१. देशको वर्तमान संविधान जनताले बनाएको हो । जनताले बनाएको संविधान भनेपनि यसमा असन्तोष जाहेर गर्नेहरु धेरै छन् । यो संविधान घोषणा गरेकै दिन विरोध गरेर राति बत्ती निभाएर बसेकाहरु पनि थिए । पार्टीगतरुपमा समाजवादी पार्टी र राष्ट्रिय जनता पार्टीले संविधान संशोधनको लागि आफ्नो आबाज बुलन्द गर्दैछन् ।
२. समाजवादी पार्टी र राष्ट्रिय जनता पार्टीले संविधान संशोधनको शर्त राखेर यो सरकारलाई समर्थन पनि गरेका थिए । समाजवादी पार्टी सरकारमा सम्मिलित पनि भयो । तर जति कराए पनि प्रधानमन्त्री केपी ओलीले संविधान संशोधनको प्रयास नगरेपछि राजपाले सरकारलाई दिएको समर्थन फिर्ता लियो ।
३. समाजवादी पार्टीले सरकारमा नै रहेर संशोधनको माग गर्दै रह्यो । त्यसले संशोधनका लागि पटक पटक अल्टिमेटम पनि दियो । तर प्रधानमन्त्रीबाट त्यस्तो कुनै संकेत पाएन । पार्टीमा फूट पैदा हुने स्थिति पनि आयो । संविधान संशोधनको संकेत कतैबाट नपाए पछि त्यसले पनि सरकारबाट बाहिरिंदै सरकारलाई दिएको समर्थन फिर्ता लियो ।
४. संविधान संशोधनको आवश्यकता नदेख्ने सरकार र सत्तारुढ पार्टीमा अहिले संविधान संशोधनको कुरा चलेको छ । तर यो प्रस्तावको चर्चा मधेसवादी दलहरुको माग अनुसार होइन, पार्टी भित्रको गुटबन्दीको कारण हो । अझ एकजना व्यक्तिको कारण संविधान संशोधन गर्ने चर्चा चलाइएको छ ।
५. पार्टीका उपाध्यक्ष वामदेव गौतमलाई राष्ट्रपतिबाट मनोनीत गरी राष्ट्रियसभामा पु¥याउने सल्लाह भएको बुझिन्छ तर राष्ट्रियसभाका सदस्य मात्र हुन उनी तयार नभएकाले उनलाई खुशी पार्न राष्ट्रियसभाका सदस्य पनि प्रधानमन्त्री हुनसक्ने गरी संविधान संशोधन गर्नेतिर नेकपाका अध्यक्ष प्ुष्पकमल दाहाल लागीपरेका छन् ।
६. एकजना व्यक्तिका लागि संविधान संशोधन गर्नु कदापि उचित होइन । तर यहाँ जुन उचित होइन भन्छौँ त्यही हुनेगरेको छ । उनै वामदेव गौतमको लागि पार्टीको विधान संशोधन गरी उनलाई उपाध्यक्ष बनाइयो । त्यो पार्टीको आन्तरिक कुरा हो । त्यसमा अरुले केही भनिराख्नु आवश्यक छैन ।
७. उनले पार्टीको उपाध्यक्ष भएर पनि चित्त बुझाएनन् । यही बेला हो भनेर उनले नेताहरुसँगै झन झन ठूलो माग गरेका छन् । ती मध्ये एक हो, वैकल्पिक प्रधानमन्त्री हुनु । त्यसका लागि संविधान संशोधन गरिनु नितान्त आवश्यक छ । नेकपाभित्र त्यसको चर्चा व्यापक हुँदैछ । मधेसवादी पार्टीहरुले वर्षौंदेखि माग गरेर पनि संविधान संशोधन नगर्ने तर अब एकजना व्यक्तिका लागि तथा पार्टीको समूहगत समीकरण मिलाउनका लागि मात्र संविधान संशोधन गर्नु कदापि उचित होइन । यो नितान्त खेलबाड हो । संविधानलाई यस्तो हल्का किसिमले सोच्नु हुँदैन ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१