बेलायत भन्नासाथ नेपालीको मनमा एउटा सम्मानको भावना छ । रोजगारीको दृष्टिले त झन त्यो देश आकर्षणको थलो नै हो । नेपालीहरु गोर्खा भर्ती केन्द्रको माध्यमबाट बेलायती सेनामा जाने गरेका छन् । हो, यस सम्बन्धमा केही विवाद निश्चय नै छन् । नेपालका कम्युनिस्ट पार्टीहरुले पहिलेदेखि गोर्खा भर्ती केन्द्र बन्द हुनुपर्छ भन्ने कुरा उठाउने गरेका छन् । त्यसरी कुरा उठाए तापनि आफू सरकारमा छँदा ती पार्टीहरुले यस सम्बन्धमा बोल्ने गरेका छैनन् । अर्को, भूतपूर्व गोर्खाहरुले बेलायती सेनासरह आफूहरुले सुविधा नपाएकामा विभिन्न किसिमबाट आन्दोलन गरिरहेका छन् । ती सबै भएर पनि बेलायतसँग नेपालको सम्बन्ध सुमधुर छ । रोजगारीको सम्बन्धमा नेपालीको पहिलो गन्तव्य बेलायत हो भन्नु अत्युक्ति हुँदैन । अहिले नेपाली स्वास्थ्यकर्मीहरु पनि रोजगारीका लागि बेलायत जान पाउने अवसर उपलब्ध हुने कुरा यस क्षेत्रमा एउटा आशा र उत्साहको सञ्चार गरेको छ ।
हालै बेलायत सरकार र नेपाल सरकारकाबीच नेपाली स्वास्थ्यकर्मीहरु रोजगारीका लागि बेलायत लैजाने सम्बन्धमा सम्झौता भएको छ । सम्झौता पत्रमा नेपालका तर्फबाट श्रम सचिव एक नारायण अर्यालले र बेलायती सरकारका तर्फबाट नेपालका लागि बेलायतका राजदूत निकोला पोलिटले हस्ताक्षर गरेका छन् । सम्झौता पत्रमा बेलायत गएका स्वास्थ्यकर्मीले त्यहाँका स्वास्थ्यकर्मीसरह सेवा, सुविधा र अधिकार पाउने उल्लेख छ । त्यत्तिमात्र होइन, त्यहाँ जानका लागि छनोट भएका स्वास्थ्यकर्मीले निशुल्क त्यहाँ जान पाउने छन् । त्यसरी निशुल्क जान पाउनु ठूलो अवसर हो । यो सम्झौताअन्तर्गत नर्समात्र होइन, अन्य स्वास्थ्यकर्मीहरु त्यहाँ जान पाउने भएका छन् । लामो समय पहिलेदेखि यो हल्ला चलेको थियो, तर मूर्तरुप लिएको थिएन । अब दुई देशबीचको सम्झौताले यसलाई पक्का बनाएको छ ।
जिटुजीमार्फत बेलायत जानु ठूलो कुरा हो । यस सम्बन्धमा अरु विस्तृत कुरा बाहिर आएको छैन । स्वास्थ्यकर्मीहरु छनोट कसरी गरिन्छ, पदस्थापन र सेवा सुविधालगायतका कुरामा छलफल चलिरहेको छ । नेपालमा स्वास्थ्यकर्मीहरु उत्पादन गर्ने एउटा लहर नै चलेको छ । निजी क्षेत्रका लगानीकर्ताले ठूल्ठूला अस्पताल खोल्न थालेपछि नर्सहरुको माग बढेको छ । रोजगारीका लागि बेलायत जाने बाटो खुलेपछि स्वास्थ्य क्षेत्रको जनशक्ति उत्पादन र विकासमा यसले ठूलो सघाउ पु¥याउने छ । पहिलो पटक छिटै एक समूह नर्सहरु परीक्षणका लागि लैजाने र तिनीहरुको काम, कुरा, अनुशासन, दक्षता आदि हेरेर समूह समूहगतरुपमा लैजाने समझदारी भएको छ । बेलायतमा अहिले पनि नेपाली नर्स र डाक्टरहरुले त्यहाँका अस्पतालमा सेवा गरिरहेका छन् । तिनीहरु त्यहाँ आफ्नै किसिमले गएका हुन् भने अहिले सरकारबीचको सम्झौताअनुसार जाने भएका छन् । यो राम्रो अवसर हो ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१