देशका स्वार्थी पदलोलुप र एक अर्कासँग लामो समय मिलेर काम गर्न नसक्ने नेताहरुले गर्दा राजनीतिमा स्थिरता आउन नसकी देशको बिग्रदो अवस्थामा रहेकोमा सबै चिन्तित छन् । यो स्थितिमा सुधार ल्याउन गैर–राजनीतिक क्षेत्रका व्यक्तिहरु राजनीतिक क्षेत्रमा प्रवेश गरेका छन् । हालै सम्पन्न स्थानीय तहको निर्वाचनमा स्वतन्त्र उम्मेदवार भएर लामो इतिहास बोकेका संगठित पार्टीहरुको उम्मेदवारलाई पराजित गरी नेताहरुलाई चुनौती दिएका छन् । एकातिरको स्थिति यस्तो छ भने अर्कोतिर पार्टीहरु टुट्ने र फुट्ने क्रम अझै पनि जारी छ । यस्तो अवस्थाबाट गुज्रिरहेको भए तापनि राजनीतिमा एकताको स्वर भने गुञ्जिरहेको छ । खास गरेर कम्युनिस्ट क्षेत्रमा कम्युनिस्ट–कम्युनिस्ट एक हुनु पर्दछ भन्ने आवाज चर्कंदै गएको छ । त्यस्तो नारा चर्काउनेमा पुराना कम्युनिस्ट नेता वामदेव गौतम पनि देखापरेका छन् । उनले वामपन्थी शक्तिलाई ध्रुवीकरण गर्ने उद्देश्यले छुट्टै पार्टी गठन गरेको छन् र उनले आफ्नो पार्टीको नाम नै नेकपा एकता राष्ट्रिय अभियान भन्ने राखेका छन् । उनी आफ्नो अभियानमा के–कति सफल होलान्, त्यो भन्न सकिन्न तर यो उनको अग्नि परीक्षाको बेला भने निश्चय नै हो ।
वामदेव गौतमले आफू शीर्ष नेता रहेको नेपाल कम्युनिस्ट पार्टी (नेकपा) लाई फुट्नबाट जोगाउन सकेनन् । त्यसबेला केपी ओली र पुष्पकमल दाहालबीच मतभेद भएर लामो समय विवाद भइरहँदा उनले कुनै निर्णयात्मक सुत्र प्रयोग गरेर ती नेताहरुलाई मिलाउन सकेनन् । उनी कहिले एक पक्ष र कहिले अर्को पक्ष लागे । जसको परिणाम दुवै पक्षको विश्वास गुमाए । पार्टी टुक्रिएपछि उनले जे–जस्तो भूमिका खेले त्यसबाट उनको सक्रियताको अवमूल्यन भयो । स्थानीय चुनावमा उनलाई आफ्नो पक्षमा ल्याएर पार्टीलाई सबलीकरण गर्ने प्रयास कुनै पनि पार्टीले ठोस रुपमा गरेको देखिएन । त्यसबेला उनको सोधखोज नभएबाट पार्टीबिना अस्तित्व सम्भव नभएको महसुस गरेर उनले पार्टी घोषणा गरेको हुनुपर्दछ ।
उनले आफ्नो नयाँ पार्टीको उद्देश्य वामपन्थीहरुको ध्रुवीकरण गर्ने बताएका छन् । वामपन्थीहरुको ध्रुवीकरण किन आवश्यक भयो भन्दा उनले जोडतोडका साथ भनेका छन् । वामपन्थीहरु एक भएन भने आगामी संसदको चुनाव कांग्रेसले जित्ने भयो भन्ने उल्लेख गरेका छन् । उनले कांग्रेसले जित्ने भयो भनेर कोलाहल मच्चाएको देखिन्छ । उनले जुन उद्देश्य राखेका छन् त्यसमा निहित स्वार्थ छ, डाह छ र कांग्रेसप्रतिको पूर्वाग्रह छ । यी सबै हेर्दा उनी समयको गतिभन्दा धेरै पछि परिसकेका हुन् कि भन्ने पनि देखिन्छ । किनभने अहिले कांग्रेसका सभापति शेरबहादुर देउवाको नेतृत्वमा गठबन्धनको सरकार छ । सरकारमा घोषित कम्युनिस्ट पार्टीहरुको महत्वपूर्ण भूमिका छ । यत्तिसम्म कि तिनीहरु विगतको स्थानीय निर्वाचन जे–जसरी तालमेल गरी लडे त्यसबाट पनि सन्तुष्ट छन् । आगामी निर्वाचन पनि ती सबै मिलेर चुनाव लड्ने तयारी गर्दै छन् । वामदेवले यस्ता वास्तविक कुराको ख्याल नगरी गठबन्धन तोड्ने जुन प्रयास गर्दै छन्, त्यो सरकारमा बस्ने कम्युनिस्ट पार्टीलाई नै मान्य हुने छैन । उनीजस्ता पाका नेताले व्यापक दृष्टिकोण अपनाएर दूरदर्शी किसिमले एकताको अभियान सञ्चालन गर्नुपर्नेमा उनले त्यसो गर्न नसकेको महसुस हुन्छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१