मन्त्रिपरिषद्लाई पूर्णता देऊ

सम्पादक
वैशाख १५, २०८०

प्रधानमन्त्री पुष्मकमल दाहालले आफू पहिलो पटक प्रधानमन्त्री हुन पाए के–के न गर्ने आश र लोभ देखाए । पहिलो पटक प्रधानमन्त्री हुन उनले गठबन्धन गरी चुनाव लडेको नेपाली कांग्रेस लगायतका पार्टीहरुलाई त्यागेर एमालेसँग गठबन्धन गरे । तर त्यसको १ महिनापछि नै फेरि एमालेलाई पार्टी त्याग गरेर पुरानै गठबन्धनमा सामेल भए । त्यसबेला उनले अब आफूले भाषण गर्ने होइन, काम गर्ने भनी आश्वासन दिए । तर यतिञ्जेल उनले कुनै दिन पनि भाषण नगरी बसेनन् । दिनको तीनचार ठाउँमा गएर बोल्नुलाई नै उनले प्रमुख काम सम्झे । उनले भाषण गरिरहेकै छन् । विगत म ४/५ महिनामा उनको कुनै त्यस्तो उल्लेख्य काम देखिएन । अहिले उनले चतुर्‍याइपूर्वक बजेट देखाउने गरेका छन् । आफूले उत्पादकत्व र रोजगारी बढाउने बजेट ल्याउन तयार भएको भन्दै बजेटको प्रतीक्षा गर्न आग्रह गरेका छन् ।

प्रधानमन्त्री दाहालले अझसम्म आफ्नो मन्त्रिपरिषदलाई पूर्णता दिन सकेका छैनन् । उनले नेपाली कांग्रेसको कोटामा परेका मन्त्रालय भन्दै त्यसमा कसैलाई नियुक्ति दिएका छैनन् । त्यसरी कांग्रेसको आन्तरिक विवादका कारण मन्त्रीको नाम दिन नसक्नु कांग्रेसले कमजोरी हो । यो कमजोरीलाई कांग्रसले कतिञ्जेल पालिराख्ने हो, सोचनीय कुरा छ । बाहिर त्यसको के प्रभाव परिरहेको छ, त्यो महत्वपूर्ण कुरा हो । तर नेताहरुको ध्यान त्यतातिर गएको देखिँदैन । ठूला पार्टीका पुराना नेताहरु त आन्तरिक भागवण्डामा लडिरहेका छन् । तर युवा नेताहरु यसमा के हेरिरहेका छन् भन्ने प्रष्ट व्यापक बन्दैछ । पार्टीको त्यो सानो विवाद (भागवण्डा) लाई हप्तौंसम्म मिलाउन नसक्नेले राष्ट्रको समस्याको समाधान के कस्तो गर्लान् भन्ने प्रश्न पनि आउने गरेका छन् ।

मन्त्री नियुक्ति गर्ने काम प्रधानमन्त्रीको हो । प्रधानमन्त्रीले पनि आफ्नो विशेषाधिकार प्रयोग गर्न सक्छन्, राम्रो काम गर्ने कसैले आँट गर्दैनन् । हलो अड्काएर राख्नुलाई नै आफ्नो विशेषता सम्झिन्छन् भने समस्याको समाधान कहिले हुन्छ ? प्रधानमन्त्री दाहालले आगामी बजेटतिर हेर भनेर आशा देखाउनुुभन्दा मन्त्रिपरिषद्लाई पूर्णता दिएर कांग्रेसको आन्तरिक समस्यासमेत समाधान हुने गरी मन्त्रीहरु नियुक्त गर्नुमा मन्त्रिपरिषदले पूर्णता त पाउन सक्छ । प्रधानमन्त्री दाहालले ४/५ महिनामा केही गरेनन् भन्नेहरुलाई मन्त्रिपरिषद् पूर्ण भएको काम त देखाउन सकिन्छ । यस्तोमा किन कसैको ध्यान जाँदैन ? यो आश्चर्यलाग्दो कुरा हो ।

Related News

सम्बन्धित समाचार

  • आन्दोलनलाई उत्तेजक नबनाऊ

    सम्पादक पौष २३, २०८०
    काठमाडौंको बालकुमारीमा भएको आन्दोलनका क्रममा अछामका वीरेन्द्र शाह र दैलेखका सुजन रावतको प्रहरीको गोली लागेर ज्यान गयो । घटनाको समाचार…
  • नेपालको बिजुली भारतले किन्ने सम्झौता

    सम्पादक पौष २२, २०८०
    नेपाल–भारत संयुक्त आयोगको सातौं बैठक काठमाडौंमा सम्पन्न भयो । बैठकमा नेपालको तर्फबाट प्रतिनिधि मण्डलको नेतृत्व परराष्ट्रमन्त्री एनपी साउद र भारतीय…
  • अग्रज पत्रकार पोखरेलको निधन

    सम्पादक पौष २०, २०८०
    पुराना पुस्ताका अग्रज पत्रकार गोकुलप्रसाद पोखरेलको सोमबार काठमाडौंको त्रिभुवन विश्वविद्यालय शिक्षण अस्पतालमा उपचारका क्रममा निधन भयो । उनी लामो समयदेखि…
  • प्रमको सम्बोधनः कामभन्दा आश्वासन धेरै

    सम्पादक पौष १२, २०८०
    प्रधानमन्त्री पुष्पकमल दाहालले आफूले सरकारको नेतृत्व सम्हालेको एक वर्ष पूरा भएको अवसरमा मंगलबार राष्ट्रका नाममा सम्बोधन गरेर सरकारको काम कुराको…
  • त्रिविमा राजनीतिक भागबण्डा अन्त्य गर्ने उद्घोष

    सम्पादक पौष ४, २०८०
    विश्वविद्यालयले प्रत्येक वर्ष दीक्षान्त समारोहको आयोजना गरेर आफ्ना विद्यार्थीहरूलाई दीक्षित गर्ने गर्दछ । त्यस्तै समारोह त्रिभुवन विश्वविद्यालयले पनि गर्दै आएको…

hero news full width