विप्लवको पार्टी विभाजित

सम्पादक
वैशाख २३, २०७९

पहिले अपेक्षा गरिएअनुसार नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टी विभाजित भएको छ । विभाजनको बेला कम्युनिष्ट पार्टीमा जुन लक्षण देखिन्छ, त्यो पार्टीमा पनि त्यस्तै लक्षण देखिएको छ अर्थात् एकले अर्कोलाई आरोप–प्रत्यारोप गर्दै पार्टीबाट निष्कासन गर्ने धर्मेन्द्र बास्तोलाको चितवनमा बसेको केन्द्रीय समितिको बैठकले नेत्रविक्रम चन्दलाई पार्टीबाट निष्कासित गरेको छ भने प्रवक्ता खड्कप्रसाद विश्वकर्मालाई प्रवक्ता जिम्मेवारीबाट हटाएको छ । भेलामा पार्टीका ६८ सदस्यीय केन्द्रीय नेतृत्वमध्ये ६४ सदस्य केन्द्रीय नेतृत्व र ४ जना सल्लाहकारको उपस्थिति भएको दाबी गरिएको छ । बैठकमा धर्मेन्द्र बास्तोला, हेमन्त वली, गुणराज लोहनीलगायत वरिष्ठ सदस्यको सहभागिता थियो । त्यो भेलाले धर्मेन्द्र बास्तोलालाई संयोजक तोकेको छ ।

पहिले–पहिले कम्युनिष्ट पार्टी फुट्दा जे–जस्तोे आरोप लगाइने गरिन्थ्यो अहिले पनि त्यही देशी विदेशी षड्यन्त्रमा पार्टी फुटाएको आरोप लगाइएको छ । त्यो समूहले विप्लवलाई संसदीय भासमा मासिएको आरोप लगाइएको छ । त्यसको अतिरिक्त भेलाले विप्लव दार्शनिकरुपले सार संग्रहवादी, राजनीतिकरुपमा संसदीय संशोधनवादी, संगठनात्मकरुपमा निषेधात्मक अधिभूतवादी र विसर्जनवादी, संघर्षका दृष्टिले आत्मसुरक्षावादी र आर्थिक दृष्टिले जुझारी अर्थवादी हुँदै क्रान्तिलाई विसर्जन गर्ने बाटोमा लागेपछि निष्कासनको कारबाही गर्नु पर्ने जनाइएको छ । केही महिना पहिले कपिलवस्तुमा बसेको केन्द्रीय कार्य समितिको बैठकमा विप्लवले स्थानीय चुनावमा भाग लिनु पर्ने प्रस्ताव पेस गर्दादेखि पार्टीमा विभाजनको रेखा कोर्न थालिएको थियो । विप्लव प्रयोग र उपयोगको नाममा स्थानीय चुनावमा सहभागी बन्नु पर्दछ भन्नेमा थिए भने अधिकांश सदस्य चुनावको विपक्षमा थिए । केन्द्रीय समितिबाट चुनावमा भाग लिने प्रस्ताव पास गर्न त सकेनन् तर विप्लवले आफ्नो मान्छेहरुलाई उम्मेदवार भने बनाएका छन् । यही कारणले गर्दा पार्टी विभाजनतिर बढेको हो ।

नेत्रविक्रम चन्द माओवादीमा क्रान्तिकारी छवि भएका नेता हुन् । माओवादीमा अध्यक्ष पुष्पकमल दाहाल शान्तिप्रक्रियामा आउँदा पनि उनी त्यसको विरोधमा रहे । त्यसबेला उनी वैद्य समूहमा रहे । वैद्यले पनि क्रान्तिका कुराबाहेक अरु केही गरेनन् भन्ने आरोप लगाएर उनी भूमिगत हुन गए । उनी कहिले अर्ध भूमिगत रहे र ती नै तहको चुनाव बहिष्कार गरे तर बहिष्कार प्रभावकारी भएन । न त्यो समूहले आन्दोलन नै गर्न सके । कडा–कडा भाषण गर्नु र धम्की दिनु तिनीहरुको दिनचर्या रह्यो । त्यसो गर्दा पनि केही नभएपछि उनी राजनीतिको मूलधारमा आए । तत्कालीन प्रधानमन्त्री केपी ओलीसँग तीनबुँदे सम्झौता गरी उनी खुला समाजमा आए । खुल्ला समाजमा सबै अध्ययन गरेर उनले चुनावलाई उपयोग गर्नु पर्ने निर्णय गरी आफ्नो मान्छेहरुलाई चुनावमा उम्मेदवार हुन निर्देशन दिए । जसको फलस्वरुप चुनाव मन नपराउनेहरुले चुनावमा भेला भएर उनलाई निष्काशन गरे । चितवनको बैठक समापन भएको छैन । बैठकले अरु के निर्णय गर्ला त्यो प्रतीक्षाको विषय भएको छ ।

Related News

सम्बन्धित समाचार

  • तिब्बती शरणार्थी समस्या समाधान गर

    सम्पादक जेठ ९, २०७९
    नेपाल शान्तिप्रिय मुलुक हो र शान्तिपूर्वक रहन, बस्न चाहन्छ । तर कहिलेकाहीं विवाद हुन्छ, समस्या आउँछ अनि शान्ति खलबलिन्छ ।…
  • चुनावको नतिजा असन्तोषको परिणाम

    सम्पादक जेठ ८, २०७९
    स्थानीय तहको निर्वाचनको मतगणना घोषणा पनि भएको छ । मतगणना अन्तिम चरणमा पुगेको छ । यस पटकको चुनावका सम्बन्धमा धेरैले…
  • बुद्धजयन्तीको कार्यक्रम सुरु

    सम्पादक वैशाख २६, २०७९
    बुद्ध जयन्ती परम्परागतरुपमा साप्ताहिक कार्यक्रम राखेर मनाउने गरिएको भए तापनि कोभिड–१९ को महामारीका कारणले बितेका २ वर्ष बुद्धजयन्ती समारोह हुन…
  • निर्वाचनमा युवाको सक्रियता

    सम्पादक वैशाख २२, २०७९
    केही महिना पहिले राजनीतिक पार्टीहरुका अधिवेशन र महाधिवेशन भएका थिए । ती अधिवेशन महाधिवेशनअन्तर्गत भएका चुनावमा युवाहरु खुब आकर्षित भएका…
  • वेद विद्याश्रमलाई हाम्रो शुभकामना !

    सम्पादक वैशाख २१, २०७९
    कास्की पहिलेदेखि नै शिक्षादीक्षामा ख्याति प्राप्त स्थान हो । शिक्षा दीक्षाका लागि काशी कि कास्की भनेर त्यसै भनिएको होइन ।…

hero news full width