बैंकलाई चाबी

Avatar सम्पादक
असार २४, २०७७

१. कोभिड भाइरस संक्रमण नियन्त्रणका लागि सरकारले देशमा लकडाउन गरेको साढे तीन महिना भयो । यस बीच उद्योग धन्दा बन्द भए । यातायातका साधन समेत चल्न पाएनन् । अहिले निजी सवारी केही चले पनि सार्वजनिक यातायात ठप्प छ । कोभिड महामारी कहिलेसम्म रहन्छ र यातायात पूर्णरुपमा कहिले खुल्छ सुनिश्चित छैन ।

२. व्यवसाय सञ्चालन हुन नपाउँदा आयआर्जन रोकिएको छ । व्यवसायीलाई घरभाडा तिर्न, कर्मचारीलाई तलव दिन तथा बैंकको किस्ता व्याज बुझाउन समस्या परेको छ । यो सबैलाई थाहा भएकै कुरा हो । तर कोहीभने केही थाहा नभए झैं गरेर व्यवसायीलाई तनाव दिने काम गरिरहेका छन् । तनाव दिनुको परिणाम के हुन्छ धेरैले ख्याल गरेका छैनन् ।

३. बैंकले किस्ताको लागि ताकेता गरेको भन्दै यातायात व्यवसायीले गाडीको चाबी बैंकलाई नै बुझाउने निर्णय गरे । देशकै ठूलो यातायात व्यवसायी समिति पृथ्वी राजमार्ग बस सञ्चालक कम्पनीले बैंक तथा वित्तीय संस्थाबाट लिएको ऋणको किस्ता समेत बुझाउन नसकेपछि गाडीकै चाबी बुझाएको छ । कम्पनीले पहिलो दिन सोमबार नै विभिन्न बैंकलाई गरी एक सय १० भन्दा बढी गाडीको चाबी बुझाएको जनाएको छ ।

४. उक्त कम्पनीमा आवद्ध रहेका एक हजार तीन सय ७० गाडीकै चाबी बैंकलाई बुझाइने कम्पनीका पदाधिकारीले बताएका छन् । ती सवारीसाधनमा झण्डै ५ अर्व ६० करोड रुपैंया लगानी भएको छ । त्यसमा बैंक तथा वित्तीय संस्थाको ऋण लगानी ७० प्रतिशत र व्यवसायीको ३० प्रतिशत रहेको छ । नेपालमा यात्रुवाहक गाडी करिब ३ लाख रहेको र त्यसमा झण्डै १२ लाख जनाको प्रत्यक्ष रोजगारी रहेको अनुमान छ ।

५. ऋणको किस्ता ६ महिना सार्न माग गर्दा बैंकहरुले वेवास्ता गरी किस्ता तिर्न ताकेता गरेपछि व्यवसायीले बाध्यभएर चाबी वुझाउन परेको हो । यसैगरी व्याज छुटका कुरा पनि छन् । यसमा सरकार र नेपाल राष्ट्रबैंकको छिटो ध्यानजानु जरुरी छ । व्यवसायी निरुत्साहित भए भने राष्ट्रलाई नै ठूलो घाटा पर्दछ ।

हाम्रो सुझाव