राखेको छ । हाम्रो हिमालको रमुलको पानी निर्यात राम्ररी गर्न सक्यौं भने यसले विदेशी मुद्रा आर्जनमाटेवा दिन सक्नेछ । बजेटमा बन्द भएर रहेका हेटौंडा कपडा कारखाना, गोरखकाली रबर उद्योगहरु सञ्चालन गर्ने कुरा पनि गरेको छ । त्यो ठूलो कुरा हो, यति धेरै वर्ष कुनै सरकारले सञ्चालन गर्ने प्रयास नगरेको यो सरकारले त्यो प्रयास गर्नै जनाएको छ । बजेटमा त्यसको उत्पादन कहाँ कसरी खपत गर्ने ? त्यो पनि लेखिएकाले सरकार यतातिर केही गम्भीर भएको देखिन्छ । अन्य विकास निर्माणका कामहरु पूर्ववत् रुपमा हुँदै जाने आशा गर्न सकिन्छ । यो चुनावी वर्ष भएकाले बजेटमा विनियोजित रकमको राम्ररी काम हुन पर्छ, उदाहरणीय किसिमले हुनुपर्छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
रोजगार खोज्दै मेलामा
वैशाख १२, २०८१कतारी अमिरलाई ‘रुद्रकली’ र ‘खगेन्द्रप्रसाद’ !
वैशाख ११, २०८१फेवातालमा दुर्घटनामा परेका ५ जनाको उद्धार
वैशाख ११, २०८१लोकतन्त्रका १८ वर्ष : लोकतन्त्रले छोएन लोकलाई
वैशाख ११, २०८१कामचलाउ सरकारको आयु लम्बियो
वैशाख ११, २०८१