१. नेपालका लागि भारतका नवनियुक्त राजदूत विनयमोहन क्वात्राले विहीवार राष्ट्रपति विद्यादेवी भण्डारी समक्ष आफ्नो ओहोदाको प्रमाणपत्र पेश गरे । राजदूत क्वात्राले प्रमाणपत्र पेश गरेलगत्तै आफ्नो सक्रियता देखाएका छन् । उनले परराष्ट्रमन्त्री प्रदीप ज्ञवाली लगायतका नेताहरुसँग भेटघाट गरेका छन् ।
२. राजदूत क्वात्रा भारतीय परराष्ट्र सेवाका अनुभवी र कुशल कूटनीतिज्ञ मानिन्छन् । उनी यस अघि फ्रान्समा राजदूत थिए भने यस अघि उनले नेपाल स्थित सार्कको सचिवालयमा पनि काम गरेका थिए । उनले नेपाललाई राम्रारी चिनेको मानिन्छ ।
३. नेपाललाई राम्ररी चिनेका अनुभवी राजदूत पाएकाले उनको पालामा नेपाल र भारतका समस्याहरु छिट्टै समाधान हुने अपेक्षा गरिएको छ । भन्न त नेपाल र भारतको सम्बन्ध सधैं राम्रो छ भनिन्छ, तर औसत नेपालीहरु वर्तमान सम्बन्धलाई राम्रो भन्ने पक्षमा छैनन् । नेपालीहरु भारतीय पक्षबाट आफु हेपिएको अनुभव गर्दछन् ।
४. भारतले नयाँ नक्सा निकालेर नेपालको कालापानी लिम्पियाधुरा आफ्नो नक्सामा समावेश गरेदेखि नेपालीहरुले तीव्र प्रतिक्रिया जनाइरहेका छन् । नेपालीहरुले त्यसलाई अतिक्रमण सम्झेका छन् । नेपालीहरुले सरकारलाई त्यस सम्बन्धमा छिटो वार्ता गर्न सरकारलाई दवाव दिईरहेका छन् । साथै कालापानीमा बसिरहेका भारतीय सैनिकहरुलाई त्यहाँबाट हटाउनु पर्नेमा पनि नेपालीहरुले जोड दिईरहेका छन् ।
५. नेपालको वर्षाैदेखिको जोडबलले नेपाल र भारतको सन्धि सम्झौता पुनरावलोकन गरी सुझाव दिन दुवै देशका प्रबुद्ध व्यक्तिहरुको एक समिति गठन भएको थियो । त्यो समितिले दुईवर्ष लगाएर प्रतिवेदन तयार ग¥यो । तर त्यो प्रतिवेदन बुझ्न भारतले लामो समयदेखि अनाकानी गरिरहेको छ । भारतले त्यो प्रतिवेदन किन बुझ्न गा¥हो मानेको होला, त्यसमा नेपालीहरु आश्चर्य मान्दैछन् ।
६. नेपाल अहिले सार्कको अध्यक्ष छ । नेपालले सार्क सम्मेलन गरी अध्यक्ष पद हस्तान्तरण गर्न चाहन्छ । सार्कको सम्मेलन गर्ने पालो पाकिस्तानको हो तर भारत सार्क सम्मेलनमा सहभागी हुन मञ्जुर नभएबाट लामो समयदेखि सार्क निष्क्रिय प्रायः छ ।
७. नेपाल र भारतका बीच केही अप्ठ्याराहरु छन् । माथिका ती कुरा हरुले नेपालीहरुलाई गम्भीर बनाएका छन् । कहिलेकाँही थिचोमिचो भएको सम्झनु पर्ने अवस्था छ । तर भारतले त्यसलाई गम्भीर किसिमले नलिएकोले स्थिति लम्बिदै गएको छ । नवनियुक्त राजदूतले नेपाली मनोभावना बुझेर ती समस्याहरुको छिटो निकास निकाल्यो भने भित्री हृदयदेखि नै नेपाल र भारतको सम्बन्धले नयाँ आयाम लिने अपेक्षा गरिएको छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
मनिपालमा अत्याधुनिक एमआरआई मेसिन
१३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१