सहमतिको विकल्प छैन

सम्पादक
वैशाख २७, २०७८

गण्डकीको राजनीतिक घटनाक्रमले एकाएक नयाँ मोड लिएको छ । मुख्यमन्त्री पृथ्वीसुब्बा गुरुङले राजीनामा दिएपछि अनेकखाले अड्कलबाजी गर्न थालिएको छ । जसरी लुम्बिनीमा शंकर पोखरेलले राजीनामा दिए लगत्तै पुनर्नियुक्ति लिए । प्रदेश प्रमुख अनुकूल भइदिएकाले उनले भनेझंै नै फटाफट काम भयो । विरोध छल्दै सपथ पनि खुवाए । अहिले फेरि विपक्षीले अविश्वासको प्रस्ताव दर्ता गराएका छन् । अहिले दर्ता भएको अविश्वास प्रस्ताव कति कानुनसम्मत छ त्यो भने हेर्न बाँकी नै छ । यता, मुख्यमन्त्री गुरुङको राजीनामालाई लुम्बिनीको घटनासँग जोडेर आकलन गर्न थालिएको छ । त्यसैअनुसार प्रतिक्रियाहरु आइरहेका छन् । कामना गरौं गण्डकीका मुख्यमन्त्री त्यति धेरै फोहोरी खेल खेल्दैनन् । उनले पेस गरेको राजीनामा पत्र र त्यसपछि जारी गरेको राजीनामा वक्तव्यमा उल्लेख गरेका विषयवस्तु अनुसार उनी फोहोरी खेलमा सामेल हुँदैनन् भन्ने हाम्रो अनुमान छ । हुन त राजनीति हो जे पनि हुनसक्छ भनिन्छ ।

यो महाविपत्तीमा एकजुट भएर अगाडि बढ्नका लागि सहमति खोजेर त्यही अनुसार केन्द्रदेखि सर्वदलीय सरकार निर्माण गरौं । पछि चुनावी मैदानमा एक्ला एक्लै भिड्नु त छँदै छ ।

त्यसो त वैशाख १५ मा जनमोर्चाका सांसद खीमविक्रम शाही एकाएक हराउनुलाई पनि सरकारकै चालबाजीका रुपमा हेरिएको छ । यसमा खीमविक्रम आफैंले खुलेर केही बोल्न चाहेका छैनन् । उनको बिरामी प्रकरण नै विवादित छ । यद्यपि उनले आफूलाई विपक्षीहरुले बदनाम गराएको र त्यति हुँदा हुँदै पनि अविश्वास प्रस्तावकै पक्षमा मत हाल्ने बताउँदै आएका छन् । अविश्वास प्रस्तावको औचित्य त सकियो नै । मात्रै जनमोर्चाका ३ सांसद कतातिर ढल्किन्छन् त्यतैतिरको तुलो भारी हुन्छ, उसैले सरकार निर्माण गर्छ । निर्णय फेरि जनमोर्चाकै भरमा छ । अनि एमालेका केन्द्रका नेताहरुको पोखरामा बढेको सलबल्याहटबाट केही आशंका भने उब्जेकै छन् ।

केही स्वार्थका लागि चुनावी तालमेल गरेका २ कम्युनिस्ट घटकका कारण अहिले मुलुक समस्यामा छ । अहिलेका घटना परिघटनाको दोष पहिला जुटेका र अहिले फुटेका २ कम्युनिस्ट पार्टीलाई नै जान्छ । तर अहिले राजनीतिक घटनाक्रममा रुमलिएर बस्ने बेला छैन । कोरोनाले धमाधम मान्छे मरिरहेका छन् । अस्पतालमा बेड छैन । बेड पाए पनि अक्सिजन छैन । सडकमा एम्बुलेन्सका साइरन बजिरहेका छन् । बिरामी बोक्नुपर्ने एम्बुलेन्स अहिले शव बोक्न व्यस्त छन् । यस्तो अवस्थामा विकसित भएको राजनीतिक घटनाक्रम किन र कसका लागि ? जनताले दलहरुलाई बारम्बार यो प्रश्न गरिरहेका छन् । जब मुलुकमा संकट आइलाग्छ राजनीतिक दलहरु मिलेर अगाडि बढेका घटनाहरु छन् । ७२ सालको महाभूकम्पपछि दलहरु मिलेकै कारण संविधान जारी हुन सकेको हो । अहिले पनि ढिला भएको छैन । एकले अर्कालाई विश्वास नगर्ने प्रवृत्ति त्यागेर जुँगाको लडाइँ रोकौं । यो महाविपत्तीमा एकजुट भएर अगाडि बढ्नका लागि सहमति खोजेर त्यही अनुसार केन्द्रदेखि सर्वदलीय सरकार निर्माण गरौं । पछि चुनावी मैदानमा एक्ला एक्लै भिड्नु त छँदै छ ।

Related News

सम्बन्धित समाचार

  • आन्दोलनलाई उत्तेजक नबनाऊ

    सम्पादक पौष २३, २०८०
    काठमाडौंको बालकुमारीमा भएको आन्दोलनका क्रममा अछामका वीरेन्द्र शाह र दैलेखका सुजन रावतको प्रहरीको गोली लागेर ज्यान गयो । घटनाको समाचार…
  • नेपालको बिजुली भारतले किन्ने सम्झौता

    सम्पादक पौष २२, २०८०
    नेपाल–भारत संयुक्त आयोगको सातौं बैठक काठमाडौंमा सम्पन्न भयो । बैठकमा नेपालको तर्फबाट प्रतिनिधि मण्डलको नेतृत्व परराष्ट्रमन्त्री एनपी साउद र भारतीय…
  • अग्रज पत्रकार पोखरेलको निधन

    सम्पादक पौष २०, २०८०
    पुराना पुस्ताका अग्रज पत्रकार गोकुलप्रसाद पोखरेलको सोमबार काठमाडौंको त्रिभुवन विश्वविद्यालय शिक्षण अस्पतालमा उपचारका क्रममा निधन भयो । उनी लामो समयदेखि…
  • प्रमको सम्बोधनः कामभन्दा आश्वासन धेरै

    सम्पादक पौष १२, २०८०
    प्रधानमन्त्री पुष्पकमल दाहालले आफूले सरकारको नेतृत्व सम्हालेको एक वर्ष पूरा भएको अवसरमा मंगलबार राष्ट्रका नाममा सम्बोधन गरेर सरकारको काम कुराको…
  • त्रिविमा राजनीतिक भागबण्डा अन्त्य गर्ने उद्घोष

    सम्पादक पौष ४, २०८०
    विश्वविद्यालयले प्रत्येक वर्ष दीक्षान्त समारोहको आयोजना गरेर आफ्ना विद्यार्थीहरूलाई दीक्षित गर्ने गर्दछ । त्यस्तै समारोह त्रिभुवन विश्वविद्यालयले पनि गर्दै आएको…

hero news full width